«Հաւատքով Եւ Հետեւողական Աշխատանքով, Պիտի Վերաշինենեք Եւ Վերաբնակեցնենք Արցախը», Կը Յայտնէ Անդրանիկ Գասպարեան

0 0
Read Time:3 Minute, 14 Second

 

interview2

Ամերիկահայ Մշակութային Ընկերակցութեան «Արցախ Ֆոնտ»ի եւ «Հայրենիք»ի հրաւէրով, շրջանի հայաշատ գաղութներ պիտի այցելէ Արցախի Հանրապետութեան խորհրդարանի անդամ՝ Լեռնիկ Յովհաննիսեան: Նշենք թէ, Արեւելեան Ա.Մ.Ն.-ի Ամերիկահայ Մշակութային Ընկերակցութեան «Արցախ Ֆոնտ»ի յանձնախումբը յատուկ ծրագիր մը մշակած է Հատրութի շրջանի Առաջամուղ գիւղի շինարարութեան եւ վերաբնակեցման մասին:
Այս առթիւ, լոյս կ՛ընխայենք հարցազրոյց մը, Արեւելեան Ա.Մ.Ն.-ի  «Արցախ Ֆոնտ»ի յանձնախումբի ներկայացուցիչ՝ Անդրանիկ Գասպարեանի հետ:

Հ.- Ա.Մ.Ն. Արեւելեան Շրջանը տարիներէ ի վեր կը գործէ, օժանդակելու համար
Արցախին: Կարելի՞ է կարճ պատմականով մը մանրամասնութիւններ փոխանցել:

Պ.- 1988-էն ի վեր Ամերիկահայութիւնը օժանդակած է Արցախին: Այս օժանդակութիւնը կատարուած է զանազան բնագաւառներէ ներս՝ բժշկական, դեղօրայքի, սննդական, ենթակառուցային, եւ այլն…1988-1990-ին ինքնորոշման պայքարի օրերուն, ապա 1991-1994 ազատագրման պայքարի ժամանակաշրջանին:
Բազմաթիւ հիմնարկներ եւ անհատներ օժանդակութիւն տրամադրեցին, որոնց կարգին Հ.Յ.Դաշնակցութիւնը, յատկապէս իր հովանիին տակ գտնուող Հ.Օ.Մ.ին հետ:
Տարիներ ետք, շտապ օգնութիւնը փոխարինուեցաւ բարգաւաճման եւ զարգացման ծրագիրներով, որոնց կարեւորագոյնը՝ Գորիս-Լաչին-Ստեփանակերտը միացնող մայրուղին էր, կամրջելով կղզիացած Արցախը՝ Հայաստանին: Այս ծրագիրը կը վայելէր հովանաւորութիւնը՝ Հայաստանի Համահայկական Ֆոնտին, որուն օժանդակեցին բազմաթիւ կազմակերպութիւններ:
Ապրիլի սկիզբին կատարուած յարձակումներուն արդիւնք, վերստին կատարուեցան եւ դեռ ալ կը կատարուի շտապ օգնութիւն:

Հ.- Յատկապէս Ապրիլի քառօրեայ պատերազմէն ետք, ո՞ւր կեդրոնացած են կամ
պիտի կեդրոնանան աշխատանքները:

Պ.- Քառօրեայ պատերազմի նախորդող օրերուն, արագ միջողառումներու դիմուեցաւ, օգնութեան փութալու համար նահատակուած եւ վիրաւորուած զինուորներու ընտանեկան պարագաներուն: Բժշկական կազմածներու եւ բանակը սպառազինելու հանգանակութիւնները մեծ յաջողութեամբ պսակուեցան: Բազմաթիւ կամաւորներ ուղղուեցան սահմանագիծ եւ թիկունք կանգնեցան հայ մարտիկներուն:
Իսկապէս որ Արցախի ժողովուրդը տեսաւ մեր վճռակամութիւնն ու պատրաստակամութիւնը:
Այդ պատերազմի օրերէն շաբաթներ ետք, երկար վազքի վերաշինութեան աշխատանքներ կը կատարուին, եւ յատկապէս սահմանամերձ շրջաններէն ներս վերաշինութեան յատակագիծներ պատրաստուած են: Գործակցաբար հիմնարկներ եւ կազմակերպութիւններ կը գործեն այս բնագաւառէն ներս: Իսկ սահմաններուն վրայ, Հայաստան եւ Արցախ վերատեսութեան ենթարկած են դիրքերու ներկայ իրավիճակն ու խոցելի կէտերու ամրապնդումը:
Հ.- Յատուկ է Հատրութի սահմանամերձ շրջանի Առաջամուղ գիւղի
Վերաբնակեցման համար ծրագիրը, կարելի՞ է յաւելեալ տեղեկութիւններ փոխանցել:

Պ.- Առաջամուղ գիւղը կը գտնուի Արցախի հարաւային շրջանէն ներս,1993-ին ազատագրուած Հատրութի շրջանէն քառասուն քլմ. ներս:
Որեւէ ազերի ներթափանցում կանխելու համար, կարեւոր եւ անհրաժեշտ է այսպիսի շրջաններ վերաբնակեցնել:
2004-էն ի վեր այս գիւղը վերաբնակեցնելու գաղափարը մտայղացուած է «Թիւֆենքեան» հիմնարկին կողմէ, գործակցաբար Արցախի Հանրապետութեան վերաբնակեցման բաժնի հիմնարկին հետ:interview1
Առաջամուղէն ներս կառուցուած են 19 տուներ, դպրոց մը, նաեւ քաղաքապետարան մը: Բնակիչներու շարքին են նախապէս բանակէն ներս ծառայած եւ այժմ հանգստեան կոչուած բանակայիններ, Ատրպէյճանէն ժամանած գաղթական հայորդիներ եւ մօտակայ շրջաններէ ժամանած երիտասարդ զոյգեր: 2012-ին, գործակցաբար Ամերիկահայ Ընկերակցութեան Արցախ ֆոնտին հետ, որոշուեցաւ շրջանէն ներս յաւելեալ բարելաւումներ եւ ներդրումներ կատարել: Պիտի կառուցուին վեց բնակարաններ: Այս շրագրի պատասխանատուն է Ռաֆֆի Քիլեան (Շիքակոյէն), որ արդէն իսկ «Թիւֆենքեան» հիմնարկին հետ փոխանցման շրջան մը կը կատարէ, յետագային աշխատանքը հեզասահօրէն շարունակելու համար:
Հետեւողական ձեւով խորհրդակցութիւններ կը կատարուին նաեւ Արցախի կառավարութեան եւ շրջանի Հ.Յ.Դ.-ի կառոյցներուն հետ: Այս գործընթացին առաջին հանգրուանը պիտի աւարտի Հոկտեմբերին: Ապա, վերատեսութեան պիտի ենթարկուին, շրջանէն ներս առնուելիք յառաջիկայ քայլերը:
Հ.- Ա.Մ.Ն. Արեւելեան Շրջանէն ներս գործընթացին մասին կարելի՞ է
տեղեկութիւններ փոխանցել:

Պ.-Շրջանէն ներս, մարմինը կը ներկայացնեն հետեւեալ ընկերները՝ Անդրանիկ Գասպարեան, Յովսէփ Աւագեան, Ժան Աւետիսեան, Սեպուհ Հացագործեան, Րաֆֆի Քիլեան, Մայքըլ Մենսոյեան, Ալեքս Սարաֆեան, եւ Կարօ Թաշեան:
Հոս կարեւոր է նշելը թէ Հ.Ե.Դ.-ի անդամ երիտասարդներ, շաբաթով մը պիտի ժամանեն Առաջամուղ եւ օժանդակեն ամրան ընթացքին կատարուելիք շինարարական աշխատանքներուն: Յոյսով ենք որ այսպիպով, այս երիտասարդները փորձառութիւն ձեռք պիտի ձգեն:
Շրջանի Արցախի մարմինը հետեւողական ձեւով կը տեսակցի Արցախի ղեկավարութեան հետ: Այս գծով, Ա.Մ.Ն. Արեւելեան շրջաններէն ներս խորհրդարանի անդամ՝ Լեռնիկ Յովհաննիսեանի այցելութիւնը պիտի ունենայ իր դրական ներդրումը: Քանի մը շաբաթ, զանազան գաղթօճախներ այցելելով, ան պիտի կարենայ աւելի մանրամասնութիւններ փոխանցել եւ գործի լծել գաղութը:
Հ.- Յանձնախումբին կը դիմագրաւէ՞ դժուարութիւններ: Այս գծով, ընդհանուր
առմամբ որո՞նք են խոչընդոտները եւ ապագայի գծով ինչպէ՞ս կարելի է հեզասահօրէն գործել:

Պ.-Նմանօրինակ վերաբնակեցման աշխատանքներ ունին իրենց դճուարութւիւններն ոըւ մարտահրաւէրները: Յոյսով ենք որ, պիտի դիմագրաւենք այս դժուարութիւնները եւ շարունակենք վերաբնակեցման աշխատանքները, սահմանամերձ շրջաններէն ներս:
Հաւատքով եւ հետեւողական աշխատանքով, պիտի վերաշինենեք եւ վերաբնակեցնենք Արցախը: Այսպէս պդցաբեր պիտի ըլլայ մեր աշխատանքը: …Յոյսով եմ:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles