ՉԵԽԻՈՅ ԽՈՐՀՐԴԱՐԱՆԸ ՃԱՆՉՑԱՒ ՀԱՅՈՑ ՑԵՂԱՍՊԱՆՈՒԹԻՒՆԸ

0 0
Read Time:1 Minute, 14 Second

p1 new

 

ՓՐԱԿԱ.- Ապրիլ 14-ին, Չեխիոյ խորհրդարանի Պատգամաւորներու տան արտաքին յարաբերութիւններու կոմիտէն միաձայնութեամբ Հայոց Ցեղասպանութեան 100-րդ տարելիցին նուիրուած բանաձեւ ընդունեց, վկայակոչելով Միացեալ Ազգերու Կազմակերպութեան Ընդհանուր ժողովին կողմէ Դեկտեմբեր 9, 1948-ի ,Ցեղասպանութեան յանցագործութեան կանխարգելման եւ պատիժիե մասին ուխտը, Հայոց Ցեղասպանութիւնը ճանչցած երկիրներու օրէնսդիր ու գործադիր մարմիններու, ինչպէս նաեւ` միջազգային կազմակերպութիւններու որոշումները, բանաձեւը կը դատապարտէ ցեղասպանութիւններու ժխտումը:

Բանաձեւին մէջ կը նշուի թէ.-

– Վկայակոչելով Մ.Ա.Կ.-ի Ընդհանուր ժողովի Դեկտեմբերի 9, 1948-ի 260-րդ  բանաձեւը, որ յայտնի է նաեւ իբրեւ “Ցեղասպանութիւն յանցագործութեան կանխարգիլման եւ պատիժի մասին“ ուխտը, եւ որ Չեխոսլովաքիոյ Հանրապետութեան մէջ հրապարակուած է արտաքին գործոց նախարարի Ապրիլ 28ե 1955 թուականի թիւ 32/1955  հրամանագիրով:

– Հաշուի առնելով հասանելի փաստերը, ինչպէս նաեւ` չեխ ճանապարհորդ Քարել Հանսայի վկայութիւնները, նկատի ունենալով Եւրոպական խորհրդարանի, Ուրուկուէյի, Գանատայի, Ֆրանսայի, Շուէտի, Լիթուանիոյ, Լեհաստանի, Իտալիոյ, Յունաստանի, Կիպրոսի, Արժանթինի, Ռուսաստանի, Վենեզուելայի, Սլովաքիոյ, Վատիկանի եւ այլ պետութիւններու  խորհրդարաններու եւ այլ օրէնսդիր ու գործադիր մարմիններու որոշումները:

– Օսմանեան կայսրութեան մէջ իրականացուած Հայոց Ցեղասպանութեան 100-րդ տարելիցին առիթով, որ կþոգեկոչուի ամբողջ քաղաքակիրթ աշխարհին կողմէ Ապրիլ 24, 2015-ին:

-Կը յայտնէ իր ցաւակցութիւնն ու համերաշխութիւնը աշխարհի հայութեան եւ, միեւնոյն ժամանակ, կþոգեկոչէ նաեւ ասորիներու, Փոքր Ասիոյ յոյներու եւ եզիտիներու կոտորածները:

-Կþանդրադառնայ այդ ժամանակին միջազգային հանրութեան կողմէ համապատասխան արձագանգի անբաւարար վիճակին, որ կարելի դարձուց ազգային եւ կրօնական փոքրամասնութիւններուն դէմ ճնշումներու աննախադէպ աճը եւ նախանշեց 20-րդ դարուն նմանատիպ իրադարձութիւնները, որոնց շարքին` Ողջակիզումը:

-Կը դատապարտէ նման գործողութիւնները, ինչպէս նաեւ` այլ ցեղասպանութիւններու ծանրութեան նուազեցումը կամ ժխտումը,

-Կոչ կþուղղէ միջազգային հանրութեան` կանխելու մարդկութեան դէմ յանցագործութիւնները աշխարհի որեւէ հատուածի մէջ եւ վէճերը կարգաւորելու խաղաղ միջոցներով:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles