«ՍՈՒՐԲ ԳՐԻԳՈՐ ՏԱԹԵՒԱՑԻ» ԼՍԱՐԱՆԻ ՎԵՐԱՀԱՆԴԻՊՄԱՆ ԾՐԱԳԻՐ 

2 0
Read Time:56 Second

ՆԻՒ ԵՈՐՔ․- Շաբաթ-Կիրակի, Դեկտեմբեր 17-18-ին, Ազգային Առաջնորդարանի «Սուրբ Գրիգոր Տաթեւացի» լսարանի վերահանդիպման յայտագիր մը կազմակերպած էր Սուրբ Լուսաւորիչ Մայր Եկեղեցւոյ մէջ։ Տասներկու աշակերտներ մասնակցեցան՝ Ուաշինկթընէն, Ֆիլատելֆիայէն, Նիւ Եորքէն, Նիւ Ճըրզիէն եւ Մէսէչուսէցէն։

Յայտագիրը կ՚ընդգրկէր կլոր սեղան մը՝ Սուրբ Վարդանանց եկեղեցւոյ (Նիւ Ճըրզի) հոգեւոր հովիւ՝ Գերպ. Տ. Սահակ Ծ. Վրդ. Եմիշեանի, Սուրբ Լուսաւորիչ Մայր Եկեղեցւոյ (Նիւ Եորք) հոգեւոր հովիւ՝ Արժպ. Տ. Մեսրոպ Քհն Լագիսեանի, եւ լսարանի ուսուցիչներէն տոքթ. Արի Սրկ. Նալպանտեանի մասնակցութեամբ։ Տէր Մեսրոպ առաջնորդեց աշակերտները Մայր Եկեղեցւոյ տարբեր բաժանմունքներէն, շեշտը դնելով Հայոց Ցեղասպանութեան նահատակներուն նուիրուած խորանին վրայ։ Առաջնորդարանի Քրիստոնէական Դաստիարակութեան բաժանմունքի վարիչ տնօրէն՝ Շանթ Ա. Սրկ. Գազանճեան, Ս. Գիրքի սերտողութիւն մը ներկայացուց։ Աշակերտները վայելեցին Նիւ Եորք քաղաքի տօնական մթնոլորտը, ներառեալկատարեցին այցելութիւններ՝ Ռոքեֆելըր կեդրոնի համբաւաւոր տօնածառ, Պրայընթ Փարք եւ Ազգային Առաջնորդարան։ Շաբաթ երեկոյեան կարճ հսկումի մը մասնակցեցան, իսկ Կիրակի՝ Սուրբ Պատարագին։ Անոնք գիշերեցին Սուրբ Լուսաւորիչ Մայր Եկեղեցւոյ սրահին մէջ։

Սուրբ Պատարագէն ետք, Մայր Եկեղեցին ճաշկերոյթ մը հովանաւորեց ի նպաստ «Ս. Գրիգոր Տաթեւացի» լսարանին, ուր հանգանակուեցաւ 3.500 տոլար։ Չորս «տաթեւացիներ»՝ Քաթրինա Արուեստեան, Թալին Լագիսեան, Անդրանիկ Թաթարեան եւ Փօլ Թաթարեան, տպաւորիչ վկայութիւններ տուին՝ «Սուրբ Գրիգոր Տաթեւացի» լսարանի դերին մասին իրենց կեանքին մէջ։

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles