0
0
Լուսանկարը՝ Հաուըրտ Թորոսեանի
Ա.Մ.Ն. Արեւելեան Շրջանի Համազգայինի «Մէկ Ազգ, Մէկ Մշակոյթ» ձեռնարկը կամուրջ մը եղաւ բազմաթիւ առումներով: Եղաւ նաեւ կապ մը՝ անցեալի մեր մշակութային ժառանգութեան եւ ներկայ սերունդներուն միջեւ: Եղաւ փապուղի մը՝ ներկայի ստեղծագործական արգասիքին եւ գալիք սերունդներուն միջեւ, Հայաստանի եւ Սփիւռքի միջեւ, հայութեան եւ աշխարհի միջեւ, հայաշխարհի տարբեր հաւաքականութիւններուն միջեւ եւ անոնց ընդմէջէն, զանոնք բաղկացնող տարբեր հատուածներու միջեւ:
Ներկաները ականատես եղան թէ «Մէկ Ազգ, Մէկ Մշակոյթ»ով, Համազգայինը նեցուկ եւ մղիչ ուժ մըն է մտաւորականութեան եւ արուեստագէտներուն, թէ° Սփիւռքի եւ թէ° հայրենիքի« մանաւանդ երիտասարդ տաղանդներուն եւ անոնց մտաւորական եւ ստեղծագործական ճիգերուն: Ակնդիրը նաեւ քաջատեղեակ եղաւ թէ Համազգայինը նեցուկ կը կանգնի այն հնոցներուն« ուր հայ մշակոյթի ապագայ դարբինները կը դաստիարակուին ու թրծուին վարժարաններուն, արուեստի դպրոցներուն, համալսարաններուն մէջ:
