ՄԱՍԱՉՈՒՍԷՑ.- ՍՈՒՐԲ ՍՏԵՓԱՆՈՍ ԱԶԳԱՅԻՆ ՎԱՐԺԱՐԱՆԻ 30-ԱՄԵԱԿ

0 0
Read Time:1 Minute, 49 Second

a75430af-0e49-4126-abc5-16e2a3132fa5

Ուաթըրթաունի (Մասաչուսէց) Սուրբ Ստեփանոս Ազգային Վարժարանի 30-ամեակը տօնուեցաւ Մարտ 12-ին Ուելսլի շրջանի Պապսըն Քոլէճի «Սորընսոն» սրահին մէջ, բարձր Հովանաւորութեամբ Թեմի Բարեջան Առաջնորդ Արքեպիսկոպոս Օշական Չոլոյեանի եւ Ներկայութեամբ 450 խանդավառ բարեկամներու, ծնողներու եւ շրջանաւարտներու։ Ձեռնարկը գոյացուց մօտաւորապէս 150,000 տոլարի նպաստ դպրոցի հիմնադրամին։
Բոլորի կողմէ դպրոցի հանդէպ ցուցաբերուած սէրն ու գնահատանքը վկայութիւն մըն էին վարժարանի երկարամեայ կարեւոր դերին, Մեծն Պոսթընի Հայ համայնքէն ներս։a4c89c67-8136-4d12-9701-46c1c1f912c3
Ձեռնարկը սկսաւ հիւրասիրութեամբ, որուն ընթացքին ներկաները առիթը ունեցան իրար հետ տեսնուելու, ծանօթանալու եւ հին կապեր վերահաստատելու։ Ապա տեղի ունեցաւ յայտագրի պաշտօնական բաժինը, որուն հանդիսավարը՝ 1994-ի շրջանաւարտ, Թամար Գանարեանն էր։ Ան ողջունեց ներկաները, եւ յիշեց իր մեծ հայրը՝ Տեր Թորգոմ Աւագ Քհնյ. Յակոբեանը, որ ձեռքէն բռնելով զինք առաջնորդած էր Սբ. Ստեփանոս Ազգային Վարժարան, ասկէ երեսուն տարիներ առաջ։ Յայտագիրը սկսաւ Առաջնորդ Հօր պատգամով, որուն յաջորդեց Անի Նալպանտեան-Ադամեանի (1992-ի շրջանաւարտ) դպրոցի մասին կատարած վկայութիւնը։ Անին մասնաւորաբար Լոնտոնէն ժամանած էր ձեռնարկին իր մասնակցութիւնը բերելու համար։70afc96c-a124-4d6c-b572-c78d5603a0a4fb670c79-8e07-4dc3-806d-bedae6d8bd2bd4b9f0cb-36b6-4691-b43c-3115a3f1c33e

 

 

 

 

 

 

Սուրբ Ստեփանոս Ազգային Վարժարանի 28 տարիներու տնօրէնուհին՝ Տիկ. Հուրի Բանեան-Պոյամեան, յիշեց վարժարանի հիմնադիրները՝ Տեր Թորգոմ Աւագ Քհնյ. Յակոբեան, Երուանդ Գրաֆեան, Ժիրայր Ղարիպեան, Միսաք Պարսումեան, Արփի Տէյվիս եւ Արաքսի Խանճեան։ Ան իր երախտագիտութիւնը յայտնեց անցեալի եւ ներկայի խնամակալութիւններուն, Սուրբ Ստեփանոս Եկեղեցւոյ Հովիւին, Տէր Անդրանիկ Աւագ Քհնյ. Պալճեանին եւ Հոգաբարձութեան, ինչպէս նաեւ բոլոր այն կազմակերպութիւններուն եւ անհատներուն, որոնք նիւթապէս, բարոյապէս կամ իրենց աշխատանքով կը նպաստեն դպրոցի վերելքին։a942597d-4b18-4055-8937-a8122c13dca4cf846fb3-31f4-4055-ab71-41a4661cc36892368929-1555-481e-8a8b-a9517abe68d2
Տիկին Պոյամեան յայտնեց, որ Սուրբ Ստեփանոս Ազգային Վարժարանը ջանք չէ խնայած իր աշակերտներուն տալու Հայեցի դաստիարակութեան կողքին գերազանց ուսում շրջանի մը մէջ, ուր կը գտնուին Ամերիկայի Միացեալ Նահանգներու լաւագոյն Կրթական հաստատութիւնները։
Շնորհիւ հաւաքական ուժերու անցնող երեսուն տարիներուն յաջողած ենք մեր առաքելութեան մէջ, ըսաւ Տիկին Պոյամեան։ Կրկին կ՝ուխտենք շարունակել մեր աշխատանքը եկող տասնամեակներուն։ Հայեցի դաստիարակութիւնը մատչելի դարձնելու աւելի մեծ թիւով Հայ աշակերտներու։
Յայտագրի պաշտօնական բաժինը փակեց Սարգիս Ուրֆալեան, որ շնորհակալութիւն յայտնեց նախ նուիրատուներուն, ապա բոլոր անոնց, որոնք զանազան դերերով կը նպաստեն դպրոցին։ Ան աւելցուց թէ.- “Դուք բոլորդ մաս կը կազմէք Սուրբ Ստեփանոս Ազգային Վարժարանի ընտանիքին եւ անոր յաջողութեան բանալին ունիք”։
Յայտագրի երկրորդ մասին մէջ ելոյթ ունեցաւ Հայաստանէն մասնաւորաբար հրաւիրուած անուանի Երգչուհի Ալլա Լեւոնեան, ընկերակցութեամբ դաշնակահար Յասմիկ Աթաբէկեանի։ Ալլա Լեւոնեան իր հայրենի երգերով ներկաները փոխադրեց դէպի հայրենիք, իսկ Յասմիկ Աթաբէկեանը ներկաները հմայեց մասնաւորաբար Խաչատուրեանի Սուրերու Պարով։
Ձեռնարկը իր աւարտին հասաւ անուշեղէններու շքեղ հիւրասիրութեամբ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post «ՅԻՍՈՒՍ  ՆԱԶՈՎՐԵՑԻՆ  ԵՒ  ՆՐԱ  ԵՐԿՐՈՐԴ  ԱՇԱԿԵՐՏԸ»
Next post Սրտի խօսք.- Խոնարհ Հ.Մ.Ը.Մ.ական՝ Անդրանիկ Յարութիւնեանի Անթառամ յիշատակին

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles