Ուաշինկթըն Անտեսեց Ատրպէյճանը Չզինելու Սահմանափակումները

0 0
Read Time:46 Second

ՈՒԱՇԻՆԿԹԸՆ.- Փետրուար 3-ին Հայ Դատի յանձնախումբը փոխանցեց Քոնկրէսին, որ պարտադրէ Ատրպէյճանին ռազմական աջակցութիւնները կասեցնող՝ Ազատութեան զօրակցելու բանաձեւին թիւ 907 յաւելուածին գործադրութիւնը:

1992-ին վաւերացուած յաւելուածը 2002-էն ի վեր ամբողջութեամբ չի գործադրուիր, որովհետեւ նախագահին տրուած է զայն շրջացնելու իրաւասութիւնը եւ այդ թուականէն ետք բոլոր նախագահները շահագործած են այդ իրաւունքը, որուն հետեւանքով Ատրպէյճան 2002-էն 2021-ի միջեւ ստացած է առնուազն 164 միլիոն տոլարի ռազմական աջակցութիւն:

Այս բացայայտումը տեղի ունեցաւ 44-օրեայ պատերազմէն ետք ամերիկահայութեան եւ հայամէտ քոնկրէսականներուն պահանջին հիման վրայ Քոնկրեսի Ընդհանուր հաշուապահական գրասենեակին (GAO) կատարած հետախուզութիւններուն շնորհիւ:

Ծերակուտական Պապ Մենենտէս շեշտեց, թէ յատկապէս 44-օրեայ պատերազմին պատճառած մարդկային վնասներուն լոյսին տակ, Պաքուին ռազմական օժանդակութիւններ տրամադրելու ներկայ ընթացքը պէտք չէ շարունակուի:

Հայ Դատի յանձնախումբի գործադիր տնօրէն Արամ Համբարեան կը յայտնէ, թէ Ընդհանուր հաշուապահական գրասենեակին զեկուցումը լուսարձակի տակ կ՛առնէ Միացեալ Նահանգներու արտաքին քաղաքականութեան մութ էջերուն վրայ, հաստատելով, որ Ուաշինկթըն երկար տարիներէ ի վեր անպատասխանատու կերպով ռազմական օժանդակութիւն կը տրամադրէ Պաքուին:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles