Պոսթընի Հայկական Անկախ Ձայնասփիւռը Կը Նշէ Իր Հիմնադրութեան 35-ամեակը

0 0
Read Time:1 Minute, 0 Second

boston radioLogo_blue

Պոսթընի Հայկական Անկախ Ձայնասփիւռը այս տարի կը բոլորէ իր հիմնադրութեան 35-ամեակը, եւ այս առթիւ կազմուած յանձնախումբը որոշած է այս բարեբաստիկ տարեդարձը նշել Շաբաթ, Հոկտեմբեր 1, 2016-ին, երեկոյեան ժամը 8-ին, Ուաթըրթաունի Հայ Մշակութային եւ Կրթական Կեդրոնի սրահին մէջ:

Պոսթընի Հայկական Անկախ Ձայնասփիւռը հիմնած է ողբացեալ Ժիրայր Ղարիպեանը, 1980 թուականի Հոկտեմբերին: Իր անժամանակ մահէն ետք, Տիկին Եւգինէ Ղարիպեանը, որ Ձայնասփիւռի հիմնադրման առաջին օրէն հանդիսացած է աջակիցը իր կողակիցին, գործնական ամէն առումով, այժմ 25 տարիներէ ի վեր ձեռնհասօրէն կը վարէ Ձայնասփիւռը միեւնոյն ոգիով եւ նուիրումով: Դեռ այսօր, բազում դժուարութիւններ յաղթահարելով Ձայնասփիւռը կը շարունակէ բերել մշակութային իր անշահախնդիր ծառայութիւնը պոսթոնահայ գաղութին, ամէն Շաբաթ օր հանրութեան հրամցնելով գրական, ազգային, մշակութային եւ հայրենասիրական որակաւոր եւ հետաքրքրական հաղորդումներ, սփիւռքեան այս ափերուն մէջ հասակ առած սերունդներուն հաղորդակից դարձնելով Սփիւռքի ու Հայրենիքի իրադարձութիւններուն, յաջողութիւններուն ու դիմագրաւած հարցերուն:

Հոկտեմբեր 1-ին կայանալիք հանդիսութիւնը տեղի պիտի ունենայ հանդիսավարութեամբ «Հայրենիք»ի նախկին խմբագիր Խաժակ Մկրտիչեանի, իսկ օրուան բանախօսն է Դոկտ. Հրանդ Մարգարեան: Հանդիսութեան համար պատրաստուած է գեղարուեստական հարուստ յայտագիր մը, ուր ելոյթ պիտի ունենայ հանրածանօթ երգիչ Գէորգ Հաճեան: Գեղարուեստական յայտագրին իրենց մասնակցութիւնը պիտի բերեն դաշնակահարուհի Մարինա Գաւլաքեան, երգչուհի Ժանէթ Խալարեան, խմբավար Արթուր Վերանեան, Համազգայինի Էրեբունի Պարախումբը, ասմունքողներ Մերի Գալստեան եւ Սիլվա Սարգիսեան:

Սոյն հանդիսութեան հրաւիրուած է Պոսթընահայութիւնը: Մուտքը ազատ է:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Թուրքիոյ Մէջ Պայտըն Աճուրդի Հանեց Ժողովրդավարութիւնը
Next post ՑԵՂԱՍՊԱՆՈՒԹԵԱՆ ՅԻՇՈՂՈՒԹԻՒՆԸ Կ’ԱՅԼԱՍԵՐԻ «ԱԶԳԱՅԻՆ ՔԱՂԱՔԱԿԱՆՈՒԹԵԱՆ» ԻՐ ԽՈՐՔԸ ԿՈՐՍՆՑՆԵԼՈՎ ԻՆՉՊԷ՞Ս Կ’ԸԼԼԱՅ ԽՈՐՔԻ ԱՅԼԱՍԵՐՈՒՄԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles