0
0
ԵՐԵՒԱՆ.- Հայ Օգնութեան Միութեան Կեդրոնական Վարչութեան ատենապետուհի Քարոլին Շմաւոնեան վերջերս մասնակցեցաւ Հ.Հ. սփիւռքի նախարարի եւ «Հայաստան» Համահայկական Հիմնադրամի տեղական մարմիններու անդամներու հանդիպման:
Հարցազրոյցի մը ընթացքին, Շմաւոնեան ներկայացուց վերջին տարիներուն սուրիահայերուն ցուցաբերուած օգնութիւններու ձեռնարկները, ինչպէս նաեւ Արցախին օգնելու համար կազմակերպուած հաւաքներն ու արդիւնքները:
Շմաւոնեան, շեշտեց թէ վերջին տարիներուն Ստեփանակերտի «Սօսէ» մանկապարտէզի վերականգնումը ամենակարեւոր ծրագիրներէն մէկն է, որուն աշխատանքները կ’աւարտին 2017 թուականին:
«Հ.Օ.Մ.ի ջանքերով՝ Սուրիոյ մէջ յիսուն հազարէ աւելի հայերու օգնութիւն կը տրամադրուի: Դեռ վերջերս, Հայաստանի մէջ Նոր տարուան առթիւ հարիւր ընտանիքներու նուէրներ բաժնուեցան: Բայց ապրիլեան օրերուն առաջնահերթութիւնը, ի հարկէ, Արցախն էր: Հ.Օ.Մ.ը առաջիններէն էր, որ յիսուն հազար տոլար փոխանցեց Արցախի կառավարութեան: Եւ պիտի շարունակենք այս ծրագիրներն այնքան, որքան Հայրենիքն ու Արցախը մեր կարիքը ունին», եզրակացուց Շմաւոնեան:
