
ԵՐԵՒԱՆ.- Հայաստանի կառավարութեան Յունիս Է-ի նիստին 8 մարզպետ նշանակելու որոշում տրուած է:
Արագածոտնի մարզպետ նշանակուած է Աշոտ Սիմոնեանը (Հ.Յ.Դ.), Արարատի մարզպետ` Գարիկ Սարգսեանը, Կոտայքի մարզպետ` Ռոմանոս Պետրոսեանը, Տաւուշի մարզպետ` Վահէ Ղալումեանը, Շիրակի մարզպետ` Կարէն Սարուխանեանը, Գեղարքունիքի մարզպետ` Իշխան Սաղաթելեանը (Հ.Յ.Դ. Հայաստանի Գերագոյն մարմինի անդամ), Վայոց ձորի մարզպետ` Արագած Սաղաթելեանը, Լոռիի մարզպետ` Հրանդ Մարգարեանը:
Արմաւիրի եւ Սիւնիքի մարզպետները պիտի շարունակեն պաշտօնավարել:
Վարչապետ Նիկոլ Փաշինեան նշեց, որ մարզպետներու նշանակումները իրականացուած են քաղաքական համաձայնութիւններու շրջանակին մէջ: