0
0
Լուսանկարներ`
Ռոպերթ Կարապետեանի
Իննիսուն տարի անընդմէջ «Մէյսիս» առեւտրական հաստատութեան նախաձեռնութեամբ, Նիւ Եորքի մէջ կը նշուի Գոհաբանութեան աւանդական տօնին առթիւ կատարուած շքերթը:
Հոծ բազմութիւն մը հետեւեցաւ այս շքերթին, որ այս տարի կատարուեցաւ Նոյեմբեր 24-ին: Առաջին անգամ ըլլալով, այս մեծ ժողովրդականութիւն վայելող ձեռնարկին, իր մասնակցութիւնը բերաւ Պոսթընի «Սայաթ Նովա» պարախումբը: Ներկայ զբօսաշրջիկներ եւ տեղացիներ մեծ հետաքրքրութեամբ դիտեցին «Սայաթ Նովա»ի ելոյթը, որ կը բաղկանար հայկական ազգագրական պարերէ: Մեծ հմտութեամբ ներկայացուեցան պարերը:
1986-ին, Պոսթընի մէջ հիմնուած այս պարախումբին ղեկավարն է Աբօ Աշճեանը, որ բազմիցս մասնակցած է փառատօններու եւ ելոյթներ ունեցած է Միացեալ Նահանգներու եւ Գանատայի զանազան գաղթօճախներէն ներս: 1995-ին, «Սայաթ Նովա» պարախումբը այցելած է Հայաստան եւ շրջագայած ու կատարած բազմաթիւ ելոյթներ:
