ՆԻՒ ԵՈՐՔ.- ՊԱՀԱՆՋԱՏԷՐ ԵՐԻՏԱՍԱՐԴՈՒԹԻՒՆԸ ԲՈՂՈՔԻ ՑՈՅՑՈՎ ՔԱԼԵՑ ԴԷՊԻ ԹՐՔԱԿԱՆ ՀԻՒՊԱՏՈՍԱՐԱՆ

0 0
Read Time:1 Minute, 47 Second

p7a

ՅԱԿՈԲ ՎԱՐԴԻՎԱՌԵԱՆ

Երկար բացակայութենէ ետք, առաջին անգամ ըլլալով, ազգային աւանդական զոյգ քաղաքական կազմակերպութիւնները` Հայ Յեղափոխական Դաշնակցութիւնն ու Ռամկավար Ազատական Կուսակցութիւնը կազմակերպեցին քայլարշաւ ու հաւաք Ապրիլ 24ի օրը։ Պահանջատէր ու գաղափարապաշտ մեր երիտասարդութիւնը հաւաքուեցաւ Նիւ Եորքի առաջնորդանիստ Ս. Վարդան ու Ս. Լուսաւորիչ մայր եկեղեցիները, ուր տեղի ունեցան պատարագ եւ մասնաւոր արարողութիւն Ցեղասպանութեան նահատակներու սրբագործութեան նուիրուած։p7b
Այնուհետեւ, Ռ.Ա.Կ.ի ղեկավարութեան առաջնորդութեամբ Ս. Վարդան Մայր տաճարէն (34րդ փողոց) եւ Հ.Յ.Դ.-ի ղեկավարութեամբ` Ս. Լուսաւորիչ Մայր տաճարէն (27րդ փողոց) երիտասարդութիւնը քալեց եւ երկու խումբերը միացան Երրորդ պողոտայի վրայ կազմելով միացեալ քայլարշաւ մը «հայեր, միացէԲք» ժողովրդական երգի խանդավառ մթնոլորտին մէջ։ Քայլարշաւին կը մասնակցէին առաջնորդ Օշական Արք. Չօլոյեան, Անուշաւան Եպս. Դանիէլեան, Բաբգէն Ծ. Վրդ Անուշեան եւ երկու թեմերէն քահանայ հայրեր։ Քայլարշաւը կ՚առաջնորդէն զոյգ կուսակցութեանց պատասխանատու ընկերները։ Հ.Մ.Ը.Մ.-ի սկաուտներ ամերիկեան, հայկական ու զոյց կուսակցութեանց դրօշակներով կը մասնակցէին քայլարշաւին Նիւ Եորքի փողոցներէն, մինչ 3000ի հասնող ցուցարարները ամուր բռնած այս առթիւ պատրաստուած լոզունքներով ցուցատախտակները ու բացականչութիւններով կը հետեւէին երթին Հ.Ե.Դ. p7dերիտասարդներու հսկողութեամբ։p7c
Թրքական հիւպատոսարանի խաչմերուկին վրայ ամենայն րգապահութեամբ ցուցարարները հաւաքուած իրենց բողոքի արտայայտութիւններով ուշադրութեան կը հրաւիրէին այս մեծ ոստանի բնակիչները։ Ամերիկեան եւ հայկական հիմներէն ետք, հայրենասիրական երգերով ոգեւորուած մեր երիտասարդութիւնը շարունակեց իր արդար պահանջները ներկայացնել, մինչ այդ, դիմացի մայթին վրայ հաւաքուած տասնեակ մը թուրքեր թրքական դրօշակ պարզած կը ջանային ուադրութեան առարկայ դառնալ։ Թուրք երիտասարդ մը կը յարձակի ցուցարար հայու մը վրայ ու կը վիրաւորէ։ Ոստիկան զինուորներ կը ձերբակալեն զինք ու ոստիկանատուն կ՚առաջնորդեն, մինչ վիրաւոր հայը` հիւանդանոց։ Թուրքը իր թրքութիւնը պիտի ընէ 21րդ դարուն եւս։ Թուրքը թո’ւրք է … ան ըլլայ օսմանցի, իթթիհատական թէ քեմալական, վդրջապէս նո’յն թուրքը։
Նախապէս հիւպատոսարան իմաց տրուած էր որ հռչակագիր մը պիտի յանձնուի հիւպատոսին։ Երկու կուսակցութեանց ներկայացուցիչները սկաուտներու ընկերակցութեամբ յանձնեցին այդ թղթածրարը դեսպանատան մէկ ներկայացուցիչին։
Մինչ այդ երիտասարդներ պողոտային վրայ պառկած ու յուշատախտակներ դրած խորհրդանշական պատկերը տուին մեր նահատակներուն … յուզելով ներկաները։
Յանուն Հ.Յ.Դ.-ի խօսք առաւ Նիւ Եորքի «Արմէն Գարօ» կոմիտէի հերթապահ Վալոտ Աթախանեան եւ Ռ.Ա.Կ.-Ի` Նիւ Եորք-Նիւ Ճըրզիի «Արմենական-Յովսէփեան» ակումբի ատենապետ Նորայր Մկրտիչեան։
Հուսկ, հոգեւոր հայրերու առաջնորդութեամբ երգուեցաւ տէրունական աղօթքը։
Գաղափարապաշտ ու պահանջատէր մեր երիտասարդութիւնը անգամ մը եւս ուխտեց թէ տէ’րն է մեր սրբազան իրաւունքներուն ու բռնագրաւուած մեր հողերուն։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles