ՊՈՍԹԸՆԻ ՄԷՋ ՄԱՅԻՍ 28-Ի ՀԱՆԴԻՍՈՒԹԻՒՆ.- ԱՐԱՄ Ա. ԿԱԹՈՂԻԿՈՍ ՊԱՐԳԵՒԱՏՐԵՑ Ա.Մ. ՆԱՀԱՆԳՆԵՐՈՒ ՀԱՅԱՍՏԱՆԻ ՆԱԽԿԻՆ ԴԵՍՊԱՆ ՃՈՆ ԷՎԸՆԶԸ

0 0
Read Time:2 Minute, 35 Second

617-1024x685 (1)

Հինգշաբթի, Մայիս 28-ին, Պոսթընի Ուաթըրթաուն շրջանի Հայ Կեդրոնին մէջ, տեղի ունեցաւ Հայաստանի առաջին հանրապետութեան նուիրուած հանդիսութիւն, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին: Ներկայ էին Ա.Մ. Նահանգներու Արեւելեան Թեմի Առաջնորդ Գերշ. Տ. Օշական Արք. Չօլոյեան, Ա.Մ. Նահանգներու Արեւմտեան Թեմի Առաջնորդ Գերշ. Տ. Մուշեղ Արք. Մարտիրոսեան, Արեւելեան Թեմի Առաջնորդական Փոխանորդ Գերշ. Տ. Անուշաւան Եպս. Դանիէլեան, Հովուապետական այցելութեան ընթացքին Վեհափառ Հայրապետին ընկերացող եւ Թեմէն ներս ծառայող միաբան հայրեր, Կաթողիկէ եւ Աւետարանական հարանուանութեանց հոգեւոր հովիւները, Հայաստանի մէջ Ամերիկային նախկին դեսպան Ճոն Էվընզ եւ աւելի քան հինգ հարիւր պոսթընաբնակ հայորդիներ:

3234185181313Ընդառաջելով Արեւելեան եւ Արեւմտեան թեմերու Առաջնորդ Սրբազաններուն եւ Ամերիկայի Հայ Դատի գրասենեակին, Արամ Ա. Վեհափառը, այս ձեռնարկի ընթացքին, Մեծի Տանն Կիլիկիոյ Կաթողիկոսութեան «Ասպետ»ի շքանշանով պարգեւատրեց, Երեւանի մօտ Միացեալ Նահանգներու նախկին դեսպան Ճոն Էվընզը, որ տաս տարի առաջ, անսալով մարդկային իրաւանց պաշտպանութեան արժէքներու իր ներքին ձայնին յայտարարած էր Հայոց Ցեղասպանութեան իրողութիւնը, քայլ մը որ ազդած էր իր արհեստին՝ դիւանագիտական գործունէութեան վրայ, որ վերջ գտած էր, սակայն միեւնոյն ժամանակ դեսպան Էվընզ խիղճը ազատագրած էր մարդկային իրաւունքները եւ արդարութիւնը կաշկանդող բոլոր թնճուկներէն եւ մութ հաշիւներէն:228-1024x685
Շրջանի ընդհանուր ոստիկանապետ՝ Շէրիֆ Փիթըր Քիւթիւճեան ներկայացնելով Դեսպան Էվընսը զինք որակեց իբր նոր օրերու Հէնրի Մորկընթաու, որ իր ձայնը քաջաբար բարձրացուցած էր յանուն արդարութեան: Դեսպանը պարգեւատրուելէ ետք, իր երախտագիտութիւնը յայտնեց Վեհափառ Հայրապետին ու հայ ժողովուրդին, իրեն ընձեռած այս պատիւին համար:
Ապա, Նորին Սրբութիւնը իր խօսքը ուղղելով պարգեւատրեալին ըսաւ. «Պարոն Դեսպան, դուք քաջութիւնը ունեցաք ճշմարտութիւնը բարձրաձայն, յստակ եւ հրապարակային ըսելու: Աշխարհի վրայ ո՛չ մէկ ուժ կրնայ ճշմարտութիւնը ծածկել. քաղաքական եւ դիւանագիտական ուժեր կը փորձեն այս կամ այն պատճառով շուքի տակ առնել ճշմարտութիւնը, սակայն չկայ ուժ որ կրնայ ճշմարտութիւնը եղծել: Դու՛ք ճշմարտութիւնը ըսիք, ամբողջ հայ ժողովուրդին սիրտը գրաւեցիք եւ օրինակ հանդիսացաք ու եղաք ճշմարտութեան դեսպանը»:517-1024x685322-1024x685
Այս ձեռնարկին սկիզբը տեղի ունեցաւ հանրապետական մաղթանք եւ եռագոյն դրօշի օրհնութիւն: Բացման խօսքէն վերջ ներկայացուեցաւ գեղարուեստական կոկիկ յայտագիր: Ապա, բեմ հրաւիրուեցաւ օրուան դասախօսը՝ Անդրանիկ Գասպարեան, որ անդրադարձաւ Մայիս 28-ի յաղթանակը կերտողներուն եւ Հայաստանի առաջին հանրապետութեան ղեկավարութեան բարոյական բարձր արժէքներուն, անխախտ հաւատքին եւ պիրկ կամքին, որով առաջնորդեցին նորանկախ Հայաստանը հակառակ բոլոր դժուարութեանց եւ արգելքներուն:814-1024x6851117-1024x685
Բարեջան Առաջնորդ Սրբազանը իր կարգին խօսեցաւ Մայիս 28-ի տեսլականին, որով սերունդներ կազմաւորուեցան՝ կերտելու համար Հայաստանի վերանկախացումը: Ապա, Օշական Սրբազանը հրաւիրեց Նորին Սուրբ Օծութիւնը փոխանցելու օրուան պատգամը: 1012Վեհափառ Հայրապետը խօսեցաւ Մայիս 28-ի ոգիին կարեւորութեան մասին եւ ըսաւ.- «Ճիշդ է, որ Հայաստանի անկախութիւնը շատ կարճ տեւեց, սակայն Մայիս 28-ը իբրեւ ոգի մնաց մեր ժողովուրդի կեանքէն ներս: Մայիս 28-ը որպէս ոգի սաւառնեցաւ մեր ժողովուրդի կեանքին վերեւ Երեւանէն մինչեւ Սփիւռքի բոլոր անկիւնները: Մեր ժողովուրդի զաւակները նոյն ոգիով ապրեցան, պայքարեցան. այդ ոգիով մեր ժողովուրդի պահանջատիրութիւնը նոր հունաւորում, նոր ընթացք եւ նոր վճռականութիւն ստացաւ: Մայիս 28-ի ոգին մեր մէջ բորբ պահեց ազատ ու անկախ Հայաստանի, ամբողջական Հայաստանի, ամբողջական հայութեան վառ երազը եւ այդ նոյն ոգին է, որ վերակերտեց Հայաստանի անկախութիւնը»: 417616716
Անդրադառնալով Հայոց Ցեղասպանութեան եւ անոր հետեւանքներուն ան շեշտեց. «Մենք կորսնցուցինք մեր ժողովուրդի մէկ ու կէս միլիոն զաւակները, եկեղեցի, դպրոց եւ ինչք: Ցեղասպանութեամբ դարձանք հայրենազուրկ. հետեւաբար հողային պահանջքը Հայ Դատին առանցքը կը կազմէ: Վա՛յ մեզի երբ մենք կորսնցնենք ամբողջական Հայաստանի տեսիլքը»: Նորին Սրբութեան Հայրապետական սրտառուչ պատգամը յաճախ ընդհատուեցաւ ներկաներու ծափողջոյններով:
Ձեռնարկը աւարտեցաւ Վեհափառ Հայրապետին «Պահպանիչ»ով եւ ապա երգուեցան «Կիլիկիա»ն եւ Հայրապետական մաղթանքը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles