ՈՒՇԱԳՐԱՒ ՅՕԴՈՒԱԾԻ ՄԸ ՀԵՏՔԵՐՈՎ

0 0
Read Time:1 Minute, 33 Second

logo

ԴՈԿՏ. ԱՐԱ ԳԱԲՐԻԷԼԵԱՆ

Ապրիլ 8, 2015

Նիւ Եորք

 

 

Մեծ հետաքրքրութեամբ կարդացի “Հայրենիք“ի Փետրուար 20ի թիւին մէջ լոյս տեսած Կարօ Արմենեանի “Փանթուրքիստական Գրաւը եւ Արցախի Հարցը“ վերնագիրը կրող խորաթափանց յօդուածը, որը լայն ընդգկրումով ու տարբեր տեսանկիւններէ կը վերլուծէր Արցախի հիմնահարցը՝ համաթուրանական դարաւոր ծրագրի լոյսին տակ:

 

Առարկայական տուեալներու հիման վրայ Կ. Արմենեանը ամենայն լրջութեամբ ու պատասխանատուութեամբ կը ներկայացնէ Հայաստանի գոյատեւման ու զարգացման համար հայանպաստ պայմաններով Արցախի հարցի վերջնական լուծման անհրաժեշտութիւնը: Միւս կողմէն, կը մատնանշէ Արցախի ժողովուրդը անկախ ապրելու իրաւունքէն զրկելու Թուրքիոյ հետեւողական քաղաքականութիւնը ՝ հակառակ թանկ արեամբ զայն նուաճած ըլլալու իրողութեան, որպէսզի նպաստաւոր հող պատրաստուի իր համաթուրանական ծաւալապաշտական ծրագիրները իրականացնելու համար:

Կը յուսամ, որ Հայաստանի պատկան իշխանութիւնները ճակատագրական այս մարտահրաւէրին դիմաց, սխալ հաշուարկի կամ այլ նպատակներ հետապնդելու պատճառով ծանրագոյն պայմաններու առջեւ պիտի չդնեն այսօրուան ու առաւել, վաղուան Արցախն ու Հայաստանը:

Հայ ժողովուրդը իրաւացիօրէն կþականկալէ, որ Հայաստանի քաղաքական վերջին իրադարձութիւններու (Սարգսեան-Ծառուկեան հակամարտութիւն) լոյսին տակ, իշխող եւ իշխանութեան հաւակնող օլիգարները վերջ պիտի դնեն ծայր աստիճանի հասնող կիրքեր բորբոքող մրցակցութիւնը ու փոխարէնը զուտ ազգային շահեր հետապնդելով պիտի արդարացնեն իրենց  այժմու դիրքերը: Այս ուղղութեամբ, յուսադրիչ երեւոյթ էր Յունուար 29-ին Եղեռնի 100րդ տարելիցի շէմին Համահայկական Հռչակագիրի հրապարակումը, որը լուրջ պարտաւորութիւններ կը պարունակէ իւրաքանչիւր հայու համար:

Եթէ Հայրենիքի ներկան ու ապագան լրջօրեն նկատի ունենային անկախացած Հայաստանի բոլոր նախագահներն ու զիրենք շրջապատող “պետական այրերը“, վստահաբար, մինչեւ հիմա արմատական, էական քայլեր առնուած պիտի ըլլային զանգուածային արտագաղթը գէթ մասամբ կասեցնելու ու նոյնիսկ ներգաղթի պայմաններ ստեղծելու համար:

Ոմանց կողմէ անձնական հարստութիւն դիզելու մղումով առնուած անհակակշիռ քաղաքականութիւնը՝ ի վնաս երկրի անվտանգութեան ու զարգացման, անթոյլատրելի ու միանգամայն դատապարտելի է, որուն համար բոլոր մեղսակիցները ի վերջոյ պիտի կանգնին համայն հայ ժողովուրդի դատաստանի առջեւ: Արցախեան հարցի լուծման ու Հայաստանի գոյութեան խնդիրները ուղղակիօրէն կապուած են ազգաբնակչութեան թուի ու որակի հետ:

Թելադրելի է, որ Արմենեանի յայտնած մտահոգութիւններուն լրջօրեն անդրադառնան պատասխանատու դիրքերու վրայ գտնուող կառավարական պաշտօնեաներ, Հայաստանի ճակատագիրը տնօրինողներ, որպէսզի ազգովին դէմ-հանդիման չգտնուինք անկանխատեսելի ու ծայր աստիճան մտահոգիչ ու վտանգաւոր կացութիւններու առջեւ:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “ՈՒՇԱԳՐԱՒ ՅՕԴՈՒԱԾԻ ՄԸ ՀԵՏՔԵՐՈՎ

  1. I hope there are, and there will be world powers in the future, who strategically see the necessity of aborting the establishment of a Turkic Empire, from the Mediterranean all the way the the inner China areas. And that, not out of love to Armenia, but through the necessity of a strong geographic Armenia, which will dissect such continuity. This point should be stressed to all, and specially to Persians, to Kurds, the Russians, the Georgians… not forgetting the Balkans.

Leave a Reply

Your email address will not be published.

Social profiles