ՈՒԱՇԻՆԿԹԸՆԻ ՄԷՋ ՀԱՅՈՑ ՑԵՂԱՍՊԱՆՈՒԹԵԱՆ 102-ԱՄԵԱԿԻ ՁԵՌՆԱՐԿՆԵՐ
Մեծն Ուաշինկթընի հայութիւնը, իր կարգին նշեց հայոց Ցեղասպանութեան 102-ամեակը: Երեք հարիւրի շուրջ հայորդիներ մասնակցեցան խաղաղ ցոյցի մը՝ Թուրքիոյ դեսպանատան դիմաց: Լոզունքներով եւ պաստառներով, ցուցարարները պահանջեցին ճանաչում եւ հատուցում: Այս ցոյցին յաջորդեց նաեւ քայլարշաւ մը դէպի Հայաստանի դեսպանատուն, ուր ներկայ էր դեսպան Գրիգոր Յովհաննէսեան: Երկու երկիրներու քայլերգի ունկնդրութենէն ետք, կատարուեցաւ պատարագ:
Սուրբ Խաչ եկեղեցւոյ ՝՝Համաստեղ՝՝ վարժարանի աշակերտները ներկայուցին փունջ մը բանաստեղծութիւններ եւ երգեր: Խօսք առաւ վարժարանի տնօրէն Յովսէփ Աւագեան, որ շեշտեց այս աշակերտներն ու երիտասարդ սերունդն է որոնք պիտի շարունակեն Հայ Դատի սուրբ գործը:
Օրուան հանդիսավարն էր Քալին Թանաշեան որ բեմ հրաւիրեց Հայ Դատի Ուաշինթընի կեդրոնական գրասենեակի պատասխանատու Արամ Համբարեանը, ներկայացնելու օրուան պատգամը: Համբարեան շեշտեց թէ որքան աշխատանք կայ կատարելիք եւ այս գծով կոչ ուղղեց երիտասարդներուն, շարունակելու սուրբ գործը:
Աւարտին կատարուեցաւ հիւրասիրութիւն:
