ՏԻԹՐՈՅԹԻ Հ.Բ.Ը.Մ.ի «ԱԼԵՔ ԵՒ ՄԱՐԻ ՄԱՆՈՒԿԵԱՆ» ՎԱՐԺԱՐԱՆԻ ՄԱՆԿԱՊԱՐՏԷԶԻ ԱՄԱՎԵՐՋԻՆ ՀԱՆԴԻՍՈՒԹԻՒՆ ԵՒ ՎԿԱՅԱԿԱՆԱՑ ԲԱՇԽՈՒՄ

0 0
Read Time:3 Minute, 53 Second

unnamed (1)

unnamed (2)unnamed (3)Հինգշաբթի, Յունիս 9-ի, երեկոյեան ժամը 6:30ին, ,Ալեք եւ Մարի Մանուկեանե երկրորդական վարժարանի նորակառոյց սրահին մէջ տեղի ունեցաւ, վարժարանի մանկապարտէզի ծաղիկ դասարանի ամավերջին հանդիսութիւնն ու վկայականներու բաշխումը:
Ներկայ էին Երկրորդական բաժինի տնօրէն Յովսէփ Թորոսեան, Խնամակալ Մարմնի անդամներ, նախակրթարանի եւ միջնակարգի ուսուցչուհիներ, ծնողներ, հարազատներ, բարեկամներ եւ հոծ հասարակութիւն մը: Նախակթարանի եւ միջնակարգի բաժինի տնօրէնուհի Տայանա Գզըլեան անհանգստութեան պատճառով կը բացակայէր, զայն փոխարինած էր վարժարանի երկարամեայ աւագ ուսուցչուհի Սօնա Գալֆայեան: Ան, իր բարի գալուստի խօսքէն ետք, ներս հրաւիրեց մանկապարտէզի ծաղիկ դասարանի շրջանաւարտ աշակերտները, որոնք ձեռքերնին բռնած Ամերիկայի եւ Հայաստանի դրօշակներով, եւ իրենց գլխին դրած ճերմակ գլխարկ, անգլերէն լեզուի ուսուցչուհի Սիրան Չօլալքեանի առաջնորդութեամբ մուտք գործեցին սրահէն ներս, եւ երկու կողմերէն ուղղուեցան ու բարձրացան բեմ: Իրենց կը հետեւէին հայ լեզուի ուսուցչուհի տիկիններ՝ Անահիտ Թումաճեան եւ անգլերէն լեզուի օգնական դասատու Սօսի Փալանճեան:
Բեմին վրայ 27 հայ թէ օտար սիրասուն փոքրիկ ծաղիկներ թովիչ ձայներով երգեցին «Pledge of Allegiance», «You’re A Grand Old Flag» եւ «Մեր Հայրենիք»ը:
Ապա օրուայ հանդիսավարուհի Սօնա Գալֆայեան ողջունելէ ետք ներկաները ամփոփ գիծերու մէջ ներկայացուց մանկապարտէզի միամեայ աշխատանքը ու վեր առաւ մանկապարտէզի ուսուցչական կազմի կատարած գնահատելի աշխատանքը: Մանկապարտէզի սիրասուն մանուկները երեք տարիներու ընթացքին մտքով ու մարմինով մեծցան, եղան տառաճանաչ ամբարեցին զանազան գիտելիքներ, սորվեցան երգել, պարել, գծել, ներկել, եւ ահա այսօր կը ներկայանան թէեւ մարմնով փոքր, բայց ձեզի հոգեկան հպարտանք եւ վայելք պատճառելու ու հէքիաթային աշխարհ փոխադրելու մատղաշ սերունդ մը:
Ապա, շրջանաւարտ փոքրիկները անգլերէն երգեցին «Yankee Doodle», «O Susanna», «Take me out to the Ball Game», «Square dance», «This Land is your land» եւ «Surfin USA» երգերը: Այնուհետեւ իւրաքանչիւր շրջանաւարտ հայ թէ օտար, Մեսրոպեան գեղեցիկ լեզուով իրենց անունը մականունը եւ տարիքը յայտնելէ ետք, շարունակեցին՝ «Երբ Մեծնամ» ոմանք բժիշկ, դեղագործ, հաշուապահ, իսկ ուրիշներ երկրաչափ, դատաւոր, ոստիկան, իրաւաբան, ուսուցիչ եւ պետական պաշտօնեաներ պիտի ըլլան:
Բեմ հրաւիրուեցաւ ծաղիկ դասարանի ուսուցչուհի Սիրան Չօլաքեանը որպէսզի յանձնէ շրջանաւարտներուն վկայականները:
Այնուհետեւ աշակերտները միասնաբար պարեցին ,Իմ Անունս Հայաստան Էե: Խմբովին երգեցին «Կենաց երգ», «Մուշ», «Դարձեալ փայլեց», «Հայեր Միացէք», «Գէտաշէն» եւ «Արարատ Յառաջ» յեղափոխական եւ ազգագրական ոգեշունչ երգեր խանդավառելով ներկայ հանդիսականները:
Հանդիսութիւնը իր աւարտին հասաւ «Ալեք եւ Մարի Մանուկեան» Վարժարանի քայլերգով:
Հանդիսավարուհի Գալֆայեան շնորհակալութիւն յայտնեց վարժարանի պարուսոյց Նայիրի Կարապետեանի, ինչպէս նաեւ Հերի Յովակիմեանի երգերու եւ պարեղանակներու երաժշտութեան դասաւորման, եւ բոլոր անոնց որ օգտակար հանդիսացան յայտագրի յաջողութեան:
Իսկապէս գեղեցիկ ու ոգեւորիչ է ականատես ըլլալ այս օտար ափին հասակ առնող սիրասուն հայորդիներ, որոնք հայ դպրոցին յարկին տակ կը ստանան իրենց կեանքի առաջին վկայականը: Որպէս ապագայ սերունդ, զինուած ,Մեսրոպեանե տառերով պիտի գրեն ու կարդան, եւ հայօրէն պիտի շարունակեն պաշտպանել ու խօսիլ ,Մեսրոպեանե գեղեցիկ ու Աստուածահաճոյ լեզուն:
Կը գնահատենք ,Ալեք եւ Մարի Մանուկեանե վարժարանի խնամակալ մարմինը, տնօրէնութիւնը, ուսուցչական կազմը եւ ծնողները որոնք հաւատալով ,Հայ Դպրոցեի առաքելութեան իրենց զաւակները կը ղրկեն Հայ դպրոց: Յատուկ շնորհակալութիւն մանկապարտէզի ուսուցչական կազմին, եւ յատկապէս հայ լեզուի երկարամեայ վաստակաւոր ուսուցչուհի տիկ. Անահիտ Թումաճեանին, որ տարիներէ ի վեր սկսեալ ծաղիկ դասարանէն, միջնակարգ, եւ երկրորդական դասարանի աշակերտութեան մտքին ու հոգիին մէջ կը դրօշէ ,Մեսրոպեանե ոսկետառերը, եւ այդ ճամբով հայ մանուկը, պատանին, պարման-պարմանուհին կը կազմաւորուին ազգային ինքնութեամբ ու զայն ամուր կը պահեն իրենց կեանքին մէջ:
Կը գնահատենք Հայ լեզուի իր ուսուցչական առաքելութիւնը ու հայավայել գիտակցութիւնը, հոգեբանութեան ոգին, ցուցաբերած ճիգը հայ աշակերտը հայ պահելու եւ հայ դպրոցը հայ պահելու, հայ մանուկներու պատանիներու եւ պարման-պարմանուհիներու հայակերտման եւ ազգային ինքնագիտակցութեան: Տիկ. Թումաճեան քաջ գիտէ թէ միայն ու միայն հայ դպրոցի ճամբով, հայ մանուկը կը հաղորդուի մեր ազգային պատմութեան եւ քրիստոնէական հաւատքին, անցեալի ու այսօրուան հերոսներուն: Վարդան Մամիկոնեանի, Ղեւոնդ Երէցի, Նարեկացի, Խրիմեան Հայրիկի, Սարդարապատի, Բաշ Ապարանի, Ղարաքիլիսէի ճակատամարտերուն քաջարի հերոսներուն, եւ մեր նորօրեայ Արցախի ազատագրական մարտերուն, ինչպէս նայեւ վերանկախացած Հայաստանի սահմանները պաշտպանող հերոսներուն:
1969ին, Հ.Բ.Ը.Մ.ի ցկեանս նախագահ եւ ազգայի բարերար Տիար Ալեք Մանուկեան եւ իր յարգելի կողակիցը Մարի Մանուկեան, հաւատացած էին թէ Հայրենիքէն հազարաւոր մղոններ հեռու այս հիւրընկալ, օտար ափին Հայ Դպրոցը կը հանդիսանայ հայապահպանման ամուր ամրոց ու հայակերտումի լուսաշող դարբնոց, եւ գրաւականը հայապահպանման գոյապայքարի: Եւ այդ վառ տեսիլքով ու հաւատքով, իրենց հոգիին խորքէն հնչող արեան կանչին անսալով քաջութիւնը եւ իմաստութիւնը ունեցած են, Տիթրոյթի մէջ հիմնել Հ.Բ.Ը.Մ.ի ,Ալեք եւ Մարի Մանուկեանե երկրորդական Վարժարանը, որուն զբօսանքի սրահին պատին վրայ մեծ տառերով զետեղել տուած են իմաստալի ու գեղեցիկ պատգամ մը.- «Հայ Ծնիլը Դիւրիւն է, Հայ Մնալը է Դժուար»:
Երբ ակնարկ մը կը կատարենք Տիթրոյթի Հ.Բ.Ը.Մ.ի ,Ալեք եւ Մարի Մանուկեանե երկրորդական վարժարանի հիմնադրութեան, իսկապէս ան եղած է մեծ պարգեւ մը, եւ մեծ բարիք մը Տիթրոյթի հայութեան: Հազարաւոր ամերիկածին եւ միջին արեւելքէն գաղթած հայորդիներ, եւ թէ օտարներ, անոր յարկին տակ մարմինով մեծցած, մտքով ու հոգիով կոփուած, որպէս հայ կազմաւորուած, ուսում ստացած եւ համալսարաներ յաճախած, վկայուած են բժիշկ, դեղագործ, երկրաչափ, իրաւաբան, դատաւոր, ուսուցիչ եւ հանրային թէ պետական պաշտօնեաներ:
Կը գնահատենք իրենց ազգավայել, հայավայել վաստակը, փառք ու պատիւ ազգային մեծ բարերարներուն՝ Ալեք եւ Մարի Մանուկեաններուն, կը խոնահինք անոնց անմար յիշատակին առջեւ, յատկապէս Տիթրոյթի հայութեան իրենց կատարած մեծ պարգեւին եւ մեծագոյն բարիքին:
«Յիշատակն արդարոց օրհնութեամբ եղիցի»:
ԱՆԴՐԱՆԻԿ ԳԱՐԱՏՕԼԵԱՆ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles