ՇՐՋԱՆԱՒԱՐՏՆԵՐՈՒ ՀԱՆԴԷՍ՝ ՆԻՒ ԵՈՐՔԻ ՍՐԲՈՑ ՆԱՀԱՏԱԿԱՑ ՎԱՐԺԱՐԱՆԷՆ ՆԵՐՍ

0 0
Read Time:2 Minute, 4 Second

5b2cc1f5-d528-4c45-8eb4-61a0de0a99f6

Լուսանկարներ՝ ՌՈՊԵՐԹ ԿԱՐԱՊԵՏԵԱՆ

Յունիս 17-ին, Նիւ Եորքի Սրբոց Նահատակաց Ամենօրեայ վարժարանէն ներս տեղի ունեցաւ 34-րդ հունձքի աւարտական հանդէսը: Այս կրթօճախը ծանօթ է համայնքէն ներս, աշակերտութեան հանդէպ տածած բացառիկ հոգատարութեամբ եւ հայկական ու ամերիկեան զուգահեռ ընթացող կրթական ծրագրի ուսուցմամբ: Հայ մանուկներուն դողդոջ քայլերով մուտքը այս վարժարանէն ներս կը պատրաստէ զիրենք բարձրագոյն կրթական հաստատութիւններու մէջ պատուաբեր դիրքեր ստանձնելու: Այստեղ է, որ իրենց մէջ կը սերմանուի գիտութեան հանդէպ սէրը, ինքնաճանաչման եւ բարոյական արժէքներու գիտակցութիւնը: 5f9ff62b-7d8d-4365-9ff1-b97ccdba13af
«Այստեղ է, որ աշակերտները իրեց ուսուցիչներուն հոգատար հսկողութեան կլանուած աշխատանքով կ՛առաջնորդուին դիմագրաւելու ապագան», յայտնեց վարժարանի տնօրէնուհի՝ մանկավարժ` Զարմինէ Պօղոսեանը:
Աւարտական հանդէսի հիւրերէն էին նաեւ Նիւ Նորքի Սուրբ Լուսաւորիչ Մայր եկեղեցուոյ Արժանապատիւ Տ․Մեսրոպ Քհնյ․Լագիսեանը , բարերարներ՝ Վըրճինիա Տատուրեանը, Վըրճինիա Հեքիմեանը, Գարմէն Կիւլպէնկեանը եւ շարք Նիւ Եորքահայ կազմակերպութիւններու ներկայացուցիչներ:15a858d8-76e7-40b4-a520-c1124d62e68b
Յայտագիրը բաղկացած էր անգլերէն եւ հայերէն բաժիններէ, եւ նուիրուած էր անուանի գրող Արամ Հայկազին եւ հանրայայտ յօրինող Առնօ Պապաճանեանին: Հանդէսին մասնակցեցաւ նաեւ դաշնակահար Աշոտ Սողոմանեանը, որ նուագեց Պապաճանեանի հանրածանօթ «Երեւանի Սիրուն Աղջիկ» ստեղծագործութիւնը : Աշակերտներու կատարմամբ հնչեցին նաեւ հայրենասիրական երգեր` խմբավարութեամբ Անահիտ Պօղոսեանի, եւ մասնակցութեամբ դաշնակահար` Նուարդ Տատուրեանի:4aa30aec-26c1-42c7-bf1d-595a76701be942b49a80-45ea-4615-bf57-b62fabc805ed77c25180-2d48-4041-b46e-33a2f8bff16c

Աւարտական դասարանի աշակերտներուն շնորհաւորեց եւ ապագայ յաջողութիւններ յայտնեց 2001-ի շրջանաւարտ` Շանթ Ոսկերիչեանը, որ այժմ կը գործէ իբրեւ փաստաբան: Հանդիսութեան պատուաւոր հիւրն էր Արամ Հայկազի դուստրը` Այրիս Չէքենեանը, որ անգլերէնի թարգմանած էր իր հօր գիրքերէն՝ «Չորս Տարի Քիւրտիստանի Լեռներուն Մէջ» հատորը, եւ ան այս գիքէն օրինակ մը նուիրեց Շանթ Ոսկերիչեանին:
Աւարտական վկայականներ ստացան` Կերի Պարոնը, Դաւիթ Յովհաննիսեանը, Անահաիտ Ինջիգուլեանը, Շանթ Ինճոյեանը, Մարիա Փափազեանը, Լեւոն Ռագուպեանն ու Պրիաննա Թահմիզեանը : 887f7b02-3421-4532-8b91-70c8ef6b6c3715e41463-61f0-4333-8b2b-2e0bee8f0402d990a6df-f115-48ca-8b20-6f096faa4fee

 

 

 

 

 

 

Շանթ Ինճոյեան խօսք առնելով, յայտնեց.- «Սրբոց Նահատակաց Ամենօրեայ Վարժարանի տարիներս եղած են ուսման կարեւոր տարիներ: Մեծ հաճոյքով սորված եմ հայերէն լեզուն, Հայոց Պատմութիւնն ու ըդհանուր գիտելիքները: Այս դպրոցը մեծ իմաստ ունեցած է ինծի համար, որովհետեւ հոս անցուցած եմ ուրախ եւ անմոռանալի օրեր` ընկերներուս եւ ուսուցիչներուս հետ: Ահաւասիկ ինը տարիներ անցած են եւ այսօր պիտի աւարտեմ: Շնորհակալութիւն ձեր հոգատարութեան ու համբերութեան, շնորհակալութիւն նաեւ ծնողքիս, որ միշտ հայերէն խօսիմ, հայ լեզուն չմոռնամ եւ յաճախեմ այս դպրոցը»:
Իր սրտի խօսքը փոխանցեց «Հայրական Խօսքեր Կամ Տասնաբանեայ Պատուիրաններ» հատորի հեղինակ Յակոբ Տէրէանը, որն Ալպընիէն յատուկ ժամանած էր, այս հանդէսին ներկայ գտնուելու: Ան իր գործէն մէկական օրինակ նուիրեց շրջանաւարտներուն եւ դպրոցի գրադարանին:
Աւարտին խօսք առաւ Սրբոց Նահատակաց Հայաստանեայց եկեղեցւոյ հովիւ` Տ․Աբրահամ Քհնյ․Մալխասեանը, որ յայտնեց.- «Մեր համայնքին համար, այս տարին կը հռչակենք իբրեւ Նուռի Տարի, որ կը խորհրդանշէ առատութիւն եւ արգասաբերութիւն: Իսկ նուռին սերմերը մենք ենք եւ մանաւանդ մեր դպրոցին աշակերտները, որոնք պիտի շատանան ու զօրանան: Յոյս ունիմ, որ եթէ գուրգուրանք ու սնուցանենք մեր ապագային բազմաթիւ սերմերը, ապա մեր համայնքը պիտի ծաղկի նոր ընտանիքներով»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles