ՍՈՒՐԲ ՅԱՂԹԱՆԱԿՆԵՐՈՒ ՕՐԸ

0 0
Read Time:1 Minute, 34 Second

p1  khemp ՀԱՅՐԵՆԻՔ

Խմբագրական 

Կրկին պիտի ուղղուինք դէպի Սարդարապատ, Բաշ-Ապարան եւ Ղարաքիլիսէ։ Անգամ մը եւս կ՛ապրինք “Մայիս 28“ի խորհուրդը…: Անհաւատալին, անկարելի ու անիրագործելին իրագործելու խորհուրդն է այդ թուակա-նը, որ տեղ գրաւած է Հայոց Պատմութեան ոսկի էջերուն մէջ: Որքա՜ն տարիները թաւալին եւ հեռանանք այս թուականէն, այնքա՜ն աւելի իրապաշտ ու իրական արժէքներով կը ներկայացուի ու կ՛իմաստաւորուի այդ ուրուական թուականը: Այդ օրը անցեալ չէ եւ զարմանալիօրէն ո՛չ ալ ներկայ, այլ ապառնի մըն է…կերտուած կարմիր արիւնով, կապոյտ երկնքին տակ, նարնջագոյն ու բարեբեր հողին վրայ:

“Խենթերու գտած հնար“ի օրը հաւատք ու վճռակամութիւն պարտադրող, դէմ առ դէմ անձնուրաց կռուի եւ գերագոյն ծառայութեան եւ նուիրման օրն է: Ա. Համաշխարհային պատերազմի օրերուն, թուրք պետութեան գործադրած Ցեղասպանութենէն վերապրած այդ հայրենի արագիլն էր, որ փիւնիկեան աղաւնիին նման եւ արծուային ոյժով եւ վեհանձնութեամբ, դուրս եկաւ իր խոր թմբիրէն ու թմբիւնէն եւ բուռն պայքար մղեց, պաշտպանելու եւ պահելու համար իր բոյնը:

Այդ իւրայատուկ բերկրանքն ու ոգին էինք, որոնք հայորդիին մղեցին հաւաքական յանձ-նառութեան՝ իմացեալ մահով հայրենիքը պաշտպանելու եւ իրաւունքներուն տէր կանգնե-լու: Այդ օրը պատմական է, եւ իր մէջ կը խտացնէ հաւաքական հաւատքն ու վճռակամութիւնը, նաեւ աննահանջ պայքարն ու հողին կապուածութիւնը: Մայիս 28-ը պարզ նուաճում մը չէ, այլ դիւցազնական խիզախութիւն մը, ձեռք բերուած հերոսներու արեամբ ու տքնաջան քրտինքով: Նոյնիսկ ստեղծուեցաւ այնպիսի կացութիւն, որ ուրացման բազմաթիւ փորձեր կատարուեցան: Սակայն պատմութիւնը՝ Հայոց Պատմութիւնը ինքզինք պարտադրեց: Կարելի չէր աղաւաղել այդ սուրբ հերոսամարտներու պատմութիւնը:

…Թէեւ կարճ, սակայն խիստ կարեւոր անկախութեան կերտումը, հայորդիին վերստին ապրեցուց եւ անոր վերադարձուց արժանապատուութիւն ու պատիւ: Այսպէս, Մայիս 28-ը իր ուրոյն արժէքն ու նշանակութիւնը ունի եւ պիտի ունենայ, ինչպէս եւ իր վճռական ազդեցութիւնը՝ Հայոց Պատմութեան մէջ յաջորդող հանգրուաններուն: Այդ խենթ հերոսներու կերտած սեփականութիւնն է, անոր էութեան անբաժանելի մասը, որուն արտացոլացումն էր, այդ միեւնոյն դարաշրջանի աւարտին, Շուշիի մէջ աւարտած Արցախի ազատագրման հերոսամարտերով:

Հուսկ, պատմական ճշմարտութիւնները պարզ կամայականութիւններու պիտի չենթարկուին, եւ այսպէս հաւաքական պոռթկումներու Մայիս 28-ի անմառ ոգին միշտ ալ առկայ է հայորդիի առօրեային մէջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles