ՑԵՂԱՍՊԱՆՈՒԹԵԱՆ 102-ԱՄԵԱԿԸ ԵՐԵՒԱՆԻ ԵՒ ԱՐՑԱԽԻ ՄԷՋ

0 0
Read Time:46 Second

 

ԵՐԵՒԱՆ, ՍՏԵՓԱՆԱԿԵՐՏ.- Ապրիլ 24-ին, Հ.Հ. նախագահ Սերժ Սարգսեան, Ամենայն հայոց Գարեգին Բ. կաթողիկոսը եւ պետական բարձրաստիճան անձնաւորութիւններ, օտար դիւանագէտներ, ինչպէս նաեւ առաւօտեան կանուխ ժամերէն մինչեւ երեկոյեան ուշ ժամեր բազմահազար հայորդիներ, սփիւռքահայեր, օտարներ Ծիծեռնակաբերդի բարձունքին անգամ մը եւս յարգեցին Ցեղասպանութեան զոհերու յիշատակը եւ Մեծ եղեռնի անմեղ զոհերու յիշատակը յաւերժացնող անմար կրակին մօտ ծաղիկներ զետեղեցին` ի յիշատակ անգերեզման մնացած մէկուկէս միլիոն սուրբ նահատակներուն:
Տեղի ունեցաւ հոգեհանգստեան պաշտօն` նախագահութեամբ Ամենայն հայոց Գարեգին Բ. կաթողիկոսին:
Արարողութենէն ետք Հանրապետութեան նախագահը, վեհափառ հայրապետը եւ պաշտօնական անձնաւորութիւններ այցելեցին նաեւ Հայոց ցեղասպանութեան թանգարան-հիմնարկ:
Յուշահամալիր այցելեցին Արցախի Հանրապետութեան նախագահ Բակօ Սահակեան, Ազգային ժողովի նախագահ Աշոտ Ղուլեան, վարչապետ Արա Յարութիւնեան, պետական այրեր եւ հիւրեր, որոնք ծաղիկներ ու ծաղկեպսակներ զետեղած են Հայոց ցեղասպանութեան անմեղ զոհերու յիշատակին:
Արցախի թեմի առաջնորդ Պարգեւ արք. Մարտիրոսեանի հանդիսապետութեամբ տեղի ունեցած է նաեւ բարեխօսական Սրբոց նահատակաց եւ ոգեկոչման կարգ:
Հայ Յեղափոխական Դաշնակցութեան երիտասարդական եւ ուսանողական միութիւններուն նախաձեռնութեամբ Երեւանի եւ Ստեփանակերտի մէջ, տեղի ունեցաւ աւանդական ջահերթ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles