Փաշինեան – Ալիեւ Հանդիպում` Պրիւքսէլի Մէջ  

0 0
Read Time:1 Minute, 34 Second

 

ՊՐԻՒՔՍԷԼ.- Չորեքշաբթի, Ապրիլ 6-ին տեղի ունեցաւ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի հանդիպումը, ներկայութեամբ Եւրոպական խորհուրդի նախագահ Շարլ Միշելի։

Միացեալ Նահանգներու արտաքին գործոց նախարար Էնթընի Պլինքըն կապ հաստատեց եւ ընդգծեց, որ այժմ տարածաշրջանին մէջ հետագայ լարումի ժամանակը չէ, եւ կոչ ուղղեց զսպուածութեան, լարուածութեան թուլացման եւ վերադարձի դիւանագիտական ճամբով խնդիրներու լուծման: Աւելի կանուխ Միացեալ Նահանգներ անհանգստութիւն յայտնած էր Արցախի մէջ «ատրպէյճանական զօրքերու տեղաշարժով»:

Տեղի ունեցաւ առանձին հանդիպում մը՝ Փաշինեանի եւ Միշելի միջեւ։ Անոնք անդրադարձան նախատեսուած եռակողմանի հանդիպումին եւ կարեւոր նկատեցին երկխօսութեան շարունակականութիւնը:

Նիկոլ Փաշինեան ներկայացուց ատրպէյճանական ստորաբաժանումներու վերջին գործողութիւններուն իբրեւ արդիւնք Արցախի մէջ ստեղծուած իրավիճակը, մարդասիրական խնդիրներն ու ընդգծած միջազգային հանրութեան հասցէական արձագանգի անհրաժեշտութիւնը։

Նիկոլ Փաշինեան եւ Շարլ Միշել քննարկեցին նաեւ Հայաստան-Եւրոպական Միութիւն երկկողմանի օրակարգի վերաբերող հարցեր, մասնաւորաբար՝ միութեան կողմէ Հայաստանի համար յայտարարուած 2.6 միլիառ եւրոյի տնտեսական եւ ներդրումային ծրագիրի իրագործման ընթացքը:

Եւրոպական խորհրդարանի պատգամաւորներ Լուքաս Ֆուրլասի եւ Ֆրանսուա-Քսաւյէ Պելամիի նախաձեռնութեամբ, խորհրդարանի 43 պատգամաւորներ՝ բոլոր գլխաւոր քաղաքական խմբակցութիւններէն, նամակ յղեցին Եւրոպական խորհուրդի նախագահ Շարլ Միշելին եւ Եւրոպայի Արտաքին գործողութիւններու ծառայութեան գերագոյն ներկայացուցիչ Ժոզեփ Պորրելլին` Պրիւքսէլի մէջ Փաշինեան-Ալիեւ հանդիպման ընդառաջ:

Այս մասին տեղեկացուց Հ.Յ.Դ. Եւրոպայի Հայ Դատի գրասենեակը:

Պատգամաւորները ահազանգեցին Արցախի մէջ Ատրպէյճանի կողմէ բնիկ հայ բնակչութեան նկատմամբ գործադրուող ցեղային զտման քաղաքականութեան վերաբերեալ: Անոնք Եւրոպական Միութեան գործադիր ղեկավարներուն կոչ ուղղեցին՝ օգտագործելու միութեան տրամադրութեան տակ գտնուող բոլոր լծակները Ատրպէյճանի վրայ ճնշում գործադրելու համար, որպէսզի այդ երկիրը վերջ տայ Արցախի մէջ իր յարձակողական քաղաքականութեան, անյապաղ ետ քաշէ իր զինուած ուժերը ելման դիրքեր եւ դադրեցնէ որեւէ գործողութիւն, որ կրնայ վտանգել Լեռնային Ղարաբաղի բնիկ հայ բնակչութեան անվտանգութիւնն ու բարեկեցութիւնը:

Անդրադառնալով նամակին` Հ.Յ.Դ. Հայ Դատի Եւրոպայի գրասենեակի նախագահ Գասպար Կարապետեան շեշտեց․ «Եւրոպական խորհրդարանի պատգամաւորներուն այս նախաձեռնութիւնը կարեւոր ազդակ է` ուղղուած Եւրոպական միութեան գործադիր ղեկավարներուն, քանի որ անիկա Ատրպէյճանի վարած քաղաքականութեան յստակ գնահատական կու տայ` զայն բնորոշելով իբրեւ ցեղային զտման քաղաքականութիւն: Պէտք է շարունակենք հետեւողական ըլլալ, որպէսզի Եւրոպական Միութիւնը ճնշում բանեցնէ Ատրպէյճանի վրայ` վերջ տալու Արցախի հայաթափման սանձարձակ կեցուածքին»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
100 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles