ՍՐԲՈՑ ՎԱՐԴԱՆԱՆՑԻ ՏՕՆԱԿԱՏԱՐՈՒԹԻՒՆԸ Ա․Մ․Ն․ ԱՐԵՒԵԼԵԱՆ ԹԵՄԷՆ ՆԵՐՍ

0 0
Read Time:1 Minute, 24 Second


Ա․Մ․Ն․ արեւելեան Թեմի բարեջան Առաջնորդ՝ Գերշ. Տ. Անուշաւան Արքեպիսկոպոս Դանիէլեան, Սրբոց Վարդանանց տօնին առիթով պատարագեց Հինգշաբթի, Փետրուար 24-ին, Ռիճֆիլտի (Նիւ Ճըրզի) Սուրբ Վարդանանց եկեղեցւոյ մէջ , առընթերակայութեամբ Արժպ. Տ. Վահան Քհն. Գույումճեանի։ Այս առիթով, Առաջնորդ Սրբազան Հայրը կատարեց վեց դպիրներու՝ Նշան Գույումճեանի, Նարեկ Գասարճեանի, Լեւոն Թէքէեանի, Շանթ Ասատուրեանի, Պետիկ Թորոսեանի եւ Մայքլ Համբարձումեանի ձեռնադրութիւնը, խարտաւիլակութեամբ հոգեւոր հովիւ՝ Գերպ. Տ. Սահակ Ծ. Վրդ. Եմիշեանի։

Կիրակի, 27 Փետրուարին, Անուշաւան Արքեպիսկոպոս պատարագեց Փրովիտենսի (Ռոտ Այլընտ) Սուրբ Վարդանանց եկեղեցւոյ մէջ , անունակոչութեան տօնին առիթով, առընթերակայութեամբ հոգեւոր հովիւ՝ Արժպ. Տ. Գաբրիէլ Նազարեանի եւ Արժպ. Տ. Կոմիտաս Ա. Քհն. Պաղսարեանի։ Ս. Պատարագի ընթացքին, Առաջնորդ Սրբազան Հայրը ուրարի տուչութիւն կատարեց դպիր Մայքլ Սիմոնեանին։

Սրբազան Հօր նախագահութեամբ, ծուխը նշեց Վարդանանց օրը եւ Բուն Բարեկենդանը՝ կիրակնօրեայ դպրոցի, «Մուրատ» ազգային վարժարանի աշակերտներու եւ Հ․Մ․Ը․Մ․-ի սկաուտներու մասնակցութեամբ։ Բացման խօսքը կատարեց հոգաբարձութեան անդամ Հրանդ Խաչատուրեան, որմէ ետք Անուշաւան Արք. օրհնեց սեղանը։

Ճաշէն ետք, հոգաբարձութեան ատենապետ՝ Ճէյսըն Սիմոնեան ներկայացուց օրուան մեծարեալներ՝ տիար Յակոբ Տօնոյեանը եւ տիկ. Տեպի Պճոճեանը, եկեղեցւոյ բերած երկարամեայ ծառայութեան համար, եւ յանձնեց Ազգային Առաջնորդարանի գնահատագիրները։

Այնուհետեւ, «Մուրատ» վարժարանի աշակերտները Վարդանանց հերոսները ոգեկոչող յայտագիր մը ներկայացուցին՝ երաժշտութեան ուսուցիչ Ռաֆֆի Ռշտունիի ղեկավարութեամբ։

Ձեռնարկի աւարտին, խօսք առաւ Տ. Գաբրիէլ Քհն. Նազարեան, որ շնորհակալութիւն յայտնեց ծխականներու զօրակցութեան եւ մշտական ներկայութեան համար, աւելցնելով, որ ասիկա առաջին հանրային ձեռնարկն է համավարակէն ետք։ Ապա հրաւիրեց Առաջնորդ Սրբազան Հայրը փակման խօսքը կատարելու։ «Որքան աւելի ուժեղ են մեր ծուխերը, այնքան աւելի ուժեղ են մեր համայնքները եւ մեր Առաջնորդարանը», ըսաւ Սրբազան Հայրը։ «Բոլորս զինուոր ենք, որոնք տարբեր պարտականութիւններ կը կրենք մեր ուսերուն վրայ»։ Անուշաւան Արքեպիսկոպոս դրուատեց Սուրբ Վարդանանց եկեղեցւոյ եւ քոյր կազմակերպութիւններու աշխատանքը։ Վեր առաւ եկեղեցւոյ հոգաբարձութեան եւ համայնքին դերը, որոնք ընդառաջելով Ազգային Առաջնորդարանի կոչին, 30 հազար տոլարի մեծագումար նուիրատուութիւն մը կատարեցին Լիբանանի Օգնութեան Ֆոնտին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles