ՊՈՍԹԸՆԻ ՄԷՋ 107-ԱՄԵԱԿԻ ՆՇՈՒՄ

0 0
Read Time:1 Minute, 30 Second

Շաբաթ, Ապրիլ 23-ին Պոսթընի մէջ նշուեցաւ  Հայոց Ցեղասպանութեան 107-ամեակը: Աւելի քան երեք հարիւր հայորդիներ ժամանած էին քաղաքի կեդրոնական շրջանին մէջ գտնուող «Ժառանգութեան Այգի»-ն, ուր աւելի քան մէկ ժամ տեւողութիւն ունեցող  յայտագիր մը պատրաստուած էր:

Շրջանի զանազան յարանուանութիւնները ներկայացնող հովիւներ կատարեցին սուրբ պատարագ: Հ.Մ.Ը.Մ.-ի սկաուտական կազմի կատարած տողանցքէն ետք,  Սեւան Տիւլկարեան մեներգեց Ա.Մ.Ն.-ի եւ  Հայաստանի քայլերգները: Օրուան հանդիսավարներն էին ներկայացուցիչներ՝ Տէյվիտ Մուրատեան եւ Քէյթ  Լիփըր-Կարապետեան:

Առաջին խօսք առնողն էր Ճասթին Պիլթընը, որ Մասաչուսէցի մէջ Ցեղասպանութեան մասին դասատու է: Ան ցասումով յայտնեց, թէ հակառակ թափուած բոլոր ճիգերուն, դժբախտաբար Թուրքիա կը շարունակէ ուրանալ եւ շարունակ ծածկել այդ ահաւոր աղէտը:

Ան մեծ խանդավառութեամբ  յայտնեց, թէ այս ամռան պիտի մեկնի Հայաստան եւ քանի մը շաբաթ յաւելեալ ուսումնասիրութիւններ պիտի կատարէ: Աւարտին Պիլթըն կոչ ուղղեց չվհատիլ եւ շարունակ պայքարիլ:

Օրուան բանախօսն էր տոքթ. Հենրի Թերիօն, որ ցեղասպանագէտներու միջազգային միութեան նախագահն է:

Ան հարց տուաւ, թէ արդեօ՞ք կանգ առած է ցեղասպանութիւնը եւ շեշտեց, թէ պէտք է ընդունիլ այն իրողութիւնը, որ Թուրքիան կ՛օգտագործէ առիթներ:  Ան շեշտեց, թէ ճարպիկ եւ փորձառու է  թուրք քաղաքագէտը: Անցեալը պեղելու կարիք չկայ:

Թերիօ շեշտեց, թէ թուրքը  գիտէ շողոքորթել, կեղծել եւ խաբել: Ցեղասպանութիւնը կը շարունակուի տարբեր տարազով, տարբեր միջոցներով, տարբեր ձեւակերպումներով, սակայն կը շարունակուի: Ան աւելցուց, թէ կը շարունակուի նաեւ մշակութասպանութիւնն ալ եւ կը քանդուին մեր եկեղեցիները, մեր վանքերը, մեր խաչքարերը, կը խեղաթիւրեն պատմութիւնը, կը կեղծուին փաստաթուղթերը:

Յաւելեալ ահազանգ հնչեցնելով, Թերիօ եզրակացուց, թէ ցեղասպանագէտներու միջազգային միութիւնը պէտք է աւելի աշխոյժ գործունէութիւն մշակէ եւ աւելի նախաձեռնող մարմին մը դառնայ: Ան նշեց, թէ ցեղասպանութեան վտանգը կը սպառնայ աւելի ցցուն դառնալու՝ ազգայնամոլութեան եւ աշխարհի տարածքին այլ ծայրայեղականութեանց մտահոգիչ աճին հետեւանքով, որոնք կը սպառնան ձախողութեան մատնելու ցեղասպանութիւններուն առաջքը առնելու նպատակով տարուող ջանքերը։

Հուսկ, կարդացուեցաւ Հայոց ցեղասպանութեան առթիւ Մասաչուսէցի կառավարիչ Չարլի Պէյքըրի յղած յայտարարութիւնը:

Ձեռնարկի գեղարուեստական յայտագրով, ելոյթ ունեցաւ տուտուկահար Սամ Սիոսթետ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Տունը Չես Կրնար Մոռնալ
Next post ՆԻՒ ԵՈՐՔԻ «ԹԱՅՄԶ» ՀՐԱՊԱՐԱԿԸ՝ ԱՊՐԻԼ 24-ԻՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles