ՆԻՒ ՃԸՐԶԻ.- ԴՈԿՏ. ԷԼԻԶ ՍԵՄԵՐՃԵԱՆԻ ԴԱՍԱԽՕՍՈՒԹԻՒՆԸ

0 0
Read Time:1 Minute, 6 Second

photo 75  ՅԱԿՈԲ ՎԱՐԴԻՎԱՌԵԱՆ

 Մեծ Եղեռնի 99ամեակին, Նիւ Ճըրզիի Հ.Յ.Դ. “Դրօ“ կոմիտէութիւնը եղաւ միակ կազմակերպութիւնը, որ ճիշտ Ապրիլ 24-ին յիշատակեց Հայկական Ցեղասպանութեան տարեդարձը, Սրբոց Վարդանանց եկեղեցւոյ սրահին մէջ, կոկիկ հասարակութեան մը ներկայութեան, երեկոյեան ժամը 8:00ին:

Օրուան դասախօսն էր Դոկտ. Էլիզ Սեմերճեան, որ Ուիթմըն Գոլէճի մէջ դասախօս է Իսլամական աշխարհի եւ Միջին Արեւելքի պատմութեան:  Ան իր դոկտորականը ստացած է Ուաշինկթընի Ճորճթաուն համալսարանէն 2003 թուականին եւ արժանացած Ֆուլպրայթ մրցանակին:  Առաւելաբար իր ուսումնասիրութիւնը կեդրոնացուցած է Օսմանեան շրջանի Հալէպ քաղաքին վրայ, ինչպէս նաեւ` Տիգրանակերտի եւ ասորական շրջաններու ազգաբնակչութեանց վրայ:  Վերջերս կ’ուսումնասիրէ առաւելաբար 17-18 դարերու հայկական Հալէպի կեանքին եւ Հայոց Ցեղասպանութեան հետ կապուած զանազան նիւթերու շուրջ: 

Հանդիսութեան բացումը կատարեց Հայ Դատի Յանձնախումբէն Անի Ջաղլասեան:  Գործադրուեցաւ մասնաւոր յայտագիր մը Համազգայինի “Նայիրի“ պարախումբին կատարողութեամբ:  Եկեղեցւոյ հովիւը` Յովնան Քհնյ. Պոզոյեան կատարեց բացման աղօթքը եւ Հ.Յ.Դ. Կեդրոնական Կոմիտէի կողմէ խօսք առաւ ներկայացուցիչը` Պրն. Ռիչըրտ Սարաճեան, որ ըսաւ թէ ամերիկացի քոնկրէսականներ ու բարձրաստիճան անձնաւորութիւններ այս պահուն Երեւան հաւաքուած, իրենց հաւաքական յարգանքը կը մատուցեն, բերելով իրենց ալ մասնակցութիւնը Ծիծեռնակաբերդի Յուշահամալիրին առջեւ ու խոնարհելով Մեծ Եղեռնի զոհերուն յիշատակին: մասնակից կը դառնան հայ ժողովուրդի սուգին: 

Օրուան դասախօսը անդրադարձաւ թրքացած հայերու կեանքին եւ անոնցմէ ոմանց հայութեան վերադառնալու իրողութեան մասին:  Տուաւ հոգեբանական այն ապրումները անոնց որոնք իսլամանալէ ետք կը վերադառնան հայութեան:  Առանձինն ուսումնասիրութեան նիւթ որպէս պիտի արժէր կազմակերպել մասնաւոր սեմինարներ այս ուղղութեամբ: 

Կը շնորհաւորենք կոմիտէութեան նախաձեռնութիւնը գլխաւորութեամբ` հերթապահ Մարք Ալաշայեանին:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles