ՊԻՏԻ ՕԺԱՆԴԱԿԵ՛ՆՔ

0 0
Read Time:1 Minute, 32 Second

artsakh 2

ՀԱՅՐԵՆԻՔ
Խմբագրական
Մայիս 2, 2016

Զօրաշարժի մէջ է Սփիւռքը:
Այո՛…անգամ մը եւս:
Այս անգամ կիզակէտը՝ «Մենք Եւ Մեր Լեռներ»ն են…Պապիկն ու Տատիկը:
Այդ մոգական Արցախեան հողը, որ այնքա՜ն արժէքաւոր եւ սուրբ է:
Վայրկեան մը մէկդի դնելով նախայարձակ թշնամիին ունեցած կորուստը, կատարած այդ չորսօրեայ պատերազմին ժամանակաշրջանն անգամ սխալ մըն էր…ինքնին պարտութիւն մը:
Արցախի վրայ յարձակելով, Թուրքիոյ հլու կամակատար Ատրպէյճանը՝ հայութիւնը՝ աշխարհի քարտէսէն բոլորովին բնաջնջելու, նոյնիսկ պատմութեան արխիւներէն դուրս հանելու եւ մէկդի շպրտելու քաղաքականութիւնն է որ կը շարունակուի:
…Եւ դաւադիր փանթրքական այս երազանքային սլացքներուն դիմաց, հայորդին նշեց 101-ամեակը, այս անգամ կիզակէտ ունենալով Արցախը:
Ամէն մէկ հայորդին իր մորթին վրայ զգաց թէ ի՞նչ կը պատահի հոն…Կովկասեան բարձրաւանդակի այդ դրախտին մէջ:
Շատ տեղեկութիւններ լսեցինք, իմացանք եւ կրցանք քայլ պահել:
Հայոց բանակը մարտունակ է եւ կը փաստէ թէ, միայն կատարելագործուած ռազմական կազմածներով չէ որ կարելի է յաղթական դուրս գալ:
Այլ բան է հողին, հայրենիքին կառչած մնալը:
…Եւ այսօր, այդ հերոս քաջերուն դիմաց եզակի երեւոյթ է աննման Արցախին եւ անոր պաշտպան հայ զինուորին շուրջ ստեղծուած համաժողովրդային ու քաղաքական ամբողջական համախմբումը:
Զոհուեցան շատեր, եւ այդ ալ ի՜նչ զոհողութիւն՝ ՆԱՀԱՏԱԿ: Դեռ ալ պիտի տանք զոհեր, յաչս այդ սուրբ հողին:
Միայն զինուորները չեն հերոսները, այլ նաեւ այդ սահմանամերձ շրջաններուն, իրենց տան հօրենական երդիքին կառչած բնակչութիւնը, պատանիէն մինչեւ ալեհեր ծերունին:
Այս հերոսներուն, չաստուածներուն եւ «անծանօթ զինուորներ»ուն կատարած զոհողութիւններուն դիմաց,մեր ամենադոյզն պարտականութիւնն է լայնօրէն եւ ամենայն շռայլութեամբ մեր լուման տրամադրել:
Այս տղաքը, այս բնակչութիւնը տարբեր գանձ է…ոսկի է եւ այդ ալ ոսկեզօծ ոսկի:
Զանազան գաղութներէ ներս, կը շարունակուի շուտափոյթ օժանդակութեան աշխատանքը:
Աշխատանք որ ունի նիւրաբարոյական բնոյթ:
Արցախի օժանդակութեան համար կատարուած եւ դեռ ալ կատարուելիք դրամահաւաքներուն նպատակն է վերանորոգել եւ վերակառուցել սահմանամերձ գիւղերու փուլ եկած բնակարաններն ու կառոյցները, բուժել վիրաւոր հերոսներն ու անմեղները, օգնութեան հասնիլ նահատակներու ընտանիքներու կենսական կարիքներուն:
Հետեւաբար Սփիւռքեան զանազան գաղթօճախներու նման. այս օրերու հրամայականն է անվարան թիկունք կանգնիլ Արցախին եւ անոր հզօրացման ճիգերուն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles