Պիտի Կտրենք Վիշապին Գլուխը

 

Պետրոս Քհնյ. Շիթիլեան

Սփրինկֆիլտ, Մասաչուսէց

 

 

Պիտի կտրենք վիշապին գլուխը,

Անոր, որ փորերը պատրեց մեր յղիներուն,

Անոր, որ գոռոզօրէն ըսաւ.«Լաւ ըրի ու նորէն պիտ ընեմ անվարան»:

 

Պիտի կտրենք վիշապին գլուխը,

Անոր, որ մեր հիւրը եղաւ,

Ու ետքը դուրս հանեց մեզ մեր հողերէն պատմական:

 

Պիտի կտրենք վիշապին գլուխը,

Ու չնայած, որ ցանցառ ենք ու քիչ,

Բայց զօրաւոր ենք լոյսով ու հաւատքով քրիստոնէական:

 

Պիտի կտրենք վիշապին գլուխը,

Բայց նախքան կտրելը,

Որդիին պարանով լաւ մը պիտ ծեծենք անոր վայրի բնազդն սատանայական:

 

Պիտի կտրենք վիշապին գլուխը,

Ու պիտ հպարտ ըլլան մեր մայրերը,

Որոնց կաթէն ծնան մեր հերոսներն անզուգական:

 

Պիտի կտրենք վիշապին գլուխը,

Ու պիտ սրբանան այն մայրերը,

Որոնց զաւակներուն արիւնը պիտ ջրէ մեր ծաղկումին ճամբան:

 

Պիտի կտրենք վիշապին գլուխը,

Ու արիւնը մեր քաջերուն պիտ թոյն ըլլայ անոնց,

Որոնք թունաւորեցին մեր հոգին ազնուական:

 

Պիտի կտրենք վիշապին գլուխը,

Ու այնպէս մը կտրենք, որ երբեք ու երբեք,

Մեզմէ մէկուն մազին չկրնայ դպչիլ անգամ:

 

Պիտի կտրենք վիշապին գլուխը,

Ու այս արմակէտոնին մէջ,

Ոչ թէ միայն մեր, այլ համայն բարուն հարցը պիտի լուծենք անխափան:

 

 

 

Պիտի կտրենք վիշապին գլուխը,

Ընկերներն ու նախանձողնե՛րն պիտ խոնարհին անգամ,

Ամբողջ աշխարհն պիտ թակէ մեր դուռն արքայական:

 

Պիտի կտրենք վիշապին գլուխը,

Ու Թորգոմի ցեղը յաղթած պիտ քալէ փառքի ճամբէն,

Ու Թորգոմի ցեղը պիտ բարձրացնէ գաղափարի մարդն յաւերժական:

 

Պիտի կտրենք վիշապին գլուխը,

Ու չարին գլուխը կտրելուն մէջն ալ առաջինն պիտ ըլլանք,

Ինչպէս որ առաջինն եղանք Լոյսին բերելուն մէջ աստուածաշնչեան:

 

Այո, ա՛յս անգամ պիտի կտրենք վիշապին գլուխը վերջնական: