ՆԻՒ ԵՈՐՔ.- ՄԱՍՆԱԿՑՈՒԹԻՒՆ ՍՈՒՐԲ ՆԻԿՈՂԱՅՈՍ ՅՈՅՆ ՈՒՂՂԱՓԱՌ ԵԿԵՂԵՑՒՈՅ ԵՐԵԿՈՅԵԱՆ ԺԱՄԵՐԳՈՒԹԵԱՆ

0 0
Read Time:46 Second

 

Կիրակի, Յուլիս 3-ի երեկոյեան, Ա.Մ.Ն. Արեւելեան Թեմի  բարեջան Առաջնորդ՝ Գերշ. Տ. Անուշաւան Արքեպիսկոպոսի անունով, Արժպ. Տ. Ներսէս Ա. Քհն. Մանուկեան՝ Ս. Գրիգոր Լուսաւորիչ եկեղեցւոյ (Ֆիլատելֆիա, Փէնսիլվանիա) պատուակալ հովիւ եւ Ազգ. Առաջնորդարանի միջեկեղեցական յարաբերութիւններու վարիչ, մասնակցեցաւ Նիւ Եորքի Ս. Նիկողայոս Յոյն Ուղղափառ Եկեղեցւոյ  օծման նախորդող երեկոյեան ժամերգութեան, որուն կը նախագահէր Էմմանուէլ Արքեպիսկոպոս՝ Բարթուղիմէոս  Ա. Տիեզերական Պատրիարքի ներկայացուցիչը։ Ներկայ էին  նաեւ տարբեր յարանուանութեանց ներկայացուցիչ եկեղեցականներ։

Սոյն եկեղեցին Սեպտեմբեր 11-ի ահաբեկչական յարձակումին ենթարկուած՝ Նիւ Եորքի զոյգ աշտարակներու փլուզումին պատճառով մեծապէս վնասուած էր։ Ծրագրուած էր նորակառոյց եկեղեցին օծել այդ տխուր օրուան քսանամեակին առթիւ, բայց կարելի չէր եղած։ Նոյեմբեր 2, 2021-ին, Տիեզերական Պատրիարքը եկած եւ կատարած էր միայն դռնբացէքի արարողութիւնը եւ գմբէթի վրայ զետեղուելիք խաչին օծումը։

Երկուշաբթի, Յուլիս 4-ին, Ամերիկայի անկախութեան օրուան առթիւ, Էմմանուէլ Արքեպիսկոպոս կատարեց օծումը սոյն եկեղեցւոյ, որ Նիւ Եորք նահանգին կողմէ պաշտօնապէս ճանչցուած է նաեւ որպէս ամերիկեան ազգային սրբավայր՝ ի յիշատակ զոյգ աշտարակներու երեք հազար անմեղ զոհերուն։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles