0
0
ԵՐԵՒԱՆ․- Ապրիլ 23-ին, Հայոց Ցեղասպանութեան 107-րդ տարելիցի նախօրէին, Հանրապետութեան հրապարակէն մեկնարկեց Հ․Յ․Դ․ Հայաստանի Երիտասարդական եւ «Նիկոլ Աղբալեան» ուսանողական միութիւններու նախաձեռնած աւանդական ջահերով երթը:
Ջահերով երթը կը կրէր «Զարթնի՛ր Լաօ» խորագիրը: Հանրապետութեան հրապարակը բազմամարդ էր:
Ծիծեռնակաբերդի յուշահամալիր հասած երթի հազարաւոր մասնակիցները մէկ րոպէ լռութեամբ յարգանքի տուրք մատուցեցին Մեծ Եղեռնի աւելի քան 1,5 միլիոն զոհերու յիշատակին: Անմար կրակի մօտ խոնարհեցան Հայոց Ցեղասպանութիւնը ճանչցած երկիրներու դրօշները: Երթի մասնակիցները ծաղիկներ զետեղեցին անմար կրակի շուրջ, տեղի ունեցաւ հոգեհանգստեան կարգ:
Ելոյթ ունեցան ՀՅԴ ԳՄ ներկայացուցիչ Իշխան Սաղաթելեանը եւ Հ․Յ․Դ․ երիտասարդականի Կեդրոնակն Վարչութեան նախագահ Գոռ Սարգսեանը:
Իշխան Սաղաթելեան յայտարարեց,- «Այսօր պէտք է ամբողջ աշխարհին ցոյց տալ եւ ապացուցել` մենք տէր ենք Արցախին, մենք տէր ենք մեր պետականութեանը եւ տէր ենք հայ ժողովրդի ապագային, որի համար պատրաստ ենք պայքարել, իսկ Ապրիլ 25-ից մենք ամբողջ Հայաստանով Կը մեկնարկի անդադար բողոքի ակցիաներ, քայլեր եւ գործողութիւններ»:
Գոռ Սարգսեան իր կարգին, խօսք առնելով, ըսաւ․- «Երբ Հայաստանը գտնւում է թրքացման, Արցախը` հայաթափման ճանապարհին․ որպէս դաշնակցական երիտասարդ` մենք ձեզ առաջարկում ենք պայքար, պայքար յանուն մեր արժանապատուութեան, պայքար յանուն ուժեղ պետութեան»:
