Ո՞վ է Հպարտ Հայը

0 0
Read Time:1 Minute, 45 Second

Մեղրի Տէր Վարդանեան

Փոքր տարիքիս երբ հարց կը տրուէր ինծի թէ ո՞րն է հպարտ հայու կերպարը, անմիջապէս կը պատասխանէի. «Այն որ կը սիրէ Հայաստանը»։ Երբ նոյն հարցումը հարցուէր աւելի ուշ, դարձեալ կը պատասխանէի. «Այն որ կը սիրէ Հայաստանը, կը սիրէ հայերէն լեզուն, կը խօսի, կը գրէ, կը կարդայ հայերէն»։ Իսկ այսօր արդէն չափահաս, հայրենիքին հետ հայրենիքին համար ապրող երիտասարդուհի եմ, Հայաստան անունը լսելուս պէս տարօրինակ զգացում մը կը պատէ հոգիս, լալու աստիճան կը յուզուիմ եւ կ՚արցունքոտին աչքերս։

Հպարտ է այն հայը, որ հայրենիքը կը դասէ ամէն բանէ վեր։

Հպարտ է այն հայը, որ հայրենիքի, հայրենի հողի համար զէնքն ի ձեռին կը հսկէ թէկուզ մահուան գնով։

Հպարտ է այն հայը, որ օտար ափերու մէջ ապրելով իր զաւակին առաջին քայլերը կ՚ուղղէ հայկական վարժարան։

Հպարտ է այն հայը, երբ իր մանուկին շուրթերէն լսուող ամէն մէկ հայերէն բառ կ՚ուրախացնէ զինք։

Հպարտ է այն հայը, որ հայերէն լեզուի դասապահերը կը սպասէ սիրով եւ կարօտով։

Հպարտ է այն հայը, որ զէնքը բռնած կը պաշտպանէ հայրենիքը, կամ գրիչ բռնած՝ կը գրէ յաջորդ հորովելը։

Իսկ դուն հպարտ հայորդի, արդեօք հարց կու տա՞ս ինքզինքիդ թէ ինչո՞ւ այս աղջիկը հպարտ հայ է։

Բացատրեմ։

Մանկութենէս սիրած եմ հայը, հայրենիքը եւ հայերէն լեզուն։ Երազս է դառնալ հայերէնի դասատու եւ պատրաստել մանկական գրքոյկներ։Երազս իրականացաւ, ամէն առտու երբ քայլերս զիս կ՚առաջնորդեն հայկական վարժարան ուր աշակերտները «բարի լոյս, Օրիորդ Մեղրի» ըսելով զիս կը դիմաւորեն, բառերը անզօր կը դառնան արտայայտելու հրճուանքս եւ հպարտութիւնս։

Ես եմ, դուն ես, մենք ենք հպարտ հայը սերելի հայորդի։

Վստահ եմ ձեր տուներուն մէջ անկիւն մը տրամադրած էք գրադարանի մը, ուր տեղադրած էք արժէքաւոր գիրքերու հաւաքածոյ մը, որքա՜ն պիտի փափաքէի, որ այդ գիրքերուն կողքին մաս կազմէր նաեւ «Հպարտ Հայ» գրքոյկէն օրինակ մը։ Այսպիսով ձեր երեխաներուն տրամադրած կ՚ըլլանք Հայկի եւ Նարէի քայլերուն հետեւելու օրինակելի առիթ։

Գիրքը հասանելի է «Սարդարապատ», «Ապրիլ», ինչպէս նաեւ «Հայրենիք» շաբաթաթերթի գրատունէն ներս։

Հպարտ Հայ գրքոյկիս հասոյթը ամբողջութեամբ պիտի տրամադրուի Արցախի եւ Հայաստանի կարիքաւոր ընտանիքներուն եւ հայ զինուորներուն բարօրութեան համար։

Եթէ հետաքրքրուած էք գրքոյկովս հաճեցէք լեցնել հետեւեալ դիմումը.-  https://docs.google.com/forms/d/1PANisW_TASZdsJaILsu-bJw5g__5ppaNC37ha48G59U/viewform?edit_requested=true&fbclid=IwAR3FppOTghNjoP_OoBOF2h0_yQYEKnb4jrhHtaAoYEcCVk2s1MKUwv0rAdU

Կանխայայտ շնորհակալութիւն։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles