Վերահրատարակուած է Արշակ Ջամալեանի «Յ. Քաջազնունին եւ Հ. Յ. Դաշնակցութիւնը»

0 0
Read Time:1 Minute, 52 Second

arshak tchamalian
Հայկական ուսումնասիրութիւններու «Անի» կեդրոնը վերհրատարակած է
Արշակ Ջամալեանի «Յ. Քաջազնունին եւ Հ. Յ. Դաշնակցութիւնը»:
Արշակ Ջամալեան կարեւոր ներդրում ունեցած է Եւրոպայի տարածքին, ինչպէս Հայ Երիտասարդական Միութիւններու, այնպէս եւ Հայ Կապոյտ Խաչի միաւորներու հիմնադրութեան, տարածման եւ ժողովրդականացման գործին մէջ։
Ծնած Գանձակի մէջ, Սեպտեմբեր 22, 1882ին Արշակ Իսահակեան, զաւակն էր բարեկեցիկ ոսկերիչ՝ Ջամալ Իսահակեանի: Ան իր հօր անունով ընտրեց Ջամալեան մականունը հետագային:Arshag_Jamalian
1918ի Հայաստանի Անկախութեան Սերունդի ներկայացուցչական դէմքերէն ու վաստակաշատ նուիրեալներէն է յեղափոխական մտաւորականի, կուսակցական ղեկավարի եւ ազգային-պետական գործիչի դաշնակցական այս ինքնուրոյն դէմքը՝ Արշակ Ջամալեան անունով, որ շուրջ քառասուն տարի իր շեշտակի դրոշմը դրաւ հայ ժողովուրդի ազգային-քաղաքական կեանքի հունաւորման վրայ։
1914էն 1921 երկարած եւ հայ ժողովուրդի նորագոյն պատմութեան ամէնէն բախտորոշ ժամանակաշրջանը կազմած տարիներուն, Արշակ Ջամալեան իմաստով յառաջապահ ներկայութիւն եղաւ հայ ժողովուրդի պաշտպանութեան, Հայաստանի անկախացման եւ Հայաստանի Հանրապետութեան պետական ամրապնդման դիրքերուն վրայ։ Եղաւ Հայ Կամաւորական Շարժման ղեկավարներէն։ 1917ի համառուսական յեղափոխութեան երկար ամիսներուն, ներկայացուց Հ.Յ.Դաշնակցութիւնը բոլոր մակարդակներուն վրայ։ Անդրկովկասեան Սէյմի կառավարութեան մաս կազմեց եւ Երզնկայի մէջ հաշտութեան բանակցութիւններ վարեց թուրքերուն հետ՝ յանուն Սէյմի։ Նշանակուեցաւ նորանկախ Հայաստանի Հանրապետութեան դեսպան՝ Վրաստանի մօտ։ Ընտրուեցաւ Հայաստանի խորհրդարանի պատգամաւոր եւ Երեւան տեղափոխուեցաւ Թիֆլիսէն։ 1919ի հայ-վրացական պատերազմին շուտափոյթ դադրեցումը ապահովող գլխաւոր բանագնացը եղաւ։ 1920ին մաս կազմեց Համօ Օհանջանեանի Բիւրօ-կառավարութեան, իբրեւ հաղորդակցութեան նախարար։
Հայաստանի խորհրդայնացումէն ետք Արշակ Ջամալեան իր կարգին անցաւ արտասահման։ Յուշատետրի սիւնակը տեղը չէ ծաւալելու տարագրութեան մէջ Ջամալեանի վիճակուած շուրջ քսանամեայ ղեկավար դերակատարութեան. Փարիզի մէջ 1924ին գումարուած Հ.Յ.Դ. Ժ. Ընդհանուր Ժողովին, ան ընտրուեցաւ Հ.Յ.Դ. Բիւրոյի անդամ եւ ներկայացուցիչ եւ այդ պաշտօնին վրայ մնաց մինչեւ 1933։ Անպայման պէտք է ընդգծել, ամէն պարագայի, որ ան վճռորոշ դերակատարութիւն ունեցաւ սփիւռքեան պայմաններու մէջ եւ հակադաշնակցական բուռն պայքարի այդ տարիներուն՝ Դաշնակցութեան գաղափարական վերաշխուժացումը նուաճելու եւ դաշնակցական ներքին միակամութիւնը ամրապնդելու ճակատներուն վրայ։
Ջամալեանի «Յ. Քաջազնունին եւ Հ. Յ. Դաշնակցութիւնը» հատորը հրատարակուած է «Հայրենիք» ամսագրի 1924 թուականի համարներէն ներս:
«Անի» կեդրոնը, այս հատորը վերահրատարակած է արեւելահայերէնով, աբեղեան ուղղագրութեամբ:
Նշենք թէ, «Անի» կեդրոնը կը տեղեկացնէ, կը վերհրատարակէ հինգ հատորներ.-. Քաջազնունիի «Հ. Յ. Դաշնակցութիւնն անելիք չունի այլեւս», Ռուբէն Դարբինեանի «Մեր պատասխանը Յովհաննէս Քաջազնունիի», Արշակ Ջամալեանի «Յ. Քաջազնունին եւ Հ. Յ. Դաշնակցութիւնը», Վահան Նաւասարդեանի «Հ. Յ. Դաշնակցութեան անելիքը», ինչպէս նաեւ հանրածանօթ այս հինգ դաշնակցականներու միացեալ հատորը, որ կը կրէ «Հ. Յ. Դաշնակցութիւնը անելիք ունի՞, թէ՞ չունի» խորագիրը (750 էջ):
Այս բոլոր հատորներու խմբագիրն է լրագրող Թաթուլ Յակոբեան:
Հատորները լոյս կը տեսնեն «Լուսակն» տպարանէն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles