Սահմանադրութեան Օրը Նշուեցաւ Հայաստանի Մէջ

0 0
Read Time:1 Minute, 2 Second

 

p1 sahmanatroutianorԵՐԵՒԱՆ.- Երեքշաբթի Յուլիս 5-ին, Հայաստան նշեց Սահմանադրութեան օրը:
Այդ օրը՝ 1995-ին, հիմնական օրէնքի նախագիծը ներկայացուեցաւ համաժողովրդական հանրաքուէի: Այդ օրերուն, ընդդիմադիր ճակատը կեղծուած
համարեց հանրաքուէի արդիւնքները, սակայն պաշտօնական տուեալներով Սահմանադրութիւնը ընդունուեցաւ:
Տասը տարի անց` Նոյեմբեր 27, 2005ին, անգամ մը եւս տեղի ունեցաւ սահմանադրական հանրաքուէ, երբ քաղաքացիները հաւանութեան արժանացուցին գլխաւոր փաստաթուղթին մէջ կատարուած փոփոխութիւնները:
Ընդդիմութեան կոչով հասարակութեան մեծ մասը պոյքոթի ենթարկեց Սահմանադրական փոփոխութիւններու հանրաքուէն, սակայն պաշտօնապէս հանրաքուէն համարուեցաւ կայացած եւ այդ փոփոխութիւնները ընդունուեցան:
Սահմանադրութիւնը փոփոխութիւններու ենթարկուեցաւ նաեւ Դեկտեմբեր 6, 2015ին, ըստ որուն՝ Հայաստանը անցում կատարեց կառավարման խորհրդարանական համակարգի, որուն հիման վրայ Հայաստանի մէջ այլեւս տեղի պիտի չունենան նախագահական ընտրութիւններ` համաժողովրդական քուէարկութեամբ: Նախագահը պիտի ընտրուի 2017 թուականի խորհրդարանական ընտրութիւններու արդիւնքով ձեւաւորուած Ազգային ժողովին կողմէ:
Նախագահ Սերժ Սարգսեան շնորհաւորական ուղերձով հանդէս եկաւ, յայտնելով թէ.- «Այս տօնը կարեւոր ու պատմական օր է մեր երկրին ու ժողովուրդին կեանքին մէջ: Մենք միասին քայլ առ քայլ կ՛երթանք Սահմանադրութեան մէջ ամրագրուած նպատակները կեանքի կոչելու ուղիով: Սահմանադրական վերջին բարեփոխումները անգամ մը եւս հաստատեցին մեր ինքնիշխան, ժողովրդավարական, իրաւական ու ընկերային պետութեան կայացումը եւ ընդգծեցին անոր վերընթաց ու հետեւողական զարգացման միտումները: Սահմանադրութեան փոխուած տարբերակը մեզի, իբրեւ հասարակութիւն` կը դարձնէ աւելի ազատ եւ աւելի ուժեղ: Միաժամանակ այս նոր իրողութիւնը բոլորէս կը պահանջէ պատասխանատու վերաբերմունք` երկրին մէջ ընթացող ընկերային, իրաւական եւ քաղաքական գործընթացներուն նկատմամբ»:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles