ՓՐՈՎԻՏԵՆՍ.- ԱՐԵՒԵԼԵԱՆ Ա.Մ.Ն.Ի ՀԱՄԱԶԳԱՅԻՆԻ 39-ՐԴ ՇՐՋԱՆԱՅԻՆ ԺՈՂՈՎ

0 0
Read Time:2 Minute, 25 Second

1

 

Թղթակից

Արեւելեան Ա.Մ.Ն.-ի Համազգայինի 39-րդ Շրջանային Ժողովը տեղի ունեցաւ Փրովիտէնսի Հայ Կեդրոնին մէջ, Շաբաթ Յունիս 6-ին, մասնակցութեամբ ութ մասնաճիւղերու (Տիթրոյթ, Շիքակօ, Ուաշինկթըն, Նիւ Եորք, Նիւ Ճըրզի, Պոսթըն, Ֆիլատելֆիա եւ հիւրընկալ Փրովիտենս) ներկայացուցիչներուն եւ հիւրաբար հրաւիրուած ներկաներու:

Բացման առթիւ, մէկ վայրկեան յոտընկայս ի յարգանք յիշուեցան առ յաւէտ հեռացած Համազգայնականներ՝ Գէորգ Վիշապեան (Փրովիտենսի մասնաճիւղի հիմնադիրներէն) եւ Արա Գաբրիէլեան (Նիւ Եորքէն, վերջերս մահացած):57

Ժողովը մանրամասնութեամբ քննեց զանազան նիւթեր: Յատկապէս, Հայոց Ցեղասպանութեան հարիւրամեակին նուիրուած ծրագրերու մասին մանրամասն քննարկումներ կատարուեցան: Նաեւ կատարուեցան զանազան առաջարկներ:

Համագործակցական ծրագրեր եւ ժամանակացոյց մշակուեցան եւ կազմակերպութիւնները ներկայացուցին իրենց նախաձեռնութիւնները, ինչպէս նաեւ նուաճումներն ու դժուարութիւնները:23

Յատկապէս երիտասարդութիւնն ու երիտասարդական հարցերն էին, որոնք կը մտահոգէին ժողովականները: Այս առթիւ, խօսուեցաւ նաեւ Երեւանի մէջ կատարուելիք տարեկան դրութեամբ Համազգայինի ուսանողական հաւաքին (ֆորում), որ գեղեցիկ ու օգտաշատ սովորութեան վերածուած ծրագիր մըն է: Արդարեւ, այս ծրագիրը աշխարհի տարբեր երկիրներու մէջ ուսանող հայ համալսարանականներուն համար կը դառնայ համախմբման իւրայատուկ առիթ, կամրջում կը ստեղծէ անոնց միջեւ, ազգային արմատներուն ու մշակութային ժառանգութեան հաղորդակից կը դարձնէ, առիթ կու տայ կատարելու քննարկումներ` հայկական ուրոյն իրականութեան, մշակոյթի արժէքներուն պահպանման, ազգային նկարագիրի կառչածութեան դիմաց ցցուող մարտահրաւէրներուն  մասին, նաեւ գիտնալու, թէ ի՛նչ են հայ համալսարանականին պարտականութիւնները այս բոլորին մէջ:unnamed

Այս ուսանողական հաւաքի ծրագիրը բաղկացած է երեք հիմնական բաժիններէ. առաջին` զբօսաշրջական, երկրորդ` այցելութիւն այնպիսի վայրեր, ուր պարզ զբօսաշրջիկ մը չի կրնար երթալ, ինչպէս` զօրամաս, պետական համալսարան, խորհրդարան, մանկատուն, երրորդ` խմբային աշխատանքի դրութիւն:  Ասոնց զուգահեռ կայ դաստիարակչական ծրագիր մը, որուն գործադրութեան համար երիտասարդներուն հետ մնայուն ներկայութիւն կ՛ըլլան դասախօսներ: Դաստիարակչական ծրագիրը չի կեդրոնանար միայն դասախօսութիւններուն վրայ, այլ հիմնական շեշտը կը դրուի քննարկումներուն վրայ:

Կեդրոնական Վարչութիւնը կը ներկայացնէր Հրայր Պարոնեան: Ա.Մ.Ն. Արեւելեան Շրջանի Կեդրոնական Կոմիտէն կը ներկայացնէր Յովսէփ Աւագեան, իսկ Հ.Օ.Մ.-ի Շրջանային Վարչութիւնը՝ Թալին Մկրտիչեան, Հ.Մ.Ը.Մ.-ի Շրջանային Վարչութիւնը՝ Սարգիս Դարբինեան, եւ Հ.Ե.Դաշնակցութիւնը՝ Հրակ Առաքելեան:4

Ժողովի ընթացքին քննուեցան կատարուած աշխատանքներ եւ կարդացուեցան նիւթաբարոյական տեղեկագրերը: Օրուան ժողովավարն էր Թալին Մավլեան, իր կողքին քարտուղար ունենալով Յասմիկ Աբրահամեանը:

Շրջանային Վարչութեան անդամ ընտրուեցան.- տոքթ. Տիգրան Գազանճեան (Ուաշինկթըն – ատենապետ), Արեւիկ Գաբրիէլեան (Նիւ Եորք – Փոխ ատենապետուհի), Թալին Մավլեան (Նիւ Ճըրզի – ատենադպիր), Քարի Ղազարեան (Ֆիլատելֆիա – Հաշուապահ), Խաչիկ Տաքարեան (Շիքակօ – Խորհրդական), Յասմիկ Աբրահամեան (Նիւ Ճըրզի – Խորհրդական), եւ դոկտ. Զարեհ Սողոմոնեան (Ուաշինկթըն – Խորհրդական):

Ուրբաթ, Յունիս 5-ի երեկոյեան, ՝՝Կալըրի Զ՝՝ ցուցասրահին մէջ, տեղի ունեցած էր բարի գալուստի երեկոն, ուր գինիի եւ պանիրի շուրջ ժողովականներն ու հիւրերը զրուցած էին եւ անշուշտ ընբոշխնած սոյն ցուցասրահի գործերը:

Նշենք թէ, այս առթիւ յաջորդաբար հինգերորդ անգամ ըլլալով կատարուեցաւ համախմբումը, ժողովի աւարտէն ետք, որուն ընթացքին յանձնուեցան մրցանակներ, կատարուեցաւ ճաշկերոյթ ընթրիք եւ համերգ, գեղարուեստական յայտագրի կատարումով:

Փրովիտենսի նորակազմ ,Արցախե պարախումբը, որ կը բաղկանայ երեք դասակարգերէ՝ պատանի, միջնակարգ եւ երիտասարդ, ներկայացուց փունջ մը տոհմիկ գործեր, որոնց կարգին ՝՝Ծաղկացոր՝՝, ՝՝Մարտական Լորքի՝՝, ՝՝Ծափ Պար՝՝, ՝՝Այլայլուխ՝՝, ՝՝Թամզարա՝՝, ՝՝Ազգագրական Պար՝՝:

Աւելի հարիւր հանդիսատեսներ ներկայ էին այս ձեռնարկին, որոնց կարգին շրջանի հովիւ Կոմիտաս Պաղսարեան:

՝՝Մինաս եւ Գոհար Թէօլէօլեան“ գրական մրցանակին տիրացաւ Ալին Օհաննէսեան (Orhan’s inheritance):

Յատուկ շնորհաւորագրեր ստացան Արսինէ Խաչիկեան, Նայիրի Գայսէրեան, Լենա Օհաննէսեան եւ այս տարուայ հաւաքը կազմակերպող Փրովիտենսի մասնաճիւղի ներկայացուցիչ՝ Ճոն Մկրտիչեան:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles