Ցոյց՝ Հ.Հ. Արտաքին Գործոց Նախարարութեան Շէնքի Մուտքին 

0 0
Read Time:38 Second

ԵՐԵՒԱՆ.- Մայիս 24-ին «Դիմադրութիւն» շարժման մասնակցողները  հասան Հայաստանի արտաքին գործոց նախարարութեան շէնքը, ուր ոստիկանները պատ կազմած էին։

Ցոյցին մասնակցողները Արցախի դրօշներ փակցուցին շրջափակուած շէնքին վրայ: Որոշ ժամանակ ետք, լարուածութիւն յառաջացաւ, հրմշտուք եղաւ եւ ոստիկանները բռնի ուժ սկսան կիրարկել։

Հակառակ ոստիկաններու փորձին` Ազգային ժողովի ընդդիմադիր պատգամաւորներուն մուտքը խոչընդոտելու, ժողովուրդի ճնշման տակ անոնք յաջողեցան մտնել Հայաստանի արտաքին գործոց նախարարութեան շէնքը` փոխանցելու շարժման ուղերձը:

«Հայաստան» խմբակցութեան անդամ, Ազգային ժողովի փոխնախագահ Իշխան Սաղաթէլեան յայտարարեց, որ նախարարութիւնը չ՛առաջնորդուիր Հայաստանի ժողովուրդի շահերով։

Սաղաթէլեան, իր խօսքին մէջ անդրադառնալով Փաշինեանի՝ Պրիւքսէլ կատարած այցելութեան՝ նշեց, որ այս իշխանութիւններէն վաղուց ոչ մէկ դրական ակնկալութիւն կայ` հաստատելով, որ կացութեան լուծումը անոնց հեռացումն է։

Սաղաթէլեան յայտարարեց, որ «Դիմադրութիւն»ը աննահանջ է իր պայքարին մէջ, եւ անհնազանդութեան շարժումները պիտի շարունակուին` կոչ ուղղելով բոլորին՝ զգաստանալու եւ միանալու իրենց։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles