Ցեղասպանութեան Վերաբերող Բանաձեւը Քուէարկութեան Պիտի Դրուի Գերմանիոյ Խորհրդարանին Մէջ

0 0
Read Time:1 Minute, 51 Second
 «Հայոց Ցեղասպանութեան մասին պաշտօնապէս արդէն իսկ խօսած է Գերմանիոյ բարձրագոյն ղեկավարութիւնը, սակայն կառավարութիւնը կը փափաքի հարցը կրկին գորգի տակ պահել` քաղաքական շահերէ մղուած: Կը կարծեմ, որ այդ մէկը ընել պիտի չյաջողին: Նոյնիսկ եթէ մեր փափաքին հակառակ` ընդդիմութեան եւ իշխանութեան միասնական բանաձեւ մը չըլլայ, վստահ եմ, որ զեկուցողները պիտի կիսեն Կանաչներ կուսակցութեան հիմնաւորումներն ու տեսակէտները», կը յայտնէ Գերմանիոյ «Կանաչներ» կուսակցութեան նախագահ Ճեմ Oզտեմիր:

«Հայոց Ցեղասպանութեան մասին պաշտօնապէս արդէն իսկ խօսած է Գերմանիոյ բարձրագոյն ղեկավարութիւնը, սակայն կառավարութիւնը կը փափաքի հարցը կրկին գորգի տակ պահել` քաղաքական շահերէ մղուած: Կը կարծեմ, որ այդ մէկը ընել պիտի չյաջողին: Նոյնիսկ եթէ մեր փափաքին հակառակ` ընդդիմութեան եւ իշխանութեան միասնական բանաձեւ մը չըլլայ, վստահ եմ, որ զեկուցողները պիտի կիսեն Կանաչներ կուսակցութեան հիմնաւորումներն ու տեսակէտները», կը յայտնէ Գերմանիոյ «Կանաչներ» կուսակցութեան նախագահ Ճեմ Oզտեմիր:

ՊԵՐԼԻՆ.- Գերմանիոյ խորհրդարանին մէջ, Հայոց Ցեղասպանութեան բանաձեւի ընդունման շուրջ բուռն քննարկումները քուէարկութեան հանգրուան չհասան:
Գերմանիոյ խորհրդարանը Փետրուար 25-ի նիստի իր օրակարգին մէջ ներառած էր Հայոց Ցեղասպանութեան հարիւրամեակին առնչուող հարցը, զոր քննարկելու համար առաջարկ ներկայացուցած էր «Դաշինք 90-Կանաչներ» խմբակցութիւնը:
Գերմանիոյ «Կանաչներ» կուսակցութեան նախագահ Ճեմ Օզտեմիր ըսաւ, թէ այս քննարկումը չի կատարուիր պարզապէս յիշատակման համար, այլ` Ցեղասպանութեան վերաբերեալ բանաձեւի նախագիծը ներկայացնելու նպատակով:
Նախատեսուած 45 վայրկեանէ աւելի տեւած քննարկումներու աւարտին յառաջ եկաւ բանաձեւի քուէարկութեան նպատակայարմարութեան մասին հարցը, որովհետեւ իշխող Քրիստոնեայ – դեմոկրատական միութիւն/Քրիստոնեայ – ընկերային միութիւն դաշինքի ներկայացուցիչները յայտարարեցին, որ այժմ այս պայմաններուն մէջ ու այս տեսքով բանաձեւի քննարկումը աննպատակայարմար է: Ցեղասպանութեան հարցով հայամէտ դիրքորոշում ունեցող ձախերը եւս ձեռնպահ մնացին` յայտարարելով, որ բանաձեւը այս տեսքով իրենց չի բաւարարեր եւ Ցեղասպանութեան վերաբերեալ սեփական բանաձեւով հանդէս կու գան Ապրիլ 24-ին ընդառաջ: Այս բոլորին արդիւնքով կանաչներու կուսակցութեան համանախագահ Ճեմ Օզտեմիր իշխող համախմբական կառավարութեան առջեւ յառաջ քաշեց բանաձեւը յետս կոչելու նախապայմաններ` բանաձեւը պէտք է ներկայացուի մինչեւ Ապրիլ 24 եւ ներառէ երեք դրոյթ` յստակ բովանդակութեամբ յայտարարուի, որ 1915-¬ի դէպքերը Ցեղասպանութիւն են, ընդունուի Գերմանիոյ մեղսակցութիւնը եւ Գերմանիան պատասխանատուութիւն ստանձնէ` նպաստելու հայ-թրքական յարաբերութիւններու բարելաւման հոլովոյթին:
«Յոյս ունիմ, որ ընդդիմութիւնն ու կառավարութիւնը յաջողին խորհրդարանին մէջ համաձայնիլ հարիւր տարի առաջ իրագործուած Ցեղասպանութեան շուրջ: Ասիկա շատ կարեւոր ազդակ մը պիտի ըլլայ Ցեղասպանութեան հարիւրամեակին: Պէտք է նախ շեշտել, թէ տեղի ունեցածը Ցեղասպանութիւն էր եւ ապա հաստատել, որ Գերմանիա մեղսակից էր անոր: Նաեւ, մենք ամէն ինչ պէտք է ընենք, որ հայ-թրքական սահմանը բացուի», ըսաւ Օզտեմիր:
«Կանաչներ» կուսակցութիւնը առաջարկած է, որ քննարկման յաջորդէ քուէարկութիւն: «Սակայն յստակ չէ, թէ իշխող ուժերը ունի՞ն այդպիսի տրամադրութիւն: Եթէ ոչ, ապա հինգշաբթի տեղի կ՛ունենայ միայն քննարկում եւ ոչ թէ քուէարկութիւն: Այդ պարագային, բանաձեւը կրկին կը ղրկուի յանձնախումբեր` քննարկման համար, ուր անիկա կրնայ 2015-ի Ապրիլ 24-ին ներկայացուած բանաձեւի ճակատագիրին ենթարկուիլ, այսինքն` անտեսուիլ, քանի որ իշխող համախմբումը հետաքրքրուած չէ այդ նիւթի քննարկումով», աւելցուց Օզտեմիր:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles