Նոր Զելանտայի Մէջ Հայ Դատի Յանձնախումբի Աշխատանքները Սկսած են

0 0
Read Time:54 Second


ՈՒԵԼԻՆԿԹԸՆ․- Նոր Զելանտայի մէջ ընթացք առած է Հայ Դատի յանձնախումբի գործունէութիւնը: Այս յանձնախումբին նպատակը պիտի ըլլայ պայքար մղել ի նպաստ Հայոց Ցեղասպանութեան ճանաչման։ ՛՛Մեր առաջնային նպատակներն են Նոր Զելանտայի եւ Հայաստանի միջեւ աւելի սերտ մշակութային եւ առեւտրական կապերու հաստատումը, Նոր Զելանտայի մէջ հայ համայնքի շահերու պաշտպանութիւնը, Նոր Զելանտայի կառավարութեան կողմէ Հայոց ցեղասպանութեան եւ Արցախի անկախութեան ճանաչման հասնիլը՝՝-, ըսաւ յանձնախումբի ղեկավար՝ Հուրի Ելտիզեան: Այս գծով, արդէն իսկ Նոր Զելանտա ժամանած է թուրք այլախոհ Թանէր Աքչամ եւ ելոյթ պիտի ունենայ խորհրդարանէն ներս։
Նշենք թէ, Նոր Զելանտայի ՝՝Կանաչներ՝՝ կուսակցութիւնը երկրի խորհրդարանին կոչ ուղղած է սկսելու Հայոց ցեղասպանութեան ճանաչման հոլովոյթը: Այս նախաձեռնութեան հեղինակներէն մէկը երեսփոխան Հարեթ Հիուկն է: Ան նշած է, որ մտադիր է օրինագիծ ներկայացնել ցեղասպանութեան ճանաչման մասին:
՝՝Ես կը խնդրեմ խորհրդարանէն աջակցիլ օրինագիծին: Հայերուն հետ տեղի ունեցածը կապուած է մեր պատմութեան՝՝-, շեշտեց ան, աւելցնելով, որ Նոր Զելանտան Հայոց ցեղասպանութեան ճանաչման հարցին մէջ պէտք է հետեւի օրինակին Գերմանիոյ, Հոլանտայի, Ֆրանսայի եւ աշխարհի այլ երկիրներու, որոնք պաշտօնապէս ճանչցած եւ դատապարտած են 1915 թուականի ողբերգութիւնը:
Իսկ պատմաբան Ճէյմս Ռոպինզ նշեց, որ Նոր Զելանտացի զինուորները իրենց յուշերուն ու օրագիրներուն մէջ գրած են ցեղասպանութեան մասին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles