Քայլերթ՝ Դէպի Եւրոպական Միութեան Գրասենեակ

0 0
Read Time:1 Minute, 26 Second

ԵՐԵՒԱՆ.- Օրական դրութեամբ «Դիմադրութիւն» շարժումը կը շարունակէ բողոքի ցոյցեր կատարել, ներկայ ղեկավարութեան հրաժարականը պահանջելով։
Յունիս 7-ի քայլերթը ընթացք առաւ Ֆրանսայի հրապարակէն եւ հասաւ մինչեւ Եւրոպական Միութեան գրասենեակը, ուր փաստերով ներկայացուեցան այն բոլոր բռնութիւնները, որոնք նախորդ օրերուն գործադրուեցան։
«Բացէ՛ք ձեր աչքերը», «Դատապարտեցէ՛ք բռնութիւնը» եւ այլ պաստառներով, շարժման մասնակցողները Եւրոպական Միութեան դեսպանէն պահանջեցին պատշաճ գնահատական տալ ոստիկանութեան ապօրինութիւններուն եւ բռնութիւններուն:
Բնականաբար, ըստ սովորութեան Եւրոպական Միութեան գրասենեակի շէնքին դիմաց կեդրոնացած էին ոստիկանական ուժեր։ Ազգային ժողովի «Հայաստան» խմբակցութեան պատգամաւոր Արամ Վարդեւանեան ընթերցեց այն նամակը, որ յանձնուեցաւ Եւրոպական Միութեան դեսպանին։
Ազգային ժողովի «Հայաստան» խմբակցութեան պատգամաւոր Քրիստինէ Վարդանեան, անդրադառնալով ոստիկանութեան գործողութիւններուն՝ ըսաւ, որ ոստիկաններուն հակազդեցութիւններուն մէջ նկատելի է, որ անոնք իրենց գործը չեն կատարեր, այլ իշխանութեան կողմէ իրենց տրուած հրահանգները կը գործադրեն։ «Մարդիկ իշխանութիւնը պահելու համար տուել են հայրենիքը անգամ ու հիմա այդ մարդիկ, ովքեր սեփական կօշիկը կը պաշտպանեն, բայց հայրենիքը կը տան, կանգնած են այդ իշխանութիւնը կորցնելու վտանգի առջեւ, ուրեմն ինչպէս կը գործեն այդ մարդիկ. ի հարկէ, հնարաւոր ու անհնար բոլոր եղանակներով փորձելու են կառչած մնալ աթոռին, որ աշխարհում իրենց ունեցած ամենաթանկ բանն է»:
«Հայաստան» խմբակցութեան պատգամաւոր Աննա Գրիգորեան յայտնեց, որ այս շէնքին մէջ գտնուող դեսպանը առիթը չէր փախցներ, երբ կարելիութիւն ունենար, քաղաքական յայտարարութիւններ կատարելու՝ յստակ կողմի հետ, իսկ ընդամէնը քանի մը օր առաջ տեղի ունեցած վայրագութիւններուն մասին ոչինչ ըսաւ, կոյր եւ լուռ կը ձեւանայ:
Ան յոյս յայտնեց, որ նամակը կը փոխանցուի այն ակնկալութեամբ, որ Եւրոպական Միութեան դեսպանին կողմէ կը կատարուի պատշաճ արձագանգ։
Նամակին մէջ նշուած է, թէ ոստիկանութեան ներկայացուցիչներուն մեծ մասը տուժած է յատուկ միջոցներու սխալ կիրարկման իբրեւ արդիւնք։ Բիրտ եւ անհամաչափ ուժ կիրարկուած է նաեւ լրատուամիջոցներու ներկայացուցիչներու նկատմամբ։ «Նոյն այս դեսպանատունը 2018-ին մարդու մազ ծռուելու դէպքում օրուայ մէջ մի քանի յայտարարութիւն էր տարածում, իսկ հիմա լուռ է եւ այդ լռութեամբ խրախուսում է ոստիկանական վայրագութիւնները», ըսաւ Վարդեւանեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles