0
0
ԵՐԵՒԱՆ․- Օգոստոս 20-ի նիստին «Ժառանգութիւն» կուսակցութիւնը որոշած է Երեւանի աւագանիի` Սեպտեմբեր 23-ին նշանակուած արտահերթ ընտրութիւններուն քաղաքապետի թեկնածու առաջադրել կուսակցութեան հիմնադիր Րաֆֆի Յովհաննիսեանը: Ցուցակին մէջ պիտի ընդգրկուին կուսակցութեան ներկայ նախագահ եւ Ազգային Ժողովի նախկին պատգամաւոր Արմէն Մարտիրոսեանը, որ պիտի ղեկավարէ քարոզարշաւը, քաղաքացիական իրաւունքի պաշտպան Յովսէփ Խուրշուտեանը, ինչպէս նաեւ աւագանիի աւելի քան 50 թեկնածուներ` մասնագիտական, մտաւորական, կանանց եւ երիտասարդական շրջանակներու ու քաղաքացիական հասարակութեան ներկայացուցիչներ:
Յուլիսի վերջը «Քաղաքացիական պայմանագիր» կուսակցութիւնը Երեւանի քաղաքապետի պաշտօնի համար առաջադրած էր դերասան Հայկ Մարութեանի թեկնածութիւնը:
Իսկ արդարադատութեան նախարար Արտակ Զէյնալեան յայտատարեց, որ ինք պիտի գլխաւորէ «Լուսաւոր Հայաստան» եւ «Հանրապետութիւն» կուսակցութիւններու դաշինքին ցուցակը։
