0
0
Միացեալ Նահանգներու արտաքին գործոց նախարարութիւնը հրապարակեց Կրօնական ազատութեան միջազգային յանձնախումբի 2022 թուականի դաւանանքի ազատութեան մասին զեկուցումը, ուր Ատրպէյճանը ներառուած է յատուկ վերահսկողութեան տակ գտնուող երկիրներու ցանկին մէջ:
2022 թուականին Ատրպէյճանի մէջ կրօնական ազատութեան վիճակը բացասական տեղաշարժ ունեցած է: Կառավարութիւնը շարունակած է զգալի վերահսկողութիւն կատարել կրօնական գործիչներուն նկատմամբ` շարունակելով հետապնդել եւ կալանաւորել զանոնք:
Կը նշուի, որ անցեալ տարեվերջին Ատրպէյճանի մէջ կրօնական համոզումներու համար բանտարկուած է 19 մարդ: Տեղական իրաւապաշտպան կազմակերպութիւնները նաեւ կ՛ըսեն, որ կառավարութիւնը «շարունակած է ֆիզիքական բռնութիւն կիրարկել, կալանաւորել եւ բանտարկել կրօնական գործիչները, եւ որ կրօնական գործիչներու ձերբակալութիւններէն շատերը, ներառեալ թմրանիւթեր պահելու մեղադրանքով, քաղաքական բնոյթ կրած են»:
Զեկուցումին մէջ կը նշուի նաեւ Ատրպէյճանի կողմէ Լեռնային Ղարաբաղի` Պաքուի վերահսկողութեան տակ անցած տարածքներուն մէջ, հայկական հոգեւոր ժառանգութեան ոչնչացման մասին: «Միջազգային մարմինները եւ այլ կազմակերպութիւններ կը շարունակեն կասկածի տակ դնել Ատրպէյճանի կառավարութեան պատրաստակամութիւնը` պաշտպանելու եւ պահպանելու կրօնական ու մշակութային ժառանգութիւնը Լեռնային Ղարաբաղի եւ Ատրպէյճանի վերահսկողութեան տակ գտնուող յարակից տարածքներուն մէջ:
Անցեալ տարուան Փետրուարին Ատրպէյճանի այն ժամանակուան մշակոյթի նախարար Անար Քերիմով յայտարարեց եկեղեցիներէն «կեղծ» հայ առաքելական արձանագրութիւնները հեռացնելու համար աշխատանքային խումբ ստեղծելու մասին: Ըստ երեւոյթին, միջազգային վրդովումէն ետք, կառավարութիւնը հրաժարեցաւ այդ ծրագիրէն, եւ մարտին Եւրոպական խորհրդարանը դատապարտեց Ատրպէյճանի` Լեռնային Ղարաբաղի եւ անոր շրջակայքին մէջ հայկական մշակութային ժառանգութեան ոչնչացման եւ ժխտման շարունակական քաղաքականութիւնը:
Միացեալ Նահանգներու արտաքին գործոց նախարարութեան Կրօնական ազատութեան միջազգային յանձնախումբը Միացեալ Նահանգներու կառավարութեան կ՛առաջարկէ «ֆինանսաւորում տրամադրել Միացեալ Նահանգներու Միջազգային զարգացման գործակալութեան եւ Պաքուի մէջ Միացեալ Նահանգներու դեսպանատան` վերականգնելու, պահպանելուն եւ պաշտպանելու Լեռնային Ղարաբաղի եւ յարակից տարածքներու մէջ պաշտամունքի վայրերը եւ այլ կրօնական կամ մշակութային վայրերը»:
Նորին Սուրբ Օծութիւնը ընդհանուր գիծերով ներկայացուց ճարտարագիտութեամբ տիրապետուած ներկայ ընկերութիւնը՝ յիշեցնելով, որ համաշխարհայնացումը սոսկ տնտեսական եւ տեղեկատուական մարզերուն առնչուած երեւոյթ չէ։
Հայրապետը նաեւ անդրադարձաւ հայ կեանքէն ներս երիտասարդութեան դերին՝ շեշտելով, որ մեր կեանքի բոլոր մակարդակներուն վրայ եւ բոլոր բնագաւառներէն ներս երիտասարդութեան ներկայութիւնը կենսական է, այլապէս մեր կեանքը պիտի կորսնցնէ իր ներքին կենսունակութիւնը:
Վեհափառ Հայրապետը հանդիպում ունեցաւ քուէյթահայ գաղութի ազգային եւ միութենական մարմիններու անդամներուն հետ եւ, Սփիւռքի վերակազմակերպման տարուան աշխատանքներու ծիրէն ներս, անոնց փոխանցեց իր հայրապետական թելադրանքներն ու պատկերացումները, ինչպէս նաեւ լսեց անոնց յառաջիկայ ծրագիրները, առաջարկներն ու մտահոգութիւնները:
Հանդիպման ընթացքին ազգային մարմիններու եւ միութենական կազմակերպութիւններու անդամները խօսք առնելով՝ կիսեցին Նորին Ս. Օծութեան մտահոգութիւնները եւ, իրենց կարգին, արտայայտուեցան գաղութը դիմագրաւող տագնապներուն մասին։ Վեհափառ հայրապետը, պատասխանելով ներկաներուն կողմէ ուղղուած հարցումներուն, իր խօսքը կեդրոնացուց մեր կառոյցները վերանորոգման ենթարկելու հրամայականին վրայ, միշտ հարցերը դիտելով ներկայ պայմաններու լոյսին տակ, եւ շեշտեց քուէյթահայ երիտասարդութիւնը հայ համայնքի կեանքէն ներս ներգրաւելու անհրաժեշտութիւնը։
Ն.Ս.Օ.Տ.Տ. Արամ Ա. այցելեց Քուէյթի մօտ Հայաստանի Հանրապետութեան դեսպանատուն, ուր դիմաւորուեցաւ դեսպան Սարմէն Պաղտասարեանի կողմէ: Դեսպանը ջերմօրէն ողջունեց Նորին Ս. Օծութեան այցելութիւնը Քուէյթ եւ մանաւանդ ներկայութիւնը՝ դեսպանատունէն ներս։ Վեհափառը նաեւ այցելեց Ծոցի երկիրներու Վատիկանի դեսպանատուն, ուր ջերմօրէն դիմաւորուեցաւ դեսպան եւ Պապական Նուիրակ Եուճին Արք. Նուճընթի կողմէ:
