ՆԻՒ ՃԸՐԶԻ․- ԱՐԺՊ. Տ. ՆԵՐՍԷՍ Ա. ՔՀՆ. ՄԱՆՈՒԿԵԱՆ ՆԵՐԿԱՅ ԵՂԱՒ ՌԱՖԱՅԷԼ ՊԵՏՐՈՍ ԻԱ. ՊԱՏՐԻԱՐՔԻ Ս. ՊԱՏԱՐԱԳԻՆ

0 0
Read Time:45 Second

ՆԻՒ ՃԸՐԶԻ․- Ամենապատիւ Տ.Տ. Ռաֆայէլ Պետրոս ԻԱ. Մինասեան՝ Հայ Կաթողիկէ Եկեղեցւոյ Պատրիարքը, Ամերիկայի Միացեալ Նահանգներու կատարած իր հովուական այցելութեան ծիրէն ներս, Կիրակի, Յուլիս 10-ին, Սուրբ Պատարագ մատոյց Նուիրական Սիրտ (Sacred Heart) Հայ Կաթողիկէ եկեղեցւոյ մէջ։ Գանատայի եւ Ամերիկայի Հայ Կաթողիկէ Եկեղեցւոյ Առաջնորդ Արհ. Միքայէլ Եպիսկոպոս Մուրատեան սոյն պատարագին հրաւիրուած էր նաեւ Ա․Մ․Ն․ Արեւելեան Թեմի Բարեջան Առաջնորդ՝ Գերշ. Տ. Անուշաւան Արքեպիսկոպոսը, որ միւռոնօրհնէքի առիթով երկրէն դուրս գտնուելով, պարտականութիւն տուած էր  նորանշանակ միջ-եկեղեցական յարաբերութեանց պատասխանատու՝ Տ. Ներսէս Ա. Քհն. Մանուկեանին ներկայացնելու զինք։

Ամենապատիւ Պատրիարքը, 2021-ի վերջաւորութեան Հռոմի մէջ ընտրուելէ ետք որպէս Հայ Կաթողիկէ եկեղեցւոյ 21րդ Պատրիարք, իր առաջին հովուական այցելութիւնը կու տար Հիւսիսային Ամերիկայի իր հօտին։ Պատարագէն ետք, եկեղեցւոյ ներքնասրահին մէջ, սուրճի հիւրասիրութեան սեղանին շուրջ, խօսք առաւ Տէր Ներսէսը եւ յանուն Ա․Մ․Ն․ Արեւելեան Թեմի Առաջնորդին ջերմօրէն ողջունեց Պատրիարք Հայրը եւ ի սրտէ շնորհաւորեց իր ընտրութիւնը եւ յաջողութիւններ մաղթեց անոր առաքելութեան մէջ այս դժուարին ժամանակներուն։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles