ՔԵՍԱՊԷՆ ՎԱՔԸՖԼԸ ՓՈԽԱԴՐՈՒԱԾ ԹԻԹԻԶԵԱՆ ՔՈՅՐԵՐՈՒ ՈԴԻՍԱԿԱՆԸ

0 0
Read Time:2 Minute, 12 Second

kessab  sisters

Պոլսոյ »Ակօս« թեձթէն կը տեղեկանանք թէ, մարտ 22-ին,  Գարատուրան գիւղը մնացած քանի մը տարեցներն ալ տեղահանուած են, ընդդիմադիր ուժերու կողմէ: Գարատուրանցիներու դէպի Լաթաքիա հաւաքական երթին չեն կրցած միանալ երկու քոյրեր` 84-ամեայ Սաթենիկ եւ 82-ամեայ Սրբուհի Թիթիզեաններ: Փոխարէն, ընդդիմադիրները զիրենք իրենց տունէն առին ու Եայլատաղի սահմանի դռնէն անցնելով յանձնեցին Թուրքիոյ իշխանութիւններուն: Եայլատաղի գաւառապետութեան եւ Թուրքիոյ Արտաքին Գործոց նախարարութեան միջնորդութեամբ, երկու քոյրերը փոխադրուեցան հայաբնակ Վաքըֆլը գիւղ: Անոնք տունէն ելած էին, կարծելով որ Լաթաքիա պիտի երթան, եւ այժմ` շփոթի ու սարսափի մատնուած են Թուրքիա ժամանելով: Թիթիզեան քոյրերու հետ միասին, 90-ամեայ Իսման Նիզար անուն սուրիացի մըն ալ Եայլատաղ բերուած էր: Գաւառապետ Թուրան Եըլմազ եւ ոստիկանապետ Աքիֆ Գըզըլքայա դիմաւորեցին զիրենք ու երեկոյեան ժամերուն ալ Վաքըֆլը գիւղ հասցուցին: Այս առթիւ Սաթենիկ եւ Սրբուհի Թիթիզեաններուն հետ, »Ակօս« կատարած է հարցազրոյց մը.-

Հ.- Ինչպէ՞ս կը տեղեկացնէք ցաւալի իրողութիւնը:

Պ.- Երկուշաբթի էր, թէ՞ Երեքշաբթի, վստահ չեմ: Հայերը շաբաթ մըն է որ հեռացած էին Քէսապէն: Մորուսաւոր, հսկայակազմ, երկար մազերով մարդիկ եկան մեր տունը: Սոսկացինք բնականաբար: Մեզ հանդարտեցուցին: Տունը խուզարկեցին, զէնք կը փնտռէին: Թրքախօս էին եկող նե րը: Յաջորդ օր արա բախօսներ երբ եկան, մեր հարեւան Սթալինին դիմեցինք, որպէսզի թարգման ըլլայ: Ըսին, որ յաջորդ առտու կանուխ պիտի գան ու մեզ Լաթաքիա պիտի տանին: Այդպէս ալ եղաւ, պատրաստուած էինք արդէն: Տան դուռը կղպեցի ու բանալիներն ալ իրեն տուի: Գիտէի որ մեզմէ յետոյ տուն պիտի մտնեն: Խորհեցայ որ գոնէ բանալիով կը բանան, դուռը չեն կոտրեր: Մինչեւ սահման հասնիլը, կը կար էի թէ Լաթաքիա կ»երթանք, բայց յետոյ նկատեցի որ արդէն Թուրքիա հասած ենք: Մեզ “մեծ մարդուն“ (գաւառապետին) ներկայացուցին: Մատնահետքերնիս ստուգեցին, արեան ճնշումներնիս չափեցին, փասփորթնիս վար դրին ու ըսին որ. “Այստեղ հայկական գիւղ մը կայ, ուր եկեղեցի մըն ալ կայ, ձեզ հոն պիտի ղրկենք“: Ահա հիմա արդէն հոս ենք:

Հ.- Սթալինը հետաքրքրական անուն է: Մինչ այդ, ան ի՞նչու չէր բաժնուած:

Պ.- Տարիքոտ էր, շատ տարիքոտ: Եթէ պիտի մեռնիմ հոս կը մեռնիմ, ըսաւ ու հրաժարեցաւ գիւղէն դուրս գալէ:

Հ.-  Արդեօք կ`երեւակայէի՞ք, որ այսքան մեծ խումբով պիտի յարձակէին գիւղին վրայ:

Պ.- Չէինք երեւակայեր, բայց մեզի ըսին, որ Էրտողանը ճամբաները բացած է: Իսկապէս ալ եթէ այդպէս չըլլար` այսքան մեծ թիւով գէշ մարդ չէր կրնար գալ Քէսապ ու Գարատուրան: Այդ մօրուսաւոր չար մարդիկը Թուրքիայէն եկան: Բարեբախտաբար ժողովուրդը արդէն հեռացած էր, այդ պատճառաւ ալ զոհեր չունեցանք: Միայն իրենց պիտանի բաները թալանեցին: Բոլոր տուներուն դռները կոտրեցին ու բացին: Ժողովուրդը արդէն ինքնաշարժներով գացած էր, բայց “թրաքթօր“ները թողած էին: Անոնք ալ սկսան այդ “թրաքթօր“ներով շրջիլ գիւղին մէջ: Այլեւս Գարատուրան դժուար թէ երթանք, որովհետեւհոն պատերազմ կայ: Բայց եթէ կրնաք մեզ Լաթաքիա, Քէսապէն եկողներու քով ղրկել, կ՛երթանք անշուշտ: Պէյրութ ալ քոյր եւ եղբայր ունիմ, հոն ալ կրնամ երթալ: Հոս ալ մենք մեզ ապահով կը զգանք, որովհետեւ գիւղացիները շատ ջերմ կը վերաբերին մեզի հետ…“:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles