Լրահոս

ՎԱՏԻԿԱՆ ԼՈՅՍ ՊԻՏԻ ԸՆԾԱՅԷ ՀԱՅՈՑ ՑԵՂԱՍՊԱՆՈՒԹԵԱՆ ՄԱՍԻՆ ՆՈՐ ՓԱՍՏԱԹՈՒՂԹԵՐ

th  ՎԱՏԻԿԱՆ.- “Վաթիքըն Ինսայտըր“, Օգոստոս 15-ի իր թիւին մէջ հաղորդած է, որ սահմռկեցուցիչ վկայութիւններ պիտի հրատարակուին գիրքի մը մէջ: Այս լուրը հրապարակուած է “Լիւքս Արքանա“ ցուցահանդէսի ներկայացման ընթացքին. վերջինս աշխարհի ամէնէն հին արխիւներէն մէկուն գանձերը պիտի ցուցադրէ:

Օրաթերթը կը նշէ, որ Վատիկանի գաղտնի արխիւներուն մէջ պահուած են փաստաթուղթեր, որոնք կը պատմեն Համաշխարհային Ա. պատերազմի ընթացքին Օսմանեան կայսրութեան կողմէ հայերուն դէմ գործուած “աննախադէպ եւ ցնցիչ ցեղասպանութեան“ մասին: Փաստաթուղթերը մօտ օրէն պիտի հրապարակուին Վատիկանի արխիւներու բաժանմունքին կողմէ խմբագրուած գիրքի մը մէջ: Յառաջիկայ Փետրուարին նախատեսուած “Լիւքս Արքանա“ ցուցահանդէսին ընթացքին առաջին անգամ ըլլալով հանրութեան պիտի ներկայացուին աշխարհի ամէնէն հին եւ համապարփակ արխիւներէն մէկուն գանձերը:
Գաղտնի արխիւներու պատասխանատու Սերճիօ եպս. Փականօ յայտնեց, որ վկայութիւնները “մանրամասն“ կերպով կը ներկայացնեն “հայերուն դէմ թուրքերուն օգտագործած չարչարանքները“: Ան իբրեւ օրինակ նշեց, որ օսմանցի զինուորները գրաւ կը դնէին “յղի կիներու արգանդին մէջ եղած մանուկներուն սեռին վրայ` նախքան արգանդը բանալն ու նոյն դանակով մանուկները սպաննելը“:
Ան կը նշէ, որ այդ դրուագները “զիս մարդ ըլլալուս համար ամօթով կը ձգեն, եւ եթէ հաւատքը չըլլար, միայն խաւար պիտի տեսնէի“:
Օրաթերթը կը գրէ, որ այդ փաստաթուղթերուն հրապարակումը Վատիկանի եւ Թուրքիոյ միջեւ լարուածութիւնը պիտի վերահրահրէ, մանաւանդ որ Յունիս 3, 2013-ին Անատոլուի առաքելական առաջնորդ Լուիճի եպս. Փատովեզի սպանութեան յիշողութիւնը տակաւին թարմ է:

Already a subscriber? Log in here

This story is FREE for you...

Create a free account to access this article and get more of our top stories sent to you by newsletter.

Or, subscribe now for unlimited access
By submitting your email address you agree for Hairenik Weekly to send you communication by email
Back to top button