Պրիւքսէլ… Եւ Անկէ Ետք

0 0
Read Time:2 Minute, 18 Second


«Հայրենիք» – Պոսթըն
Խմբագրական

Մտաբերելով յա՛տկապէս յետ-44-օրեայ պատերազմին յաջորդած դիւանագիտական հանդիպումները, ընդհանրապէս Ռուսիոյ հովանաւորութեան տակ, անոր ներկայութեամբ, ընդհանրապէս այդ տարածաշրջանին մէջ կը կատարուէին Արցախի հիմնահարցին շուրջ տեսակցութիւնները։
Ուշագրաւ է, որ ստեղծուած ներկայ իրավիճակին մէջ, երբ բորբոքած է Ռուսիա-Ուքրայինա պատերազմը, Փաշինեան-Ալիեւ հանդիպումը կազմակերպուեցաւ եւ տեղի ունեցաւ Արեւմուտքի՝ Եւրոպայի խորհուրդին հովանաւորութեամբ, յանձին խորհուրդի նախագահ Շարլ Միշէլի:

Մտնելէ առաջ հանդիպումին մանրամասնութեանց մէջ, կ’արժէ նշել, որ Պելճիքայի մայրաքաղաքը Եւրոխորհրդարանի զանազան գրասենեակներու կեդրոնն է։ Աւելին, ընդգծելի է, որ Պրիւքսէլը նաեւ կեդրոնատեղին է ՆԱԹՕ-ին։ Հաւանաբար, ճիշդ պիտի ըլլայ նկատելը, թէ Պրիւքսէլը մէկն է Եւրոպայի հազուագիւտ քաղաքներէն, ուր դիւանագիտական պաշտօնով գործուղղուողները կը գերազանցեն զբօսաշրջիկները։
Արդ, բացայայտ է, թէ տեսակցութիւնը կազմակերպուած էր ռուսական ազդեցութեան գօտիէն դուրս գտնուող գետնի վրայ։ Այսինքն, բացակայ էր Արցախէն մնացած հողատարածքին վրայ երկու կողմերուն միջեւ միակ խաղաղապահ ուժը տեղադրած երկրին ներկայացուցիչը։ Խաղաղապահ ուժ մը, որ դեռ քանի մը օր առաջ, պարզապէս առանց միջամուխ ըլլալու՝ «դիտեց» ատրպէյճանական բանակին յարձակումը Փառուխ գիւղին վրայ, նոյնիսկ նկատեց մահացու անօդաչու «Պայրաքտար» սարքերը։ Թրքական սարքեր՝ որոնք մեծ քանակութեամբ կը գործածուին նաեւ Ուքրայինայի մէջ։ Խաղաղապահ ուժերը յետոյ որոշ միջամտութիւն կատարեցին, սակայն նժարը մնաց ի նպաստ Ատրպէյճանի:
Հնչող հարցումներ են. ի՞նչ կատարուեցաւ Պրիւքսէլի մէջ, հարցերը ինչպէ՞ս արծարծուեցան, մանաւանդ, եւ  անգամ մը եւս, ի մտի ունենալով Մոսկուա-Քիեւ ճակատումը։
Չմոռնանք, որ այս հանդիպումի նախօրեակին, տեղի ունեցաւ Ազգային ժողովի ընդդիմադիր՝ «Հայաստան» եւ «Պատիւ ունեմ» խմբակցութիւններուն նախաձեռնած բազմամարդ հանրահաւաքը, որուն մեկնարկը տրուեցաւ Ազատութեան հրապարակին վրայ եւ շարունակուեցաւ Ֆրանսայի հրապարակին վրայ, ներգրաւեց երկու խմբակներէն դուրս գտնուող ընդդիմադիրներ, ու բանաձեւեց հիմնարար սկզբունքներ, ուր յատկապէս կը շեշտուէին, թէ կարելի չէ Ատրպէյճանի հետ ստորագրել որեւէ պայմանագիր, որ կը խափանէ Արցախի ինքնորոշման իրաւունքը, նաեւ՝ բացարձակապէս պէտք է բացառել Արցախի որեւէ կարգավիճակ՝ Ատրպէյճանի կազմին մէջ կամ հովանիին տակ։
Պրիւքսէլի մէջ կայացած եռանդամ հանդիպումի նախօրեակին, շատ աւելի հնչեղ ձայն մը բարձրացաւ նոյնինքն Արցախի մայրաքաղաքէն՝ Ստեփանակերտէն, ուր Ազգային Ժողովը, իբրեւ գերագոյն լիազօրութիւնը ունեցող ներկայացուցչական մարմին, կոչ մը յղեց, նշելով, թէ Ատրպէյճանի կողմէ յարատեւօրէն կ’ոտնակոխուի զինադադարը՝ շարունակ վտանգ եւ սարսափ սփռելով։
Աւելորդ չէ բառ առ բառ ընդգծել այդ կոչէն հատուած մը․ «Համոզուած ենք, որ Հայաստանի եւ Արցախի Հանրապետութիւնները, ունենալով սփիւռքի հայկական համայնքների լիարժէք աջակցութիւնը, մէկ բռունցք դառնալով՝ միասնաբար կարող են դիմագրաւել տարածաշրջանային մարտահրաւէրները` պաշտպանելով մեր ազգային շահերը․․․»։
Կասկած չկայ, որ Ուքրայինայի տագնապը ուղղակի անդրադարձ ունեցաւ պրիւքսէլեան հանդիպումին վրայ։ Մտահոգիչ հարցումներ շրջան կ’ընեն արդէն. արդեօք, ռուսական ներկայութիւնը որքա՞ն պիտի շարունակուի Արցախի մէջ, ռուսական ուժերը ինչպէ՞ս պիտի շարունակեն իրենց խաղաղապահի պարտականութիւնը։
Դաշինքներ՝ սուրբ, թէ անսուրբ՝ սկսած են կորսնցնել իրենց երբեմնի ուժը, իմաստը, իրենց տեղը զիջելով զինուորական, նիւթական եւ շահակցական այլատեսակ ուժերու:
Այս հանդիպումն ալ դուռ կը բանայ նմանօրինակ մեկնաբանութիւններու: Յայտարարութիւնները ցոյց կու տան, որ հայկական կողմը յամառօրէն կը շարունակէ զիջումի եւ ի նպաս Ատրպէյճանի համաձայնութիւններ հետապնդելու վազքը:

Կը մնայ, որ Երեւանի մէջ, իշխանութեան թէ ընդդիմադիրներու շարքերուն, ըլլան մարդիկ, որոնք կարողութիւնը ունենան ճիշդ գնահատելու մեր ու շրջապատի իրավիճակը եւ մեր հայրենիքին համար օգտակար (գէթ ո՛չ վնասակար) ընտրանքներու դիմեն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
100 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “Պրիւքսէլ… Եւ Անկէ Ետք

  1. Armenians should understand that under current circumstances Nato and EU will always favor Azerbaijan just to trouble Russia, Armenia and south Caucasus is the backyard of Russia. people who knows Arabic, listen to this analysis https://youtu.be/B79G_s53xGc

Leave a Reply

Your email address will not be published.

Social profiles