ՍՐՏԱՃՄԼԻԿ ՏԵՍԱՐԱՆՆԵՐ… ՎԵՐՋԵՐՍ ՀՐԿԻԶՈՒԱԾ ՀԱԼԷՊԻ ՍՈՒՐԲ ԳԷՈՐԳ ԵԿԵՂԵՑԻԷՆ

0 0
Read Time:1 Minute, 21 Second

Հոկտեմբերի աւարտին արդէն իսկ գոյժը տարածուած էր թէ Հալէպի Նոր Գիւղի (Մէյտան) հայ Առաքելական Սուրգ Գէորգ  եկեղեցին, ըստ վաւերական տուեալներու եւ ականատեսներու հաստատումներուն, դարձած է հրոյ ճարակ:


Այս նկարները աւելի կը տխրեցնեն մեր ընթերցողները, որոնք ականատես կ՛ըլլան պատմութիւն գաղութի կրած եւ դժբախտաբար, դեռ ալ կրելիք կորուստներուն:

Յետ եղեռնեան շրջանի Հալէպի առաջին եկեղեցին եղած է Սուրբ Գէորգը: Հիմնուած 1923ին, Սուլէյմանիյէ-Րամ շրջանի հայկական հիւղաւաններուն մէջ, առաջին հերթին որպէս Սուրբ Խաչ եկեղեցի: 1936ին, հիւղաւաններուն վերացումէն ետք, Նոր Գիւղ հայաւանի մէջ 1937ին կառուցուած է Ս. Գէորգ եկեղեցին` որ թերաւարտ մնացած է մինչեւ 1955: Ապա, եկեղեցին հիմնականօրէն հայկական ոճով վերակառուցուած է, եւ հանդիսաւոր օծումը տեղի ունեցած է Սեպտեմբեր 25-26-ին 1965ին,ձերամբ` օրուայ Առազնորդ Ղեւոնդ Արք.Չէպէեան:

Եկեղեցւոյ շրջափակին մէջ կը գործէ Ազգային Մեսրոպեան Վարժարանը,    Կիրակնօրեայ դպրոցներու բաժինը: Ամէն տարի հանդիսաւորապէս կը նշուի եկեղեցւոյ անուանակոչութեան տօնը:

    Եկեղեցին ունի երեք խորաններ, վերնատուն, զան•ակատուն եւ մկրտութեան աւազան: Զանգակատունը կառուցուած է 1985ին, բարերարութեամբ` հալէպահայ  Սմբատ Էքիզեան եւ Կարպիս Կապոնեան ընտանիքներուն, մկրտութեան աւազանը` 1987ին, բարերարութեամբ` հալէպահայ  Նազար Նազարեանի, 1986ին` Սուրբ Գէորգ Զօրավարի սրբանկարի խորանը, 1987ին` Սուրբ Աստուածածնի սրբանկարին խորանը, բարերարութեամբ` հալէպահայ  Ժան Տանկուրեանի, 1990ին` Սուրբ Սարգիս Զօրավարի սրբանկարին խորանը, բարերարութեամբ` ամերիկաբնակ Տէր եւ Տիկ. Գէորգ Աստուրեանի:

      Փետրուար 1990ին, շրջափակի արեւելակողմը իրագործուած է Մարաշի Աղէտին նուիրուած Յուշարձան-Որմնաքանդակը, բարերարութեամբ` ամերիկաբնակ Տէր եւ Տիկ. Աբրահամ Գութուճանեաններու, նախագիծ` հալէպահայ արուեստա•էտ Վիգէն Պէրթիզեանի, իրագործում` հալէպահայ ճարտարապետ Գէորգ Երամեանի:

Ապրիլ 23, 1994ին, դարձեալ շրջափակի արեւելակողմը, նախաձեռնութեամբ Զէյթունի Հայրենակցական Միութեան, իրագործուած է Զէյթունի նահատակներուն նուիրուած Յուշարձան-Որմնաքանդակը, նախագիծ եւ իրագործում` հայրենի արուեստագէտներ Մկրտչեան եղբայրներու, իսկ Մայիս 20, 1998ին, կանգնած է Զարեհ Ա. Կաթողիկոսի կիսանդրին, բարերաութեամբ` Լուսին եւ Գոհար Համալեան քոյրերու, ի յիշատակ իրենց եղբօր` Կարապետ Համալեանի:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles