Սահմանադրական Փոփոխութիւններ.- Հ.Յ.Դ.-ի Քարոզարշաւը Պիտի Կատարեն Հինգ Քարոզչական Խումբեր

0 0
Read Time:55 Second

sahmatroutyoun

ԵՐԵՒԱՆ.- Նոյեմբեր 2-ին, Հայ Յեղափոխական Դաշնակցութեան կեդրոնին մէջ, լրագրողներուն հետ ունեցած հանդիպումին ընթացքին, Հ.Յ.Դ. Հայաստանի Գերագոյն մարմինի ներկայացուցիչ, Ազգային ժողովի խմբակցութեան քարտուղար Աղուան Վարդանեան յայտնեց, թէ որոշուած է սահմանադրական փոփոխութիւններու նախագիծի հանրաքուէին առնչուող քարոզարշաւ կատարել մարզերուն մէջ, կազմակերպելով քանի մը հանդիպումներ, որոնք պիտի սկսին յառաջիկայ օրերուն:
Քարոզարշաւը պիտի կատարեն կազմուած հինգ քարոզչական խումբերը, որոնք պիտի ղեկավարուին Արմէն Ռուստամեանի, Արծուիկ Մինասեանի, Լեւոն Մկրտչեանի, Արսէն Համբարձումեանի եւ Աղուան Վարդանեանի կողմէ:
Ըստ Վարդանեանի, ընդհանուր առմամբ Հ.Յ.Դաշնակցութիւնը պիտի ունենայ շուրջ հարիւր ղեկավարման մարմիններ տարբեր մարզերու մէջ: Ան յայտնեց թէ արդէն իսկ, բացումը կատարուած է քարոզարշաւի հիմնադրամին:
«Չի կրնար այս խառնաշփոթը ըլլալ` չորս-հինգ տեսակի անձնագիրներու եւ այլնին վերաբերող: Մէկ միասնական փաստաթուղթ պէտք է ունենան բոլորը, բնականաբար, այս պայմաններուն մէջ թէկուզ նոյնականացման քարտը: Պետութիւնը պարտաւոր է քաղաքացիներուն ապահովել նոյնականացման քարտերով, եթէ նոյնիսկ ծախսերը շատ են: Մենք պէտք է ընտրութիւններուն ժամանակ մէկ միասնական փաստաթուղթ ունենանք», յայտնեց Վարդանեան:
Նշենք թէ, սահմանադրութեան վերամշակուած տարբերակով հիմնովին կը փոխուի պետականութեան համակարգը, ուր նախագահական համակարգին կու գայ փոխարինելու խորհրդարանական ձեւը,եւ աւելի կարեւոր տեղ կու տայ կուսակցութիւններու դերակատարութեան, եւ յոյս կու տայ հայոց պետութեան դէմ ծառացած բազմաթիւ խնդիրներու լուծման:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles