ՓՐՈՎԻՏԵՆՍԻ ՄԷՋ Հ.Յ.Դ. 126-ԱՄԵԱԿԻ ՆՇՈՒՄ

0 0
Read Time:1 Minute, 0 Second

p1-pvd1

Շաբաթ, Դեկտեմբեր 3-ին, Փրովիտենսի մէջ նշուեցաւ Հ.Յ.Դ.-ի 126-ամեակը, տեղւոյն «Քրիստափոր» Կոմիտէութեան կազմակերպութեամբ:
«Հարպըր Լայթ Մարինա»ի մէջ կատարուած այս ձեռնարկին ներկայ էին 150 հայորդիներ: Օրուան հանդիսավարն էր Հրակ Առաքելեանը, որ բեմ հրաւիրեց «Քրիստափոր» Կոմիտէի ներկայացուցիչ Յակոբ Տոնոյեանը: Առաջին հերթին յոտնկայս, վայրկեան մը յարգուեցաւ յիշատակը, վերջերս մահացած ընկերներ՝ Թոմ Վարդապետեանի (տարիներ շարունակ ծառայած «Հայրենիք»ի անգլերէն բաժնի՝ «Արմինիըն Ուիքլի»ին) եւ Արա Տէմիրճեանի (Հ.Յ.Դ. Բիւրոյի գործավար):
Ա.Մ.Ն.-ի եւ Հայաստանի քայլերգներէն ետք, խօսք առաւ Սուրբ Վարդանանց եկեղեցւոյ Հայր՝ Գաբրիէլ Նազարեան, որ շնորհաւորեց Հ.Յ.Դ.-ի 126-ամեակը:p1-pvd2
Շրջանէն հինգ ազգայիններ՝ Ռիթա Մինասեան (Հ.Ե.Դ.), Մակի Մատարենց (Համազգային), Քարէն Փիլա (Հ.Օ.Մ.), Սարգիս Մինասեան (Հ.Մ.Ը.Մ.) եւ Սեդա Դարբինեան (Հ.Օ.Մ.) այս առթիւ ստացան յուշանուէրներ, գաղութէն ներս իրենց ունեցած հետեւողական ներդրումին առթիւ:
Օրուան բանախօսն էր Լոս Անճելըսէն ժամանած՝ Մուրատ Թոփալեան, որ կոչ ուղղեց երիտասարդութեան շարունակելու Քրիստափորներու, Ռոստոմներու եւ Զաւարեաններու կերտած կուսակցութեան աշխատանքը: Նշենք թէ, ան նախապէս դասախօսած էր երիտասարդականներուն, որմէ ետք կատարուած էր խրախճանք:p1-pvd3
Գեղարուեստական յայտագրով, ելոյթ ունեցան Սեւակ Խաչատուրեան, Մարթին Յարութիւնեան եւ Շահան Ներսէսեան, որոնք ներկայացուցին ազգային եւ տոհմիկ երգերու փունջ մը, մեծ խանդավառութիւն ստեղծելով: Աւարտին, հաւաքուեցաւ հազար տոլար, որ տրամադրուեցաւ Սուրիահայութեան օգնութեան ֆոնտին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles