«Քաղաքացիական Պայմանագիր»-ը Հ.Հ․ Նախագահի Թեկնածու Առաջադրեց Վահագն Խաչատուրեանը

0 0
Read Time:58 Second

ԵՐԵՒԱՆ․- Երեքշաբթի, Փետրուար 1-ին, Ազգային Ժողովի նախագահ եւ Հայաստանի նախագահի պաշտօնակատար Ալեն Սիմոնեան յայտնեց, թէ «Քաղաքացիական պայմանագիր» կուսակցութիւնը նախագահի թեկնածու առաջադրեց բարձր արհեստագիտութեան արդիւնաբերութեան նախարար Վահագն Խաչատուրեանը:

Հաւանական է, որ նոր նախագահի ընտրութիւնը տեղի ունենայ Փետրուար 25-էն Մարտ 7-ի  ընթացքին:

Նշենք, որ ըստ Հայաստանի Սահմանադրութեան, Հայաստանի նախագահի պաշտօնանկութեան, լիազօրութիւններու կատարման անկարելիութեան, հրաժարականի կամ մահուան պարագաներուն, մինչեւ նորընտիր նախագահին կողմէ պաշտօնի ստանձնումը, հանրապետութեան նախագահի լիազօրութիւնները կը կատարէ Ազգային ժողովի նախագահը:

Երեքշաբթի, Փետրուար 1-ին դադրեցան Արմէն Սարգսեանի լիազօրութիւնները` Հայաստանի նախագահի պաշտօնէն:

Հայաստանի Ազգային ժողովի լրատուականին մէջ հրապարակուած արձանագրութեան մէջ կը նշուի. «Հիմք ընդունելով հանրապետութեան նախագահի հրաժարականի մասին դիմումը եւ առաջնորդուելով Հայաստանի Հանրապետութեան Սահմանադրութեան 142-րդ յօդուածի եւ «Ազգային ժողովի կանոնակարգ» սահմանադրական օրէնքի 147-րդ յօդուածի Ա. մասի եւ 2-րդ մասի 2-րդ կէտի պահանջներով` դադրած նկատել հանրապետութեան նախագահ Արմէն Սարգսեանի` նախագահի լիազօրութիւնները»:

Վահագն Խաչատուրեան, իր թեկնածութեան մասին անդրադառնալով, յայտնած էր, թէ․- «Տեսականօրէն պէտք է շրջանառուէր, հաշուի առնելով այն բոլոր չափանիշները, որ ես ունեմ՝ քառասուն տարեկանից բարձր Հ․Հ․ քաղաքացի, ճանապարհ անցած մարդ, նաեւ Բարձր տեխնոլոգիական արդիւնաբերութեան նախարար, կարելի էր ենթադրել, որ ես կարող եմ այդ ցուցակում յայտնուել, հաշուի առնելով նաեւ այն, որ այսօրուայ կառավարութեան, նաեւ քաղաքական թիմի անդամ եմ»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles