ՏԻԹՐՈՅԹ.- Հ.Օ.Մ.-Ի ՄԻՕՐԵԱՅ «ԶԱՒԱՐԵԱՆ» ՎԱՐԺԱՐԱՆԻ ԱՄԱՎԵՐՋԻ ՀԱՆԴԷՍ

0 0
Read Time:1 Minute, 57 Second

p6 detroit hom

Կիրակի, Յունիս 5-ին, Սուրբ Սարգիս Եկեղեցւոյ յարակից «Լիլիըն Առաքելեան» սրահին մէջ, տեղի ունեցաւ Հ.Օ.Մ.-ի միօրեայ ,Զաւարեանե վարժարանի 2015-2016 ամավերջի հանդէսը։
Հանդիսութեան ներկայ էին, Սուրբ Սարգիս եկեղեցւոյ հովիւ, Տէր Հրանդ քահանայ Գէորգեան, ծնողներ, հարազատներ որոնք ժամանակէն առաջ իրենց տեղերը գրաւած էին:
Հանդէսի բացումը կատարեց վարժարանի Տնօրէնուհի Տիկին Սօնա Վէնտըվէլտ, նախ բարի գալուստի եւ երախտագիտութեան խօսք ուղղեց ներկաներուն, ապա մեծապէս գնահատեց միօրեայ վարժարանին հանդէպ ծնողներուն ունեցած հաւատքն ու յարգանքը։
Ան ներկայացուց ուսուցչական կազմը՝ Սարա Ոսկանեան, Թալին Մարկոսեան, Սիլվա Թիւֆէնքճեան եւ Նայիրի Սաղըրեան եւ ապա գնահատեց ու շնորհակալութիւն յայտնեց անոնց, ամբողջ, տարուան ընթացքին տարած աշխատանքին համար։ Նաեւ շնորհակալութիւն յայտնեց Հ.Օ.Մ.-ին, որ իր ազգանուէր ծառայութեամբ եւ բարեգործ ներկայութեամբ, շարունակ կը հովանաւորէ միօրեայ «Զաւարեան» վարժարանը հասնելով վարժարանի բոլոր կարիքներուն։
Բացման խօսքէն ետք, բեմը գրաւեցին մանուկները, բոլոր կարգերու աշակերտներու կատարողութեամբ, անոնք երգեցին «Մեր Հայրենիք»ը եւ այլ երգեր:
Դասարանային կարգով աշակերտները ներկայացուցին գեղարուեստական յայտագիր։ Յայտագրի վրայ էին «Ստախօս Միհրանիկը» թատերախաղը, որուն մասնակցած էին բոլոր աշակերտները, ստանձնելով զանազան բաժիններ: Գլխաւոր բաժինը ներկայացուց Լարա Թէլպէլեան, որ Էնթընի Միրաշեանի հետ մեծ խանդավառութիւն ստեղծեց, ներկայացնելով «Մանուկն ու Մայրը» կատակ երկխօսութիւն սահուն հայերէնով եւ անթերի բեմակատարութեամբ:
Ապա խօսք առաւ Հ.Օ.Մ.-Ի Միջ-Վարչութեան քարտուղարուհի Սօնա Մշիկեան, որ անդրադարձաւ Հ.Օ.Մ.-ի Առաքելութեան սրբազան գործին: Ան նշեց թէ 75 տարիներէ ի վեր ,Զաւարեանե վարժարանը կը գոյատեւէ մինչեւ օրս։
Ան մեծապէս գնահատեց վարժարանի Տնօրէնուհին եւ ուսուցչական կազմը, որոնք բծախնդրօրէն եւ նուիրուածութեամբ կը վարեն այս սուրբ գործը, աշակերտներուն կը փոխանցեն հայեցի դաստիարակութիւն եւ երգ ու պարի ճամբով անոնց կը ծանօթացնեն հայ մշակոյթը։ Մշիկեան նաեւ յատուկ շնորհակալութիւն յայտնեց ծնողներուն իրենց զոհողութեան ու վստահութեան։
Ամավերջի հանդէսի պաշտօնական բաժնի աւարտին, տնօրէնուհի Վէնտըվէլտ եւ Հ.Օ.Մ.-ի Միջ-Վարչութեան փոխ-Ատենպետուհի՝ Սիրվարդ Թէլպէլեանին հետ միասնաբար յանձնեցին վկայագիրները:
Հ.Օ.Մ.-Ի Միջ- Վարչութիւնը յատուկ յուշատախտակով գնահատեց հինգ աշակերտներ՝ Ուրլեան Արէք, Թէլպէլեան Լարա, Մուրատեան Սիոն, Գազարեան Իզապէլ, եւ Գազարեան Լուսիա, որոնք կանոնաւոր կերպով յաճախած են վարժարան։ Նշենք թէ, այս տարի, վարժարանը մասնակցած էր Հ.Օ.Մ.-ի շարադրութեան մրցումին եւ երկու աշակերտներ՝ Թալին Փալանճեան Եւ Անտրէ Միրիճանեան շահած էին մրցանակներ: Վէնտըվէլտ եւ Թէլպէլեան յանձնեցին նուէրները։
Հանդէսի աւարտին Տէր Հրանդ Գէորգեան յայտնեց իր տպաւորութիւները, եւ խօսքը ուղղելով աշակերտներուն ըսաւ.- «Կը խոստանա՛ք որ հայերէն պիտի խօսիք միշտե: Աշակերտները անվարան պատասխանեցին.- ,Այո՜ կը խոստանանք»։
Տէր Հրանդ Գէորգեան հանդիսութիւնը փակեց Տէրունական աղօթքով։
Յայտագրին աւարտին, ծնողները մեծապէս գնահատեցին տարեկան այս հանդէսը։ Աւարտին, տեղի ունեցաւ ծնողներուն կողմէ պատրաստուած հիւրասիրութիւնը։

Ս. ԹԷԼՊԷԼԵԱՆ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles