«Ո՞վ է Հայը»

0 0
Read Time:2 Minute, 37 Second

p10 d

Ծ.Խ.- Ա.Մ.Ն. Արեւելեան շրջանէն Թամար Սամուէլեան, որ իր մասնակցութիւնը բերած է Համազգայինի Ֆորումին, տպաւորուած «Ո՞վ է Հայը» զրոյցէն, գրած է իր տպաւորութիւնը, որ հրատարակուած է այդ հաւաքին առթիւ պատրաստուած «Լրատու»ին մէջ: Նիւ Ճըրզիի շաբաթօրեայ Սրբոց Վարդանանց «Նարեկ» դպրոցի շրջանաւարտ, Թամար ուսանած է անգլերէնի եւ մանկավարժութեան բնագաւառներէն ներս եւ այժմ կը դասաւանդէ շրջանի պետական դպչոցներէն մէկուն մէջ:
Ո՞վ է հայը։ Ո՞վ կրնայ նշել այն յատկանիշները, որոնք անձ մը իբր «հայ» կը բնորոշեն։
Ինչպէ՞ս կարելի է բացայայտել, որ անձ մը հայ է։ Այսօր, մանաւանդ սփիւռքի մէջ, դժուար է հայ մնալ. բայց հայեր ներկայիս կ՚ապրին 108 տարբեր երկիրներու մէջ, ուր ջանք կը թափեն հայ մնալու նաեւ հայկական դպրոցներով՝ թէ շաբաթօրեայ եւ թէ ամէնօրեայ, մշակութային միութիւններով եւ երիտասարդաց միութիւններով։
Երեքշաբթի, Յուլիս 14-ին, ընկ. Կարօ Յովհաննէսեանի առաջնորդութեամբ,
Համազգայինի Ֆորումի մասնակցողները քննարկեցին այս նիւթը։ Սկսանք մեր քննարկումը հայու մասին որոշ յայտնի յատկանիշներով.- լեզու, կրօն, ինքնութիւն, ապրած երկիր։
Սկսանք կրօնքէն։ Ինչպէս գիտենք, հայերը եղած են առաջին ազգը, որ Քրիստոնէութիւն ընդունած են, իբր պետական կրօնք, 301 թուականին։ Շիտակ է, որ Հայերը քրիստոնեայ են, բայց ներկայիս կան հայեր, որոնք իսլամացած են Ցեղասպանութեան իբր հետեւանք կամ կը բնակին Համշէնի մէջ եւ հայերէն կը խօսին բայց Քրիստոնէութեան չեն հետեւիր։ Սփիւռքի կամ
անձնական պատճառներով կան անոնք որոնք անձամբ կը որոշեն ուրիշ կրօնքի հետեւիլ։
Կարեւո՞ր է անձ մը անպայման Առաքելական Քրիստոնեայ ըլլայ որ հայ կոչուի։ Հայաստանի պատմութեան մէջ, հայերը կրկին կռուած են պաշտպանելու իրենց քրիստոնէութիւնը։ Եթէ իբր հիմ ընդունինք անոնք, որոնք Քրիստոնեայ չեն բայց հայ են, սխա՞լ գործած կ՚ըլլանք։ Հաւատքը պէ՞տք է կապել ինքնութեան հետ։
Երկրորդ` քննարկեցինք լեզուի եւ գրականութեան կարեւորութիւնըp10 a
հայապահպանման համար։ Հայերէնը հին լեզու է. այո, նախքան
այբուբենի ստեղծումը, հայերը հայերէն կը խօսէին։ Մեսրոպ Մաշտոց,
Այբուբենը հնարելէ ետք, 405 թուականին, մեր գրականութիւնը զարգացաւ
եւ այսօր կը շարունակուի։ Սակայն, սփիւռքի մէջ քանի որ հայերէնը
ընդհանրացած լեզու չէ, շատ սփիւռքահայեր դժուարութիւն կ՚ունենան
հայերէն սորվելու, կարդալու եւ գրելու։ Հետեւաբար, կարեւոր է մեր
եզակի լեզուն պահել եւ պահպանել, որ հայոց պատմութիւնը փոխանցենք
եկող սերունդներուն։ Այո, շատ լաւ է հայերէն գիտնալ բայց ան որ առիթը
չէ ունեցած սորվելու եւ դեռ ինքզինք հայ կը զգայ, հայ չէ՞։ Պէ՞տք է հայերէն
գիտնալ որ հայ ըլլայ անձ մը։
Քանի որ Ֆորումի մասնակցողներուն մեծ մասը սփիւռքէն են,
պրպտեցինք այն ձեւերը, որոնց միջոցով հայ կը մնան տրուած
դժուարութիւններով իսկ, ու կ՚օգնեն հայրենիքին։
Աշխարհի շուրջ կան հայ երիտասարդական միութիւններ, որոնք կ՚աշխատին հայ
երիտասարդներ ներգրաւել հայկական հարցերով, երգեր սորվեցնելով եւ հայկական շրջանակ
ստեղծելով։ Անշուշտ կան շաբաթօրեայ դպրոցներ, ամէնօրեայ դպրոցներ եւ բազմաթիւ դասի գիրքեր։ Նոյն հերթին կան կազմակերպութիւններ, Համազգայինի նման, որոնք ջանք կը թափեն հայապահպանման շուրջ հաւաքներ, պարախումբեր, երգչախումբեր, դասախօսութիւններ կազմակերպել, որ հայերը հետաքրքրուած պահեն։ Վերջաւորութեան, անձեր բաժնեցին իրենց
կարծիքները, նշելով թէ իրենց համար հայը ով է։ Որոշեցինք որ «Ո՞վ է հայը» հարցումը մէկ պատասխան չունի։
Ըստ ինծի, այսօրուան միշտ փոխուող աշխարհին մէջ շատ դժուար է պայմաններ դնել հայ ըլլալու համար։ Ան որ հայ կը զգայ, կ՚աշխատի Հայաստանը հզօրացնել եւ հպարտ է հայ ըլլալով, հայ է։ Պայման չէ, որ անձ մը հայերէն խօսի, գրէ, կարդայ, հայկական անուն ունենայ
եւ Քրիստոնեայ ըլլայ որ հայ կոչուի։ Զանազան ձեւի հայեր կան աշխարհի շուրջը։ Ամենէն կարեւորն է այս դարուս որ հայերը պատրաստեն անձեր որոնք յաջորդ սերունդին սորվեցնեն եւ շարունակեն հայապահպանման գործը։

Թամար Սամուէլեան

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles