«ՍՈՒՐԲ ԳՐՒԳՈՐ ՏԱԹԵՒԱՑԻ» ԱՄԱՌՆԱՅԻՆ ԼՍԱՐԱՆ

0 0
Read Time:1 Minute, 16 Second

 

Արեւելեան Ա.Մ.Ն.-ի Ազգային Առաջնորդարանի «Ս. Գրիգոր Տաթեւացի» ամառնային լսարանի 36-րդ տարեշրջանի դասընթացքները վերջ գտան Կիրակի, 3 Յուլիսին։ Ինչպէս գրած էինք, այս տարի մասնակցեցան 35 աշակերտներ 10 ծուխերէ։ Անձնակազմը բաղկացած էր 16 կրօնական ու աշխարհական ուսուցիչներէ եւ խորհրդականներէ։

Լսարանի ուսումնական ծրագիրը քառամեայ է։ Ծրագիրը աւարտողները առիթը ունին վերադառնալու՝ յետ-աւարտական դասերու համար։ Լսարանը միաժամանակ հինգ մակարդակներու դասերը կը հրամցնէ։ Իւրաքանչիւր տարի, աշակերտները շուրջ 20 դասապահ կ՚ունենան։ Ուսումնական ծրագիրը կ՚ընդգրկէ Աստուածաշունչը, Ս. Խորհուրդները, Հայց. Եկեղեցւոյ տօներն ու սուրբերը, Հայ Եկեղեցւոյ պատմութիւնն ու դաւանանքը, աղօթքներ եւ ժամանակակից հարցերու քննարկումներ։

Այս տարի, բացառաբար, համավարակի ստեղծած բացին պատճառով, լսարանը 4-րդ եւ 5-րդ մակարդակները միացուցած էր եւ «նախա-Տաթեւ»ի դասեր յառաջացուցած էր։ Աշակերտները բաշխուած էին հետեւեալ ձեւով.- Ա. մակարդակ՝ 14, Բ. մակառդակ՝ 8, Գ. մակարդակ՝ 3, Դ. եւ Ե. մակարդակներ՝ 4, նախա-Տաթեւ՝ 4։ Լսարանի այս տարուան շրջանաւարտներն են՝ Մարի Աշպահեան եւ Սարինէ Քընինկհէմ (Ս. Ստեփանոս եկեղեցի, Ուոթըրթաուն, Մէսէչուսէց), Թալին Լագիսեան (Ս. Լուսաւորիչ Մայր Եկեղեցի, Նիւ Եորք), Աննա Թէքէեան (Ս. Վարդանանց եկեղեցի, Ռիճֆիլտ, Նիւ Ճըրզի)։

«Ս. Գրիգոր Տաթեւացի» լսարանի շրջանաւարտները լսարանի տնօրէն եւ Ս. Ստեփանոս եկեղեցւոյ (Ուոթըրթաուն, Մէսէչուսէց) հոգեւոր հովիւ՝ Արժպ. Տ. Անդրանիկ Ա. Քհն. Պալճեանի, եւ Ազգ. Առաջնորդարանի Քրիստոնէական Դաստիարակութեան բաժանմունքի վարիչ տնօրէն՝ Բարշ. Շանթ Ա. Սրկ. Գազանճեանի հետ։ Ձախէն աջ՝ Սարինէ Քընինկհէմ, Մարի Աշպահեան, Թալին Լագիսեան եւ Աննա Թէքէեան։

«Ս. Գրիգոր Տաթեւացի» լսարանի ուսուցչական եւ օգնական կազմը

«Ս. Գրիգոր Տաթեւացի» լսարանի առաջին մակարդակի աշակերտները

«Ս. Գրիգոր Տաթեւացի» լսարանի երկրորդ մակարդակի աշակերտները

«Ս. Գրիգոր Տաթեւացի» լսարանի երրորդ մակարդակի աշակերտները

«Ս. Գրիգոր Տաթեւացի» լսարանի «նախա-Տաթեւ» մակարդակի աշակերտները

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles