Վանեցեան Հրաժարեցաւ Հ․Հ․ Պատգամաւորի Պաշտօնէն

0 0
Read Time:56 Second

ԵՐԵՒԱՆ․- Յունիս 21-ին Հայաստանի Ազգային ժողովի «Պատիւ ունեմ» խմբակցութեան ղեկավար Արթուր Վանեցեան դիմում ներկայացուց` հրաժարելու Ազգային ժողովէն։ Նաեւ` «Հայրենիք» կուսակցութեան որոշումով` դադրեցաւ գոյութիւն ունենալ Հայաստանի Հանրապետական Կուսակցութեան հետ ձեւաւորուած «Պատիւ ունեմ» դաշինքը:

«Այսօր օրէնքով սահմանուած կարգով դիմում ներկայացուցած եմ պատգամաւորական իրաւագիրէս զիջելու վերաբերեալ: Ձեզմէ շատերուն համար իմ այս որոշումս անակնկալ չէ. ես քանի մը անգամ հրապարակայնօրէն յայտարարած եմ, որ ինքզինքս այլեւս չեմ տեսներ այս խորհրդարանին մէջ: Պատճառը ակներեւ է` Հայաստանի քաղաքացին մեզի քուէ տուած էր այս իշխանութիւններու կործանարար գործունէութիւնը կասեցնելու եւ երկիրը աղէտէն դուրս բերելու համար: Սակայն այս խորհրդարանը, իմ կարծիքովս, դադրած է ըլլալ նպատակին հասնելու արդիւնաւէտ հարթակ», նշեց Վանեցեան, որ աւելցուց, թէ «Հայրենիք» կուսակցութեան խորհուրդը որոշում տուաւ շարունակել գործունէութիւնը խորհրդարանէն դուրս:

Վանեցեան վստահեցուց, որ իր` պատգամաւորի պաշտօնէն հրաժարելու եւ «Հայրենիք» կուսակցութեան` խորհրդարանէն դուրս պայքարը շարունակելու որոշումները բացառապէս իրենց ընտրութիւնն են եւ որեւէ ձեւով չեն կրնար կաշկանդող կամ ուղղորդող գործօն հանդիսանալ «Պատիւ ունեմ» խմբակցութեան գործընկերներուն, որոնց կարգին «Հայրենիք» կուսակցութեան առաջադրանքով Ազգային ժողով հասած անկուսակցական անձերուն համար` ընդգծելով, որ  այս հարցին մէջ իւրաքանչիւրը իր գիտակցուած, հիմնաւորուած ընտրութիւնը պիտի ընէ:

Վանեցեան շնորհակալութիւն յայտնեց «Պատիւ ունեմ» եւ «Հայաստան» խմբակցութիւններու գործընկերներուն` միասին անցած ճամբուն ու միացեալ աշխատանքին համար:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles