ՏԵՐԵՒԱԹԱՓ.- ՔՈՅՐ ՍԵՍԻԼԻ ՅԻՇԱՏԱԿԻՆ

0 0
Read Time:54 Second

p15 cecile
Նոյեմբեր 6-ին ի Տէր հանգչեց Անարատ Յղութեան հայ քոյրերու միաբանութեան առաքինազարդ քոյր Սեսիլ (մկրտութեան անունով` Թագուհի) Քէհէյեանը: Ան իր հոգին աւանդեց Գիւմրիի պետական հիւանդանոցին մէջ:
Քոյր Սեսիլ ծնած է Ապրիլ 13, 1923-ին, Կիպրոսի մէջ: Ան 1946-ին մեկնած է Հռոմ` ուսանելու նորընծայարան, ուր տարի մը ետք, Դեկտեմբեր 8, 1947-ին, ստացած է նորընծայութեան սքեմը:
Անարատ Յղութեան միաբանութեան վանական անդրանիկ ուխտի անդամ, ան մասնակգիտացաւ մանկավարժութեան բնագաւառէն ներս:
1957-ին, աւարտելէ ետք իր ուսումը, ան գործուղղուած Լիբանան եւ 1967-ին ստանձնած Հռիփսիմէանց վարժարանի մեծաւորի, ապա տնօրէնի պաշտօնները՝ մինչեւ 1992:
Ապա մեկնած Պոսթըն եւ Ֆիլատելֆիա, ան մեծ եռանդով կը դասաւանդէր հայերէն, հայոց պատմութիւն, մշակոյթ, մանուկներու հոգիներէն ներս սերմանելով հայկականութիւն:
1998-ին մեկնած է Մարսէյ, ապա երկու տարի ետք տեղափոխուած Հայաստան` Գիւմրի, ուր ծառայեց մինչեւ 2003 թուական: Ապա ան վերադարձաւ Պոսթըն, ուր ստանձնեց տեղւոյն Ծիծեռնակաբոյն վարժարանի տնօրէնութիւնը:
Վերջին ամիսներուն, քոյր Սեսիլը դարձեալ Գիւմրի վերադարձած էր:
Թաղման արարողութիւնը տեղի ունեցաւ Նոյեմբեր 7-ին` նախագահութեամբ Արհ. Տ. Ռաֆայէլ արքեպս. Մինասեանի, Գիւմրիի Սրբոց Նահատակաց Մայր Տաճարին մէջ:
Պոսթըն կեցութեան ժամանակ, ”Հայրենիք”ի խմբագրութիւնը բազմիցս այցելած էր քոյր Սեսիլին: Ան խոր հաւատք ու սէր ուներ հայ մամուլին հանդէպ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles