Նիւ Ճըրզի․- «Նարեկ» Վարժարանի Ամանորի Եւ Սուրբ Ծնունդի Հանդէս

1 0
Read Time:1 Minute, 20 Second

 

Կիրակի, Դեկտեմբեր 18-ին, Սուրբ Պատարագէն ետք, Նիւ Ճըրզիի Սրբոց Վարդանանց եկեղեցւոյ սրահին մէջ տեղի ունեցաւ «Նարեկ» վարժարանի Ամանորի եւ Սուրբ Ծնունդի հանդէսը, հովանաւորութեամբ եկեղեցւոյ հովիւ՝ Հայր Սահակ Ծ.Վրդ. Եմիշեանի, եւ ներկայութեամբ Ազգային Ուսումնական Խորհուրդի ատենապետուհի Տիկին Հերա Մախուլեանի։ Ներկայ էին նաեւ եկեղեցւոյ հոգաբարձութեան, Հ․Օ․Մ․-ի «Ակնունի», «Շաքէ» եւ «Արմէնուհի» մասնաճիւղերու եւ շրջանի Հ․Մ․Ը․Մ․-ի ներկայացուցիչները: Ծնողներու եւ աշակերտներու ընտանեկան պարագաներով, լեցուն սրահը վայելեց ճոխ բովանդակութեամբ բացառիկ հանդէս մը։ Աշակերտութեան տօնական հայաշունչ երգերը, հայրենսիրութեամբ լեցուն պարերն ու ասմունքը մեծապէս խանդավառեցին ներկաները:

Իւրայատուկ էր մանկապարտէզի հայկական պարը եւ յատկապէս նախակրթարանի Սասունի մարտական «յարխուշտա» պարն ու հայկական քոչարին որուն աւարտին բարձր ծածանեցան Արցախի եւ Հայաստանի դրօշները, զօրակցութիւն արտայայտելով մեր հայրենիքին: Ներկայ բազմութիւնը հպարտութեամբ եւ ծափահարութիւններով քաջալերեց նոր սերունդի հայրենասէր ոգին։ Կաղանդ Պապան ալ բարձր գնահատեց այս աշխատանքը եւ բոլորին բաժնեց գեղեցիկ նուէրներ:

Շնորհակալութիւն Տէր եւ Տիկին Լեւոն եւ Թալին (Աբգարեան) Քոչաեանին նուէրները տրամադրելու համար բազմազբաղ Կաղանդ Պապային, իրենց մօր եւ վարժարանի նախկին տնօրէնուհի հանգուցեալ Քնար Աբգարեանի յիշատակին: Յատուկ շնորհակալութիւն Հայ Օգնութեան Միութեան Արեւելեան Ա․Մ․Ն․-ի Շրջանային վարչութեան որ բոլոր աշակերտներուն եւ ուսուցչական կազմին նուիրեց հայկական այբուբենով գեղեցիկ զարդարուած փոքրաչափ պարկեր՝ գրիչներու եւ այլ գրենական պիտոյքներու համար:

Վարժարանի Խնամակալ Մարմինը իր խորին շնորհակալութիւնը կը յայտնէ տնօրէնուհի տիկին Մարինա Եագուպեանին եւ բոլոր ուսուցչուհիներուն որոնք միասնական ջանքերով և անսակարկ նուիրումով կը ղեկավարեն «Նարեկ» Վարժարանի ուսումնական ծրագիրը: Յատուկ շնորհակալութիւն «Նարեկ» վարժարանին միշտ նեցուկ  կանգնող Տէր եւ Տիկին Ճաք եւ Դալար Մինոյեաններուն, որոնք կամաւոր կերպով հոգացին հանդէսի ճաշը: Շնորհակալութիւն ծնողական յանձնախումբին եւ բոլոր Հ․Օ․Մ․-ի կամաւորներուն, նուիրատուներուն և ծնողներուն որոնք սատարեցին այս բացառիկ հանդէսի յաջողութեան, բարոյապէս և նիւթապէս: Վարձքերնիդ կատար:

Թղթակից

Happy
Happy
0 %
Sad
Sad
0 %
Excited
Excited
100 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles